Ŋwàʼlə̀ Luk 9:55 - The New Testament in the Babanki language

⁵⁵ Alì Yesò fuʼtə ə kənkə vəwenə la kə vəwenə à mwòm.

Ŋwàʼlə̀ Luk 9:55 Referans Kwoze

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

Matìyò 26:51

Ndzɨ̀mtə̀ bàm ə Yesò tsen tsuʼ nyì wen ə̀ koʼ tin kətiʼitiʼi kə wù shwèʼ kətʉ kə Tʉtʉ vəpfèm və ngə̀ŋ Nyìngòŋ.

Matìyò 26:41

Ghə̀ŋ ntsi kə̀ʼə̀ be jɨ̀mə̀ ndi la kə mwòmsə̀ à vì à ghə̀ŋ. Mà kɨ la tətyɨm təŋtə kòŋə̀ ənè kənyʉ̀ a mà gàʼà alì təwen təŋtə bwaʼa.”

Matìyò 26:33

Bità gàʼ la, “Və ne sə nyɨŋ wù no vətsèm kò ma lə̀ nyɨŋə fa tsu.”

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Jems 3:10

Vəghəŋ ə ghoʼsə̀ nə̀ əchʉ be telə̀ tò nə̀ wenə ghə̀. Vəlèmə̀ vwomə kə ko yi diʼ ndiʼ alə̀.

Joyn 16:9

Ghə̀ diʼi kənyʉ̀ kì a kə byɨfə kumə mbyɨ byìʼì ando viʼi ko byɨmə a mò,

Ŋwàʼlə̀ Luk 9:54

Ndzɨ̀mtə̀sə bàm wen, Jems wenə Joyn ne yen kənyʉ̀ a kènkə ə gàʼ la, “Bobo, wu kəŋ la yès ə dzàŋ zhiʼ fa kàŋ ghə̀ shiʼì ə zhwi vəwenə?”

Ŋwàʼlə̀ Luk 9:56

Yesò wenə ndzɨ̀mtə̀sə bàm wen lù ə dyʉ̀ a ntə̀ʼ kədyàŋ.