Ŋwàʼlə̀ Luk 4:16 - The New Testament in the Babanki language

¹⁶ Yesò lu dyʉ̀ a Nazalèt a ndiʼ ntə̀ʼ a ghə̀ nkwi tsu, ə dyʉ̀ kwèn a ngə̀ŋ ntsentə a kətsi kə zhʉtə kə vəwenə kətsenkə ando à ndiʼ ntsìnə̀ wen ə lu tɨmə dzàŋ ŋwàʼlə̀ Nyìngòŋ.

Ŋwàʼlə̀ Luk 4:16 Referans Kwoze

Shwèʼ 17:2

Bol dyʉ̀ a ngə̀ŋ ntsèntə̀ ayì ando ghə̀ njèʼè nè ə̀ lyɨ̀ mətsi mə nzhʉtəmə Vəjew ntaʼ, əsoʼtə nyʉ̀ a və mfʉ̀ fa Ŋwàʼlə̀ Nyìngòŋ.

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Ŋwàʼlə̀ Luk 2:42

Wàyn nè kwi zaʼa a ngwʉʼ njʉ̀sə̀ bò vəwenə bè kuʼ tsu ando vəwenə nè.

Joyn 18:20

Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.

Ŋwàʼlə̀ Luk 4:21

Ghə̀ mù gàʼa vəwenə la “Nyʉ̀ na venə a mà dzàŋli ghə̀ŋə zhʉ lə və kwʉʼli layn.”

Ŋwàʼlə̀ Luk 2:39

Josèf wenə Mèli nè myètə no nyʉ̀ tsèm ando soʼ Bobo ngàʼà, vəwenə bwènə̀ pfwo a ntə̀ʼ Nazalèt a loʼo Galìlì.

Ŋwàʼlə̀ Luk 4:15

Ghə̀ nè sə njèʼè ziʼi a aloʼ ntsentə Nyìngòŋ və Jus, no məndo sə kuʼsə wen.

Ŋwàʼlə̀ Luk 4:17

Və ku ŋwàʼlə̀ nshə̀ʼtə̀ Isayà a wen, ghə̀ bòʼ ə kəŋ ə yen kəshi kyi a və ə nyòʼo tsu la:

Ŋwàʼlə̀ Luk 4:23

Ghə̀ gàʼa vəwenə la “Ma kɨli la ghə̀ŋ a laʼtə ə gàʼa gàʼ shəʼ ghə̀ ghenə a mò la wu chʉʼʉ viʼi, wen ə wu. Nèli nyʉ̀ vyi luwen a wù a loʼ a yes zhʉ la wù tə nè a kàbanùm.”