Ŋwàʼlə̀ Luk 12:37 - The New Testament in the Babanki language

³⁷ Ti shyèʼ sətsen bwənə pfwo kwetə viʼi shyèʼ wen bu sàŋlə sə diʼ à vəwenə. Ma gàʼ a ghə̀ŋ la no nkàyntə̀ wen à nè la vəwenə ŋwʉʼ a kəshi kə kəzhɨ, ghə̀ shɨtə wenə wen ə chòsə̀ fozhɨvə à vəwenə.

Ŋwàʼlə̀ Luk 12:37 Referans Kwoze

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.

Matìyò 24:42

Ando kə diʼì a lì, ghə̀ŋ ŋwʉʼ bvʉ̀tə̀ byìʼàndo ghə̀ŋ ko kɨ̀ kətsi kì a Bobo ghə̀ŋ ə lu vì.

Filìbàyns 1:23

Mà sə fɨŋmə fa ntìntìn nyʉ̀ a ghèn, kòŋ ə moʼtə nse ghèn ə dyʉ̀ ə ndiʼ yo Klistò, a diʼ kənyʉ̀ ki a kə bòŋ kwʉʼʉ a mò.

1 Kolìntyàns 2:9

Yès ə ziʼi to kənyʉ̀ a və nyòʼò a Ŋwàʼlə̀ Nyìngòŋ la: “Wìʼ ko təmə yen, ko ndiʼ la wìʼ təmə zhʉ, wìʼ ko təmə kwòʼtə kənyʉ̀ ki tèbe kwoʼtə a Nyìngòŋ ə bàtə li a viʼi vyi a və kòŋ wen.”

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

Kəmwetə 7:17

byìʼàndo wàyn bi njɨ̀ yì a ghə̀ ŋwʉʼ a tì kəshi kə kəfwoyn ne ndiʼ ntsɨ̀ŋ ə̀ vəwenə. Ghə̀ ne lyɨ̀ vəwenə dyʉ̀ nə̀ vəwenə ashi a mu mi a ku əbwòŋ ko mə lu nzɨmə. Nyìngòŋ be tì məshɨ mə vəwenə no ntsèm fà vəwenə ashɨ.”

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Filìbàyns 1:21

A diʼ a mò, ma tsi ə nshyèʼè a Klistò, mu mà sətsen pfʉ, kə a boŋsə diʼ akayn.

Ŋwàʼlə̀ Luk 17:8

Gaʼa kò wu a bòŋsə gaʼa wen la ghə̀ kwitə ndisə wen pfè kəfo ku wù zhɨ bè kù kəfo wù nyʉ mibu nkàntə̀ wen zhɨ bè nyʉ̀?

Ŋwàʼlə̀ Luk 12:43

Wù shyèʼ ayi nè ghə̀ sə diʼ nə̀ saŋlə ghə̀ a zhʉ a ti shyèʼ wen sə bwenə vi, ghə̀ nè tò kənyʉ̀ kyì a ghə̀ tə̀ gàʼ li.

Ŋwàʼlə̀ Luk 12:36

Tò nə̀ viʼi shyèʼ a və kəʼtə ti shyèʼ vəwenə la ghə̀ bwènə̀ pfwo fa kəshi kə lam ndi vəwenə bòʼò chʉ̀ ngə̀ŋ a wen no zhʉ kò a ghə̀ vì ə kùmtə̀.

Ŋwàʼlə̀ Luk 22:27

Kətʉ kə diʼ wìʼ a ghə̀ ŋwʉʼ a kəchiʼ zhɨ tò zhɨ mu à diʼ wìʼ a ghə̀ chòsə̀ fozhɨvə à wen lo,? A diʼ wìʼ yì a ghə̀ zhɨ tò zhɨ lì, alì ma diʼ a ghə̀ŋ a ntìntìn a nə̀ wìʼ a ghə̀ chòsə̀ fozhɨvə.

Kəmwetə 16:15

Mà zhʉ ando wìʼ ə gàʼà la, “Ghə̀ŋ zhʉtə a! mà vì a nə̀ tsòŋ. Əsaŋlə ne ə ndiʼ à wìʼ a ghə̀ ŋwʉʼ no a əzhʉ ə̀ kò bvʉ̀tə̀ nə̀ ndisə à wen a wen ndi kə ghə̀ ne jèʼ kənàʼ ntsuʼ a ntìntìn ə̀ viʼi.”