Ŋwàʼlə̀ Luk 16:13 - The New Testament in the Babanki language

¹³ “Wìʼ ko zì ghə̀ ndiʼ wù shwèʼ viʼi və bò a zhʉ̀ mùʼ. Kə sətsèn ndiʼ alì, ghə̀ a baynə ghə̀ muʼ, alì kòŋ ghə̀ tsen; ko ngumlə̀ ghə̀ muʼ chasə ghə̀ tsen. Wù ko zì wu nshwèʼè à Nyìngòŋ bè shwèʼ ko tò fa zhʉ.”

Ŋwàʼlə̀ Luk 16:13 Referans Kwoze

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Ŋwàʼlə̀ Luk 14:26

“Wìʼ zì kò ghə̀ lù kwʉʼ ədiʼ ndzɨ̀mtə̀ bàm mò, chò la ghə̀ kòŋ mò chò ando ghə̀ kòŋə̀ tìʼ wen nə̀ lì wen, ne wì wen, nə̀ vunə wen, nə̀ və lèmə̀ və wen, be kòŋ mò chò tè ngə̀ŋ kətʉ wen.

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

Ŋwàʼlə̀ Luk 11:23

“No məndo a ghə̀ ko diʼ bàmə mùʼ yo wen mu ghə̀ lì soynə mò. No məndò a ghə̀ ko gyàmtə̀ mò əpfʉtə viʼi Nyìngòŋ mu ghə̀ lì sàsə̀ sàsə̀.

Ŋwàʼlə̀ Luk 16:9

“Mà mù sə gàʼ à ghə̀ŋ la, ghə̀ŋ ne nè njùŋ nə̀ ko ghenə a ghə̀ ko lu faŋ ndi ghə̀ lù mè, ghə̀ŋ sə pfwo a loʼ faŋghə̀, və shisə ghə̀ŋ nə̀ avu à bò.

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Ŋwàʼlə̀ Luk 9:50

Yesò gàʼ à wen la, “Kə ghə̀ŋ bè tàm wen byìʼàndo wìʼ yì a ghə̀ ko soynə ghə̀ŋ diʼ à ghə̀ŋ a shə.”

Ŋwàʼlə̀ Luk 16:12

Kə sə chò wìʼ ə ghə̀ tuʼmə nə̀ kəfo kə wen kə a lu ku ndo kəfo kə wen la ghə̀ tuʼmə nə̀ kə wen kə a?