Ŋwàʼlə̀ Luk 4:41 - The New Testament in the Babanki language

⁴¹ Zhwì byɨvə bè fʉ̀ fa wèn nghoʼo viʼi zɨmə gàʼà la “Wu diʼ wàyn Nyìngòŋ.” Alì Yesò kəŋkə̀ vəwenə kènla ghə̀ ghʉsəli la vəwenə bè gàʼ kənyʉ̀ byìʼàndo vəwenə nkɨ la ghə̀ ndiʼ wìʼ yi a Nyìngòŋ tsuʼli ə ghʉ.

Ŋwàʼlə̀ Luk 4:41 Referans Kwoze

Ŋwàʼlə̀ Mak 1:34

Yesò chʉʼ viʼi no vəghoʼo a və nkiʼi təkwaʼa tò a tənkì a tənkì, be dzɨ̀m shìsə̀ zhwì byɨvə no ghoʼo fa təwèn vətsenvə. Ghə̀ ndzɨ̀mə̀ a lì kò ghə̀ lə mbyɨmə la no kəzhwì kə byɨkə kə mùʼ kə gàʼ kənyʉ̀ byìʼàndo zhwì byɨvə a vyi nkɨ wen.

Jems 2:19

Ghə̀ŋ ə nè a nkàyn ando ghə̀ŋ ə byɨmə la Nyìngòŋ dìʼ tò mùʼ. No tè zhwì byɨvə byɨmə be tsɨŋtə̀ nə̀ fanə.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Ŋwàʼlə̀ Mak 3:11

Viʼi a və nkiʼ zhwì byɨvə nyenə wen no a zhʉ̀ kò, zhwì byɨvə a vyi nè vəwenə fəŋkə a nse sə zɨmə̀ dì gàʼà la, “Wù dìʼ wàyn Nyìngòŋ!”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Ŋwàʼlə̀ Mak 1:25

A lì Yesò kəŋkə̀ kəzhwì kə byɨkə akì gàʼà la, “Kə be gàʼ! chò fʉ̀ fa wèn wìʼ ghèn!”

Matìyò 8:4

Yesò mù gàʼ à wen la, “Kə wù a mwòm əshə̀ʼtə̀ kənyʉ̀ a kə cho à wìʼ. Alì dyʉ̀ ə dìʼ wen wu à pfem ngə̀ŋ Nyìngòŋ be ku kəku kì a soʼ Mosìs ngàʼa la wìʼ to fa kənsòtə̀, ghə̀ ku kəku ndi viʼi kɨ la wù to li.”

Matìyò 8:16

A nè sə ndiʼ a kəlyɨŋ kə mpfwòmə, və vì nə̀ viʼi à wen no və ghoʼo a və nkiʼi zhwì byɨvə, Yesò gàʼ tò kənyʉ̀ kə mùʼ, zhwì byɨvə a vyì fʉkə, ghə̀ bè chʉʼ viʼi və kwaʼkə və no vətsèm.

Ŋwàʼlə̀ Mak 1:32

A nè sə ndiʼ a kəlyɨŋ kə zhʉ mpfwòmə, viʼi vì nə̀ viʼi və kwaʼkəvə vəwenə no vətsèm bènə̀ vi a və nkiʼi zhwì byɨvə,

Ŋwàʼlə̀ Luk 4:39

Ghə̀ dyʉ̀ tɨmə a wen kətʉ kə kwen, ə kəŋkə̀ fiba ayi ghə̀ mòʼtə̀ wen. Fa zhʉ a ghèn ghə̀ lù ku fozhɨvə, vəwenə zhɨ.