Ŋwàʼlə̀ Luk 6:27 - The New Testament in the Babanki language

²⁷ “Alì a ghə̀ŋ vi a ghə̀ŋ zhʉtə mò luwen, ma gàʼà la, ghə̀ŋ kòŋ viʼi kəbàyn ghə̀ŋ, nè njùŋ a viʼi a və baynə ghə̀ŋ.

Ŋwàʼlə̀ Luk 6:27 Referans Kwoze

1 Tèsàlonyà 5:15

Kə wìʼ fa ghə̀ŋ nə̀ bwensə mbyɨ nə̀ mbyɨ, ghə̀ŋ mwomsə ə nè nyʉ̀ ə jùŋə və a ghə̀ŋ təwen, be nè a viʼi və tsèm.

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Ŋwàʼlə̀ Mak 4:24

Ghə̀ bè gàʼ à vəwenə la, “Ghə̀ŋ ntùʼmə̀ nə̀ nyʉ̀ vyi a ghə̀ŋ zhʉ. No nshə̀ʼ ko a ghə̀ŋ ku fo tsu à viʼi à dìʼi ndə̀ŋndəŋ nshə̀ʼ a və be lə ku tsu à ghə̀ŋ ə be ku tè ku ə chò.”

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Shwèʼ 7:60

Ghə̀ shiʼi à wen a nchiʼsə alwi ə̀ dì a gɨ̀ to gàʼà la, “Bobo, lyesə nyʉ̀ byɨvə viʼi venə.” Ghə̀ gàʼ ali no a zhʉ̀ kò, ə̀ pfʉ.

Ŋwàʼlə̀ Luk 23:34

Yesò laʼtə̀ ə gàʼ la “Tìʼ! maʼa lè nyʉ̀ vəwenə byiʼè vəwenə ko kɨ kənyʉ̀ a vəwenə nè.” Vəwenə laʼtə mù zìtə̀ sə̀ tem baʼ ndì yèn wìʼ a ghə̀ a ghə̀ a zhɨ ndisə Yesò.

Ŋwàʼlə̀ Luk 8:18

“Ghə̀ŋ tùʼmə̀ li nə̀ jì a ghə̀ŋ zhʉtə fa tsu byìʼì no məndo, a ghə̀ kiʼi, və a ku kwùʼsə̀ a wen, no məndo, a ghə̀ ko kiʼ və a shi tè kətyetə kyì a ghə̀ kwòʼtə̀ la ghə̀ kiʼi.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Ŋwàʼlə̀ Luk 8:8

Ghətsen nfəŋkə a nse jùŋ, ə̀ fʉ̀ ə kuʼ ə fosə ə bi, və sə fʉ̀ pfì. No kətʉ kə asaŋ kə kò sə ku ashɨ asaŋ, ghə̀ ghoʼo zaʼa a ghɨ.” Yesò gàʼ alì ə be mù gàʼ no a gɨ̀ to la, “No məndo a ghə̀ tofə, ghə̀ tùʼù zhʉtə.”

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.

Shwèʼ 16:28

alì Bol zɨmə ə̀ gàʼ la, “Kə a sù wen ə wù, yès diʼ a shə̀ tò vətsèm.”