Ŋwàʼlə̀ Luk 22:37 - The New Testament in the Babanki language

³⁷ Ma gàʼ à ghə̀ŋ alə̀ la kənyʉ̀ a və nyoʼo li a ŋwàʼlə̀ Nyìngòŋ la ‘Və nghʉ wen a kənyʉ̀ kə mùʼ wenə̀ viʼi nè nyʉ̀ byɨvə.’ Diʼi lyɨ̀ kəshi a mò luwèn, byìʼì la nyʉ̀ tsèm a və nyoʼo byìʼì mò sə̀ lyɨ̀ kəshi luwèn.”

Ŋwàʼlə̀ Luk 22:37 Referans Kwoze

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Ŋwàʼlə̀ Luk 23:32

A ndiʼ a zhʉ a və ndyʉ̀ nə̀ və bè ndyʉ̀ nə̀ viʼi vətsenvə vəbò a vəwenə kwaʼtə təsoʼ.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Joyn 17:4

Ma diʼi li kədyòʼ ə kyəkə a nse a ji la, ma nè li mwetə shwèʼ yì a wù tə ku la mà nè.

Joyn 10:35

Nyìngòŋ ə sətsen ə toŋtə viʼi vyi a kənyʉ̀ kə Nyìngòŋ kə ə vì a vəwenə la, ‘Vənyìngòŋ,’ vəghəŋ ə kɨ la və zizi ko və lu kwitə kənyʉ̀ kə Nyìngòŋ,

Ŋwàʼlə̀ Luk 18:31

Yesò lyɨ̀ ndzɨ̀mtə̀sə bàm wen, njʉ̀sə̀ bò ə gàʼ à vəwenə la, “Ghə̀ŋ kɨ la vəghəŋ kuʼ dyʉ̀ a Jelusalèm luwen, no ghò a nshə̀ʼtə̀ sə ghoʼkə sə diʼ mu sə nyoʼli kùmə̀ Wàyn Wìʼ diʼ kwʉʼ.

Ŋwàʼlə̀ Luk 22:22

Wàyn wìʼ ne a pfʉ ando Nyìngòŋ yi ghʉ alì ngəʼ byɨ ne ndiʼ a wìʼ a ghə̀ baʼlə wen.”

Ŋwàʼlə̀ Mak 15:27

Və ne a lì bè bantə viʼi vətsenvə vəbò. Və mbantə wù muʼ a shyə kwoŋ toghə nə̀ ghətsen a shyə kwoŋ nànkwè.

Ŋwàʼlə̀ Luk 22:36

Ghə̀ mù gàʼ à vəwenə la, “luwèn wìʼ a ghə̀ kiʼi ko kò kəmbò, ghə̀ lyɨ̀. Wìʼ a ghə̀ ko kiʼ nyì, ghə̀ baʼlə dàlə wen ə zen.

Ŋwàʼlə̀ Luk 22:52

Yesò mù bèm à tʉtʉ vəpfèm və Nyìngòŋ nə̀ tʉtʉ viʼi ntsɨ̀ŋsə ngə̀ŋ Nyìngòŋ bènə̀ və chəʼ vətsenvə a və nvì əghaʼ wen la “Ghə̀ŋ vì nə̀ nyisə, nə̀ mbàŋsə əvì ghaʼ mo sə ma diʼ tsoŋ ale?

Ŋwàʼlə̀ Luk 24:27

Ghə̀ mù zìtə̀ fa Mosìs nə̀ nshə̀ʼtə̀sə no sə̀tsèm əgaʼa laynsə nyʉ̀ tsèm a və nyoʼo a ŋwàʼlə̀ Nyìngòŋ byìʼì wen. Ghə̀ mù gaʼa laynsə a vəwenə nyʉ̀ tsèm zìtə̀ fa Mosìs ədyʉ̀ a nshə̀ʼtə̀sə sətsèm nyoʼo li byìʼì wen.

Ŋwàʼlə̀ Mak 15:28

(A ji ghèn kənyʉ̀ a və ə̀ nyòʼò a ŋwàʼlə̀ Nyìngòŋ la, “Və lu taŋ wen a tì viʼi kwaʼà təsoʼ” ndiʼ nəmwèʼè.)