Ŋwàʼlə̀ Mak 1:15 - The New Testament in the Babanki language

¹⁵ gàʼà la, “Zhʉ kwʉʼʉ̀ li, soʼo Fòyn Nyìngòŋ boʼsə li. Ghə̀ŋ kwitə tətyɨm təŋtə fà ghə̀ŋ a mbyɨsə ə̀ byɨmə ntɨm jùŋə ghèn.”

Ŋwàʼlə̀ Mak 1:15 Referans Kwoze

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Ŋwàʼlə̀ Luk 10:9

Ghə̀ŋ kwen a ntə̀ʼ ayì ə chʉʼ viʼi və kwaʼkə və a və diʼì tsu ə shə̀ʼtə̀ à vəwenə la soʼ fòyn Nyìngòŋ boʼsə li vəwenə.

Matìyò 10:7

Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Ŋwàʼlə̀ Luk 10:11

‘Tè kəbyìʼ kə ntə̀ʼ ghə̀ŋ a kə kuʼ à yès aghʉ yès zhès fà yès aghʉ ədìʼ kəchwitə la ngəʼ faŋli à ghə̀ŋ. Alì ghə̀ŋ kɨ la soʼ fòyn Nyìngòŋ boʼsə li à ghə̀ŋ.’

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

1 Timotì 2:6

Ghə̀ nku li wen ə wen ə pfʉ ə zen kətʉ kə viʼi və tsèm. Nyìngòŋ ə ne kənyʉ̀ a kenkə tò a yi zhʉ a ghə̀ ə kəŋ ə diʼ a nə̀ kəchwitəkə la ghə̀ kòŋ ə bwòŋsə viʼi və tsèm.

Taytùs 1:3

Nyìngòŋ ə mbwòŋsə̀ vəghəŋ, ə nè la viʼi nkɨ ntɨm ə wen aghèn a zhʉ yì a ghə̀ nkəŋə, gaʼa la ma ə nshyə̀ʼtə̀ à viʼi.