Ŋwàʼlə̀ Luk 8:43 - The New Testament in the Babanki language

⁴³ A ndiʼ a ntìntìn nòyn ayì, wùwì tsen diʼ tsu, a ghə̀ nlaʼtə tò alə̀ yenə zhʉ wen, kwaʼa ayì ndiʼ mu ghə̀ tsili a wenə a wèn a ngwʉ̀ʼsə njʉ̀sə̀bò, kènla no wù kəfʉ̀ muʼ diʼ a ghə̀ zì ghə̀ chʉʼ wen, ghə̀ to.

Ŋwàʼlə̀ Luk 8:43 Referans Kwoze

Ŋwàʼlə̀ Luk 13:16

Ghə̀ŋ yen wùwì ghèn a ghə̀ lù fa ngwaʼa ngə̀ŋ Ablaham mu Satan kwìʼli ghaŋtə̀ wen ke zaytə wen a kətsi kəzhʉ̀tə kə a?”

Joyn 9:1

Yesò ə nlu li ə sə jèʼè dyʉ̀, ə yen wìʼ ə tsen mu ghə̀ nfyɨfəli mibu və sə bwi wen.

Ŋwàʼlə̀ Luk 13:11

Wùwì tsen ndiʼ tsu a ghə̀ nkiʼi kəzhwì mu kə neli ghə̀ sə kwaʼa tyì ngʉʼsə njʉ̀sə̀ fwomə, ghə̀ gɨməli faŋ kò ndiʼ la ghə̀ zì ghə̀ jèʼ ati ati.

Ŋwàʼlə̀ Luk 8:27

Yesò ne sə fʉ̀ vì a mbyɨ̀ àmù ə bùmtə̀ wen nə̀ wìʼ mu ghə̀ lù fa ntə̀ʼ tsen tsu. Wìʼ ayì kiʼ zhwì byɨvə mu və ntsi li no kəghaf, kò ghə̀ mòʼ kəfo a wenə a wèn kènla ghə̀ tsi a ngə̀ŋ, tsi tò a mbvɨməsə.

Shwèʼ 3:2

Wù kənkwàʼkə̀ tsen ndìʼ tsu mu və mbwi wen tò a lì. Və nlu byèʼè wen vì nə̀ wen a chʉ̀ kəshi yì a və ndzàŋə̀ nə̀ “Chʉ mbàyn ə Jùŋ.” Vəwenə mvì nə̀ wen tsu no mətsi ntsèm ndi ghə̀ nloynə ko fa viʼi a və mvì a ngə̀ŋ Nyìngòŋ.

Joyn 9:21

Alì yes ko kɨ la, ghə̀ jèʼ ale ə sə yenə shì luwen lò, ko yès lu kɨ la, à chʉʼ ndò nchʉʼ wen lò. Ghə̀ŋ bèm a wen, ghə̀ ko be diʼ wàyn bwaʼa. Nò tèbe wen zizi ghə̀ shə̀ʼtə̀ kənyʉ̀ kì a kə fʉ̀.”

Ŋwàʼlə̀ Mak 9:18

No a zhʉ̀ kò, a kə ghaʼa wen kə temə wen a nse, ghə̀ nàʼtə̀ ə̀ to la ntɨ̀ŋ, kəfʉ̀ʼʉfʉ̀ʼʉ kə sə fʉ̀ fa wen a chʉ̀, ghə̀ be pfiʼi asoŋ wen. Mà yi mvi ə nsensə ndzɨ̀mtə̀sə bàm wù la sə dzɨ̀mə̀ shìsə kəzhwì kə byɨkə a kènkə, vəwenə mwom nənlù ədzɨ̀m shìsə̀.”

Ŋwàʼlə̀ Mak 12:44

byìʼàndo vəwenə fàftə̀ fàftə̀ fà vəwenə a ghoʼ əvi ku alì wùwì ghèn no tè ando ghə̀ femə, ku li fəkotə̀ fə wen no tsèm kò ghə̀ be nkiʼ kəfo əzhɨ.”

Ŋwàʼlə̀ Luk 8:42

byìʼàndo ghə̀ nkiʼ wàyn wùwì wen tò mùʼ, ghə̀ diʼ ngwʉ̀ʼsə njʉ̀sə̀bò, mu ghə̀ sə pfʉ. Ando Yesò nlu sə dyʉ̀ wenə wen, nòyn viʼi sə fosə wen.

Ŋwàʼlə̀ Luk 8:44

Wùwì a ghèn fosə dyʉ̀ jì fa bàm Yesò ə kùmsə̀ su ndisə wen, no a zhʉ kò, zhʉ wen yì tyinə la kəŋ.