Ŋwàʼlə̀ Mak 1:26 - The New Testament in the Babanki language

²⁶ Kəzhwì kə byɨkə akì nə̀ʼ wìʼ ayì no nànto ə̀ bè zɨ̀mə no a gɨ to ə̀ mù fʉ̀ fa wen a wèn.

Ŋwàʼlə̀ Mak 1:26 Referans Kwoze

Ŋwàʼlə̀ Mak 9:26

Kəzhwì kə byɨkə akì ku nkəʼ ə̀ nə̀ʼ wàyn ayì no nànto mù fʉ̀, wàyn ayì mù sə kə̀ʼə̀ to nə̀ kəmpfʉ kə wìʼ. Nghoʼo viʼi mù sə gàʼà la, “Ghə̀ pfʉ li.”

Ŋwàʼlə̀ Mak 9:20

Vəwenə lyɨ̀ wàyn ayì vì nə̀ wen à Yesò. Kəzhwì kə byɨkə akì nè yèn Yesò tò yenə no a zhʉ̀ kò, ə̀ nè wàyn ayì fəŋ a nse sə bəŋkə̀ fa tsu kəfʉ̀ʼʉfʉ̀ʼʉ kə fʉ̀ fà wen a chʉ̀.

Ŋwàʼlə̀ Luk 11:22

Wù kədyòʼ tsen sətsèn vì to chò wen, sòyn əzhɨ wen, ghə̀ à boŋtə fo ghòŋ wen a ghə̀ yi zhəʼtə tsu boʼsə nə̀ fo a ghə̀ a tsoŋ ghə̀ dyʉ̀ gə̀tə̀ a ngwaʼ wen.

Ŋwàʼlə̀ Luk 9:42

Ghə̀ sə fʉ̀ dyʉ̀ nə̀ wen, kəzhwì kə byɨkə kyì moʼò wàyn ayì a nse, alì Yesò kàyntə̀ nyʉ̀ a kəzhwì kə byɨkə a kyì, kə fʉ̀, wàyn ayì to. Ghə̀ mù bwènsə̀ ku wen à tìʼ wen.

Ŋwàʼlə̀ Luk 9:39

Kəzhwì kə byɨkə ghaʼa wen, ghə̀ shen ə zɨmə dì ə fəŋ a nse, kəfʉ̀ʼʉfʉ̀ʼʉ kə sə fʉ̀ fa wen a chʉ̀. Kə sə nè alì, ku ngəʼ à wen, to əmòʼtə wen.

Ŋwàʼlə̀ Mak 1:25

A lì Yesò kəŋkə̀ kəzhwì kə byɨkə akì gàʼà la, “Kə be gàʼ! chò fʉ̀ fa wèn wìʼ ghèn!”

Ŋwàʼlə̀ Mak 1:27

Viʼi sə diʼ nə̀ kanə mù sə bèmə̀ à vəwenə a ntìntìn la, “Kènkə dìʼ ghò? Nki ziʼi fighə mu? Wìʼ ghèn ə kàyntə̀ nyʉ̀ nə̀ àdyoʼ no tè bè zhwì byɨvə zhʉ wen.”