Ŋwàʼlə̀ Luk 16:31 - The New Testament in the Babanki language

³¹ Ablaham mù gàʼ à wen la, ‘Vəwenə sətsèn faŋ kè zhʉ̀tə kənyʉ̀ kyì a Mosìs wenə nshə̀ʼtə̀ sə ghoʼkə sə nlù nyòʼ, kò vəwenə à zhʉ̀tə tə kənyʉ̀, a zhʉ a wìʼ yì bwènə̀ dyʉ̀ à vəwenə mu ghə̀ lù fa pfʉ.’”

Ŋwàʼlə̀ Luk 16:31 Referans Kwoze

2 Kolìntyàns 4:3

Kə le yi ndiʼ tèbe la kəfo kə sətsèn be chiʼtə no tèbe ətof wìʼ la kə ghə̀ zhʉ̀ kɨ ntɨm ə jùŋ yì a yès ə shə̀ʼtə̀, à ne diʼ tò wìʼ a ghə̀ le le.

2 Kolìntyàns 5:11

Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Shwèʼ 26:28

Fòn Aglibà bwènsə̀ bèm à wen la, “Wù lè kwòʼtə̀ la wù zì wù lyɨ tò kətemə kə zhʉ kènkə əkwitə mo mà ndiʼ wu byɨmə a?”

Shwèʼ 19:8

Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Ŋwàʼlə̀ Luk 16:30

Ghə̀ gàʼ à Ablaham la, ‘Jòʼ a Tìʼ, wìʼ sətsen bòŋsə lu fa loʼ və mpfʉ̀ və nsè ashə̀ ə bwènə̀ dyʉ̀ a vəwenə, vəwenə à kwitə tətyɨm tə vəwenə fa vəwenə mbyɨsə.’

Ŋwàʼlə̀ Luk 17:1

Yesò gàʼ à ndzɨ̀mtə̀sə bàm wen la, “Nyʉ̀ vyi a və nè viʼi ne mbyɨsə ko faŋ kè ndiʼ, alì ngəʼ ghoʼo diʼ à wìʼ yì a ghə̀ nè la viʼi yenə ngəʼ!

Joyn 5:47

To ando ghə̀ŋ ko əbyɨmə kənyʉ̀ a Mosìs ə nyoʼo, ghə̀ŋ lə̀ zì ghə̀ŋ byɨmə kənyʉ̀ a ma gaʼa a?”