Ŋwàʼlə̀ Luk 15:6 - The New Testament in the Babanki language

⁶ ə pfwo dyʉ̀ dzàŋtə viʼi ndoŋsə wen bènə̀ viʼi vətsen vyi a və kɨ wen ə gàʼ à vəwenə la,‘Ghə̀ŋ vi vəghəŋ zhɨ kətsi kèn layn byiʼàndo ma yenli byi ghom a ghə̀ tə̀ lè, kənyʉ̀ a kèn sə bòŋ à mò no nànto’

Ŋwàʼlə̀ Luk 15:6 Referans Kwoze

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Shwèʼ 15:3

Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto.

Joyn 15:14

Ghə̀ŋ nè to ando əsoʼ ə ghomə əgàʼa, ghə̀ŋ ne ndiʼ doŋ shomsə.

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Ŋwàʼlə̀ Luk 15:7

Ma gàʼà ghə̀ŋ la kə lu ndiʼ tò alì a kaŋ. Saŋlə lu ndiʼ a kàŋ byìʼì wù ne nyʉ̀ byɨvə mùʼ a ghə̀ kwitə tyɨmə wen ə bwenə vi à Nyìngòŋ chò ando ghə̀ lu ndiʼ byìʼì viʼi və ghoʼvə vyi a və kwìʼtə la və ko bè diʼi kwitə tətyɨm tə vəwenə fa mbyɨsə.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Filìbàyns 1:4

Ma diʼ nə̀ saŋlə a zhʉ ma jɨ̀mə̀ a ghə̀ŋ no zhʉ̀ko.

Ŋwàʼlə̀ Luk 1:58

Viʼi a və ntsi boʼsə wen nə̀ viʼi ngwaʼa wen zhʉ njùŋ ə ghoʼo yì a Bobo nèli a wen sə̀ boŋ saŋlə.

Ŋwàʼlə̀ Luk 15:5

Ghə̀ ne yen, ghə̀ sə saŋlə no nànto. Ghə̀ byèʼè alə̀ ə ghʉ a wenə a mbyəʼsə