Ŋwàʼlə̀ Luk 21:17 - The New Testament in the Babanki language

¹⁷ No viʼi vətsèm lu bàyn ghə̀ŋ byìʼì mò,

Ŋwàʼlə̀ Luk 21:17 Referans Kwoze

Joyn 15:19

Ghə̀ŋ tə ndiʼ viʼi mbyi mu vəwenə kòŋ ghə̀ŋ to nə̀ viʼi vəwenə. Luwen ə diʼ mù ma tə ə tsùʼtə shisə ghə̀ŋ fa mbyi, ghə̀ŋ ko diʼ viʼi mbyi. A le kənyʉ̀ ki a viʼi mbyi bàynə̀ ghə̀ŋ tsu.

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

Joyn 15:21

Və a nè nyʉ̀ venə a ghə̀ŋ alə̀ no ətsèm, byìʼì mò byìʼàndo vəwenə ko kɨ wìʼ yì a ghə̀ tɨmə mo.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

2 Kolìntyàns 4:11

Yès ə tsi tèbe tsì, diʼ to chʉ̀ əpfʉ̀ byìʼì Yesò. Yès ə diʼ a ji na ghèn ndi viʼi ə yenə ntsìnə̀ Yesò a yès kətsoʼ kə wen a kə lu pfʉ̀ lə.

Joyn 17:14

Ma tə shə̀ʼtə ntɨm ə wù a vəwenə, viʼi mbyi ə sə baynə vəwenə byìʼàndo vəwenə ko diʼ to nə̀ viʼi mbyi, to ndə̀ŋndəŋ ando ma ko diʼ wù ə mbyi.

Ŋwàʼlə̀ Mak 13:13

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Matìyò 24:9

Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò.

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

1 Bità 4:14

Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Joyn 7:7

Viʼi mbyi ko bàynə̀ ghə̀ŋ, ali bàynə̀ mò byìʼàndo ma diʼi làynsə jisə nyʉ̀ ə byɨvə ə vəwenə.

Matìyò 5:11

Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Ŋwàʼlə̀ Luk 21:16

Vətiʼi vəŋə, vəlì vəŋə, və lèmə̀ vəŋə, viʼi ndoŋsə ghə̀ŋ bènə̀ viʼi loʼ ne ku ghə̀ŋ à viʼi kəbàyn ghə̀ŋ la və zhuŋsə ghə̀ŋ bè zhwilə ghə̀ŋ vətsenvə.

Ŋwàʼlə̀ Luk 21:18

alì kò tè nyɨŋ muʼ a lè fà ghə̀ŋ a kətʉ.