Ŋwàʼlə̀ Luk 8:54 - The New Testament in the Babanki language

⁵⁴ Yesò mù kwen ə ghaʼ kəvu kə wen ə gàʼ no a gɨ̀ to la, “Wàyn, lu!”

Ŋwàʼlə̀ Luk 8:54 Referans Kwoze

Shwèʼ 9:40

Bità gàʼ la vəwenə no vətsèm fʉ̀ a kəbəŋ. Vəwenə fʉ̀kə̀, Bità mù gwʉ̀ʼtə alwi wen a nse ə̀ jɨ̀m à Nyìngòŋ, nè jɨ̀m ə̀ mè ə̀ fùʼtə gàʼ à bvenə ayi la, “Tabita, lu.” Ghə̀ bòʼtə̀ ashɨ wen sə lye àdìʼ Bità, ghə̀ lù ŋwʉʼʉ ŋwʉʼʉ.

Joyn 11:43

Ghə̀ gaʼa ali ə dzàŋ gàʼ no nə̀ ghɨ ə to la, “Lazalùs, fʉ̀ vì!”

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Ŋwàʼlə̀ Luk 8:51

Yesò dyʉ̀ zaʼa a ngə̀ŋ ayì sə kwen tsu ə̀ kàyn la kə wìʼ à kwen a ngə̀ŋ əchò Bità nə̀ Joyn nə̀ Jems nə̀ tìʼ bènə̀ lì wàyn ayì.

Ŋwàʼlə̀ Mak 9:27

Yesò ghaʼ kəvu kə wen ə̀ gyàmtə̀ wen ghə̀ lù tɨ̀mə.

Ŋwàʼlə̀ Mak 8:23

Yesò ghaʼ kwoŋ wìʼ ayì wenə̀ wen fʉ̀ fa ntə̀ʼ ayì, ghə̀ chʉ mənte à wen a ashɨ mù ghʉ̀ avu wen à wen a kətʉ ə̀ bèm à wen la, “Wu lè zì wù yen kəfo a?”

Ŋwàʼlə̀ Mak 1:31

Ghə̀ dyʉ̀ ghàʼ kəvu kə wen ə̀ tsòʼsə̀ wen, no a zhʉ̀ kò bvìʼ wen yì mè ghə̀ lù ku fozhɨvə vəwenə zhɨ.

Matìyò 9:25

A sə ə diʼ to ando viʼi fʉ a kəbəŋ, ghə̀ kwen dyʉ̀ a ngə̀ŋ ə ghaʼ kəvu kə wàyn a yi, no a zhʉ ko, ghə̀ lu tò lu.

Lumans 4:17

Kə diʼ to ndə̀ŋndəŋ ando və nyòʼo a Ŋwàʼlə̀ Nyìngòŋ a kəshi yi a ghə̀ ə gaʼa tsu a Ablaham la, “Ma wʉ̀ li wù a tìʼ a təloʼ to kədə̀ŋ.” Nyìngòŋ yi a Ablaham ə mbyɨmə ə wʉ̀ li wen a tìʼ a vəghəŋ. Ghə̀ nè li la viʼi və pfʉkəvə bwensə ə ntsi. Ghə̀ ə gaʼa to nə̀ əchʉ̀ la fo ndiʼ, və sə diʼ ko andiʼ la və ndiʼ.

Ŋwàʼlə̀ Luk 8:53

Vəwenə zhʉ mù sə chəʼə wen tò chəʼə, lyɨ̀ wen a kəndzɨ̀ŋtə̀, byìʼàndo vəwenə sə nkɨ la wàyn ayì pfʉli.

Ŋwàʼlə̀ Luk 8:55

Kəzhwì kə wen ke bwènə̀ vì tò a zhʉ ayì, ghə̀ lù, Yesò gàʼ la və kəŋ kəfo ə ku ghə̀ zhɨ.