Ŋwàʼlə̀ Luk 19:10 - The New Testament in the Babanki language

¹⁰ Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Ŋwàʼlə̀ Luk 19:10 Referans Kwoze

Matìyò 1:21

Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Lumans 5:6

Ghə̀ŋ kɨ li la andiʼ ando vəghəŋ bo nè nyʉ̀ ə byɨvə, ko ji kənyʉ̀ kətsenkə be baynə tebè a vəghəŋ, Yesò ə vi ə pfʉ ə bwoŋsə vəghəŋ. Ghə̀ nvi to azhʉ̀ yi a Nyìngòŋ ə mbaʼtə wʉ̀.

Matìyò 15:24

Yesò gàʼ à wùwì ayì la, “Nyìngòŋ tɨm mo tò à viʼi Islel vi a və diʼì tò nə̀ byisə vənjɨ̀ sə lekəsə.”

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Matìyò 10:6

Ghə̀ŋ bòŋsə dyʉ̀ toʼ a viʼi Islel vyì a və diʼì alì to nə̀ byisə njɨ̀ sə lèsə.

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Matìyò 18:11

[“Byèʼè Wàyn Wìʼ mvi ə bwòŋsə viʼi və levə”].

Joyn 3:17

Nyìngòŋ ə ko ə ntɨm wàyn wen a mbyi la ghə̀ vi byɨbsə viʼi mbyi, ghə̀ ntɨm la ghə̀ vi, ghə̀ bwòŋsə viʼi e chò fa wen.

Ŋwàʼlə̀ Luk 15:8

“Ghə̀ŋ be zhʉtə a! Wùwì tsen nkiʼi ko wen a ghə̀ nghʉ, tsen ghə̀ lè, ghə̀ à nè ghò? Gàʼa kò ghə̀ à dyàyn kənkàʼtə̀ ə zhès ngə̀ŋ wen ə tuʼtə kəŋ ko ayi əzaʼa fa zhʉ a ghə̀ a yen.