Ŋwàʼlə̀ Mak 11:32 - The New Testament in the Babanki language

³² Vəghəŋ sətsèn gàʼ la, ‘Kə nlu fà viʼi!’” (vəwenə mfànə̀ viʼi byìʼàndo viʼi vətsèm nkɨ la Joyn ndìʼ nshə̀ʼtə̀ ghoʼo.)

Ŋwàʼlə̀ Mak 11:32 Referans Kwoze

Ŋwàʼlə̀ Mak 12:12

Viʼi nè zhʉ̀ kənyʉ̀ a Yesò ngàʼà sə̀ mwòmsə̀ əghaʼ wen byìʼàndo vəwenə nkɨ la ghə̀ mò ngàyn ayì tò byìʼì vəwenə alì sə̀ fànə̀ nòyn viʼi yi a ghə̀ ndiʼì tsu mù ghʉ̀sə dyʉ̀ nə̀ wen ə̀ lù.

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Matìyò 14:5

Helòd nkəŋ əzhwi Joyn alì sə fànə̀ viʼi byìʼàndo vəwenə nlyɨ̀ Joyn anə̀ nshə̀ʼtə̀ ghoʼo Nyìngòŋ.

Shwèʼ 5:26

Kətʉ kə viʼi vyi a və ntsɨ̀ŋə̀ ngə̀ŋ Nyìngòŋ lì nè zhʉ̀ a lì wenə̀ viʼi wen dyʉ̀ ghaʼ viʼi ntɨm a vyi tò nə̀ mbwaʼmə̀ byìʼàndo vəwenə mfànə̀ la viʼi zì və temlə vəwenə nə̀ ngùʼsə.

Joyn 10:41

Viʼi ə nvi li a wen, to kədə̀ŋ, vi ali gàʼa la, “Nò tèbe ando Joyn ə ko ə diʼi nchwi kənyʉ̀ kə kaynəkə kə tsen, no tèbe ghò a ghə̀ ə ngàʼà kumə wìʼ ghèn a ndiʼ to nəmwèʼè.”

Ŋwàʼlə̀ Luk 22:2

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ Nyìngòŋ nkəŋ jisə ə nyeʼtə zhwi Yesò kò ndiʼi la viʼi a kɨ byèʼ ando vəwenə fàynə viʼi.

Ŋwàʼlə̀ Luk 20:19

Ndìʼsə̀ sə təsoʼ bènə̀ tʉtʉ vəpfèm və ngə̀ŋ Nyìngòŋ kɨ la ghə̀ yi mò ngàyn yì byìʼì vəwenə mù sə kəŋ ji əghaʼ wen tò a zhʉ ayì ali vəwenə ə fàyn nə̀ ashɨ viʼi.

Ŋwàʼlə̀ Mak 6:20

No nkàntə̀ Helòd ə̀ mfànə̀ Joyn byìʼe ghə̀ nkɨ la Joyn dìʼ wù kənyʉ̀ kə tɨməkə be diʼ wù Nyìngòŋ. Helòd ko mbyɨmə la və ne kənyʉ̀ kə byɨkə kətsenkə à Joyn. Ghə̀ nkòŋ ə nzhʉtə̀ nyʉ̀ vyi a Joyn ngàʼà alì nyʉ̀ a vyi zhuŋsə wen no nànto.

Matìyò 11:9

Ghə̀ŋ shə̀ʼtə̀ li a mò la ghə̀ŋ nkəŋ dyʉ̀ ənè ghò lo, əyen nshə̀ʼtə̀ ghoʼ mu? Kə diʼ tò a lì. Mà gàʼ à ghə̀ŋ la ghə̀ŋ ndyʉ̀ li yen wìʼ ghə̀ chò te nshə̀ʼtə̀ ghoʼo.

Ŋwàʼlə̀ Mak 11:31

Vəwenə zìtə̀ sə soʼtə̀ à vəwenə a ntìntìn gàʼà la, “Vəghəŋ sətsèn gàʼ la, ‘A nkù Nyìngòŋ kù kədyòʼ à wen.’ Ghə̀ à bèm la, ‘Ghə̀ŋ bè tyèn la ghə̀ŋ ko a byɨmə kənyʉ̀ kì a ghə̀ ngàʼà byìʼì ghò?’

Ŋwàʼlə̀ Mak 11:33

Vəwenə kwòʼtə̀ a lì ə̀ gàʼ à Yesò la, “Yès ko kɨ.” Yesò mù gàʼ à vəwenə la, “Nkàntə̀ mo li ko a shə̀ʼtə̀ kəshi a ma lyɨ̀ kədyòʼ fa tsu sə nè nyʉ̀ venə tsu.”