Ŋwàʼlə̀ Luk 12:48 - The New Testament in the Babanki language

⁴⁸ Ali yi a ghə̀ ko kɨ kənyʉ̀ a ti shyèʼ wen kəŋ, sətsen nè kənyʉ̀ a və yi ndiʼ ghòm wen tsu, kò və a ghòm wen nànto. No məndo a və sətsèn ku fo ghoʼvə a wen, mu və be a nkəŋ tò kə ghoʼ fa wen. Və sətsèn choʼ a no məndo chò, və ne a kəŋ bwènə̀ shi fà wen a nchoʼ.”

Ŋwàʼlə̀ Luk 12:48 Referans Kwoze

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

Joyn 15:22

Ma tə faŋ ke vì ə gàʼ a vəwenə kumə mbyɨsə vəwenə mu kə ko diʼi tebè la vəwenə nè li mbyɨ ando kə diʼi luwen. Vəwenə ko kiʼi kənyʉ̀ kə tsen kə luwen ə gàʼ kumə mbyɨsə vəwenə.

Matìyò 13:12

Ghə̀ŋ kɨ la no ndò a ghə̀ sə kiʼì kəfo və a ku kwʉ̀ʼsə̀ à wen ndi ghə̀ ntùʼtə̀ kiʼ alì no ndò a ghə̀ ko kiʼì kəfo və a shì tè kətyetə kì a ghə̀ kiʼì lì.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

Ŋwàʼlə̀ Luk 16:2

Wù ghoʼ ayi dzàŋ wen ə bèm à wen la, ‘Ma zhʉ la ghò byìʼì wù a? Diʼi à mò la, à kwen gho, à fʉ̀ ghò lo? Zhʉ kwʉʼli a wù à fʉ̀ fa shwèʼ.’

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

Taytùs 1:3

Nyìngòŋ ə mbwòŋsə̀ vəghəŋ, ə nè la viʼi nkɨ ntɨm ə wen aghèn a zhʉ yì a ghə̀ nkəŋə, gaʼa la ma ə nshyə̀ʼtə̀ à viʼi.

Ŋwàʼlə̀ Luk 12:41

Bità bèm à Yesò la, “Bobo, wù mò ngàyn ghèn tò a yès mu, wù mò a viʼi və tsèm a?”

Ŋwàʼlə̀ Luk 12:49

Yesò gàʼ à ndzɨ̀mtə̀sə bàm wen la, “Ma tə vi ədisə zhiʼ a ntìntìn viʼi, shi ku la ghə̀ sə bolə a!

Matìyò 23:14

[Ngəʼ ghoʼo dìʼ a ghə̀ŋ viʼi Falàsi bènə̀ ndìʼsə̀sə təsoʼ byìʼì kəmbɨ̀lə̀ kə ashɨ. Ghə̀ŋ lobtə̀ ki mpfʉ shi məbəŋ mə vəwenə be bɨ̀lə̀ ashɨ viʼi nə̀ təjɨ̀m tə dyə̀fkətə. Byìʼì nyʉ̀ avenə no tsèm ngəʼ ghə̀ŋ lu mbyɨfə chòsə̀.”]