Ŋwàʼlə̀ Luk 16:1 - The New Testament in the Babanki language

¹ Yesò bè mò fətitì fə tsenfə à ndzɨ̀mtə̀sə bàm wen la, “Wù ghoʼo tsen nlù kìʼ wù shwèʼ a ghə̀ nghʉ la ghə̀ ntùʼmə̀ nə̀ ghoʼ wen. Tʉʼ layn, viʼi gàʼ à wen la wìʼ ayi byɨsə̀ fo wen tò kədyàŋ.

Ŋwàʼlə̀ Luk 16:1 Referans Kwoze

1 Bità 4:10

Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Jems 4:3

Ghə̀ŋ ə bèmə̀ kò və lu nku à ghə̀ŋ byìʼàndo ghə̀ŋ ə bèmə̀ a ji shwe. Ghə̀ŋ ə bèmə̀ ənè nyʉ̀ ngəŋsə ghə̀ŋ tsu.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

Ŋwàʼlə̀ Luk 15:30

Alì wàyn wù ghèn sə dyʉ̀ vì tò vì, mu ghə̀ tə lyɨ̀ ko wu ndyʉ̀ mbyɨsə wenə və akwàlà, wu boŋsə bvaʼ mpfi kəzoʼ kə nyàm à wen!

Ŋwàʼlə̀ Luk 15:13

Mətsi chò tò nshə̀ʼ alə̀, ghə̀ tyetə yi baʼlə fo wen no tsèm ə lù dyʉ̀ a jèʼ a loʼ tsen ghə̀ no kəghaf. Ne dyʉ̀ zaʼa tsu ə zhɨ ko wen tsu no tsèm.

Ŋwàʼlə̀ Luk 19:20

Ghə̀ tsen vì ə gàʼ la, ‘Tìʼ, à lè nkam wù yi a mà tə kwìʼtə ə ghʉ kəbàs kə ndisə,

Ŋwàʼlə̀ Luk 16:19

Ghə̀ gàʼ alì be shə̀ʼtə̀ fətitì fə tsenfə la, “Wù ghoʼo tsen nlù dìʼ, moʼò tò ndisə ko to ghə̀ bè zhɨ wenə wen tò mətsi tsèm.

Ŋwàʼlə̀ Luk 8:3

A ndiʼ Jowanà, wì wù shyèʼ Helòd yì a və ndzàŋ nə̀ Chuzà, nə̀ Sùsana bènə̀ kyi vətsenvə no və ghoʼo. Vəwenə ngyàmtə̀ tuʼmə nə̀ Yesò wen ndzɨ̀mtə̀sə bàm wen.

Matìyò 20:8

“A nè sə ndiʼ a zhʉ mpfwomə, tì sɨm ayì gàʼ à kətʉ kə viʼi shwèʼ kì la, ‘Dzàŋtə viʼi shwèʼ ə̀ lòʼ vəwenə, wù nè sə nlòʼò wù zìtə̀ fà vi a mà yì lyɨ̀ a bàm lì dyʉ̀ mèsə̀ nə̀ vi a mà yì lyɨ̀ a mbì lì.’

Ŋwàʼlə̀ Luk 16:2

Wù ghoʼ ayi dzàŋ wen ə bèm à wen la, ‘Ma zhʉ la ghò byìʼì wù a? Diʼi à mò la, à kwen gho, à fʉ̀ ghò lo? Zhʉ kwʉʼli a wù à fʉ̀ fa shwèʼ.’