Ŋwàʼlə̀ Luk 18:22 - The New Testament in the Babanki language

²² Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Ŋwàʼlə̀ Luk 18:22 Referans Kwoze

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Ŋwàʼlə̀ Luk 16:9

“Mà mù sə gàʼ à ghə̀ŋ la, ghə̀ŋ ne nè njùŋ nə̀ ko ghenə a ghə̀ ko lu faŋ ndi ghə̀ lù mè, ghə̀ŋ sə pfwo a loʼ faŋghə̀, və shisə ghə̀ŋ nə̀ avu à bò.

Ŋwàʼlə̀ Luk 10:42

A diʼ tò kənyʉ̀ kə mùʼ a və kəŋ. Mèli tsuʼli kənyʉ̀ kə jùŋ kə a kì a və ko zì və be shi fà wen.”

2 Bità 3:8

Alì kə ghə̀ŋ a lyèsə kənyʉ̀ kènkə a doŋ shom sə jùŋsə la à diʼ a Bobo, kətsi kə ə mùʼ kə diʼ to nə̀ ngʉ̀ʼ nkam, ngʉʼsə nkam diʼ to nə̀ kətsi kə mùʼ.

Filìbàyns 3:13

Vəlèmə̀ vwomə, mà ko lyɨ̀ la mà mwetə li kənyʉ̀ akènkə, alì kənyʉ̀ kə diʼ tò kə mùʼ a ma nè à diʼ la mà ko be ghʉ kətʉ a ənyʉ̀ chovə, mà shyèʼè dyʉ̀ tò nə̀ mbì.

Ŋwàʼlə̀ Luk 9:23

Yesò gàʼ alì mù gàʼ à nòyn viʼi vyi a və nvì lì la, “No məndò a ghə̀ kəŋ dzɨ̀mtə̀ mo, ghə̀ diʼi tyen ngə̀ŋ kətʉ wen ə byèʼè kəntò kə wen no məntsi ntsèm ə dzɨ̀mtə̀ mo.

Ŋwàʼlə̀ Luk 18:21

Kətʉ kyì mù gàʼ à wen la, “Mà ghʉli təsoʼ tèntə no tə tsèm no fa tyetə.”

Ŋwàʼlə̀ Luk 18:23

Kətʉ a kyì nè zhʉ kənyʉ̀ na kèn, kə nè, ghə̀ sə̀ diʼ tò nshinsə a nshinsə byìʼì ghə̀ ndiʼi no wù ghoʼo.