Ŋwàʼlə̀ Mak 10:17 - The New Testament in the Babanki language

¹⁷ Yesò nè lù sə ndyʉ̀ a ji, wutsen nyɨ̀ŋ vì shiʼi à wen alwi ashɨ Yesò ə bèm à wen la, “Ndìʼsə̀ jùŋ, mà lè zì mà ne no ghò ndi lu kiʼi bwoŋ yi a ghə̀ ko lə mè a?”

Ŋwàʼlə̀ Mak 10:17 Referans Kwoze

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Ŋwàʼlə̀ Luk 10:25

Ndìʼsə̀ soʼ tsen tɨmə a kàŋ sə mwòmsə Yesò ə̀ bèm la,“Ndìʼsə̀, ma nè no ghò ndi kiʼi bwòŋ yi a ghə̀ ko lu mè lì?”

Shwèʼ 16:30

Ghə̀ mù lyɨ̀ vəwenə fʉ̀ wenə̀ vəwenə a kəbəŋ ə̀ bèm à vəwenə la, “Vətìʼ, mà lè zì mà nè ghò bu lu kiʼi bwòŋ a?”

Shwèʼ 2:37

Viʼi avenə nè zhʉ̀ nyʉ̀ vyi a Bità ngàʼà, və sə̀ ku ngəʼ à vəwenə a tətyɨm no nànto. Vəwenə mù bèm à Bità wenə̀ viʼi ntɨm Yesò vətsenvə vi la, “Vəlèmə yès lè zì yès ne ale?”

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 9:6

Lù kwen ə̀ dyʉ̀ a tì ntə̀ʼ, a və a shə̀ʼtə̀ kənyʉ̀ a wù a wù diʼi nè.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 17:14

Yesò nè bwènə̀ shiʼi fa kwi pfen wenə̀ ndzɨ̀mtə̀sə bàm wen shì sətaʼ vì kwʉ̀ʼ nòyn viʼi tsenghə. Wùlɨm tsen fʉ̀ fa tì nòyn a yì gwʉ̀ʼtə alwi wen a shɨ Yesò

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Ŋwàʼlə̀ Mak 12:14

Vəwenə vì gàʼ à Yesò la, “Ndìʼsə̀, yès kɨ li la wù lu ngàʼà tò nəmwèʼè kò wu lu mfànə̀ la viʼi kwòʼtə̀ la ghò lo byìʼàndo àdìʼ à wù viʼi vətsèm diʼ tò ndə̀ŋndəŋ. Wù ziʼì tò kənyʉ̀ kə nəmwèʼè byìʼì Nyìngòŋ. Shə̀ʼtə à yès la àdìʼ à wù a kwòʼtə̀, soʼo byɨmə la və moʼ kənsè à fòn ghoʼo a Lum mu ghə̀ ko byɨmə lo? Vəghəŋ ə̀ mòʼò mu kə vəghəŋ à mòʼò lo?”

Ŋwàʼlə̀ Mak 9:25

Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”

Ŋwàʼlə̀ Mak 1:40

Wù kənsòtə̀ tsen vì ə̀ shiʼi à wen a nchiʼsə alwi a shɨ Yesò mù sə sensə̀ wen gàʼà la, “Wù sətsèn kòŋ mù wù zi wù chʉʼ mo.”

Matìyò 28:8

Ki vi zàŋsə̀ lù fa benə sè yì nə̀ fanə alì saŋlə̀ no nànto mù nyɨŋ ədyʉ̀ shə̀ʼtə̀ à ndzɨ̀mtə̀sə bàm Yesò.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Ŋwàʼlə̀ Mak 10:18

Yesò bèm à wen la, “Byìʼì ghò a wu dzàŋ mò nə̀ wu jùŋ a?” No wu jùŋ ko diʼ əchò tò Nyìngòŋ.

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

1 Bità 1:4

ə be kiʼi əghoʼ a kàŋ to ando Nyìngòŋ ə nghʉ̀ li mu ghə̀ zizi ko ghə̀ lu fwè, ko byɨf, ko kwitə əkə̀ʼ. Ə ghoʼ na ghənə ə diʼ a ghə̀ŋ ə viʼi Nyìngòŋ.