Ŋwàʼlə̀ Luk 11:49 - The New Testament in the Babanki language

⁴⁹ Byìʼì la, wìʼ yì a və dzàŋ la, ‘Tof Nyìngòŋ’ ngàʼa la, ‘Ma ne tɨm nshə̀ʼtə̀ sə ghoʼkəsə nə̀ viʼi ntɨm à vəwenə, à vəwenə a zhwilə vətsevə, be tsuʼ aghʉ və tsen və.’

Ŋwàʼlə̀ Luk 11:49 Referans Kwoze

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

Kòlòsyàns 2:3

Ətof no tsèm diʼi mu ghə̀ lyomtə li a ti Klistò. Ghə̀ bù no nànto.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

1 Kolìntyàns 1:24

Alì a viʼi vyi a Nyìngòŋ ə tsùʼtə li, kò à diʼ viʼi Jus kò à diʼ viʼi ətɨm, vəwenə kɨ la Nyìngòŋ diʼi kədyòʼ kə wen nə̀ ətof ə wenə chò fa Yesò.

Shwèʼ 22:20

Andìʼ ando və nzhwi Stifèn ando ghə̀ nti a nə̀ wuyenə byìʼì wù, nkàntə̀ mò ndìʼ tsu tomsə̀ la və zhwi wen. A ntùʼmə̀ nə̀ mò tùʼmə̀ nə̀ gwʉ̀nə̀ viʼi vyi a və nzhwi wen.’

Shwèʼ 8:3

Saul bòŋsə̀ zìtə̀ sə kəŋə la viʼi vəbyɨməvə me, ə̀ sə kwenə tò a ngə̀ŋ a ngə̀ŋ, ghaʼtə̀ lʉmə nə̀ ki, we vəwenə a mfɨŋ.

Shwèʼ 7:57

Vəwenə zhʉ a lì, bòŋsə̀ zɨmə ə̀ dì no a gɨ to ə̀ chiʼtə tìʼì tìʼì vəwenə, ə̀ shen ə̀ dyʉ̀ à wen a wèn tò vətsèm,

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Matìyò 22:6

Viʼi ntɨm fòyn a vyi dyʉ̀ a vətsenvə vəwenə ghaʼ viʼi ntɨm a vyi nyàblə̀ nə̀ vəwenə ə̀ zhwilə.

Ŋwàʼlə̀ Luk 11:48

Ghə̀ŋ diʼi la ghə̀ŋ tomsə kənyʉ̀ a vətiʼi vəŋə nlù nè byiʼ ando vəwenə nluli zhwi lə nshə̀ʼtə̀ a shì, ghə̀ŋ sə bwòmə təsè tə vəwenə.

Shwèʼ 11:27

Andìʼ tò a mətsi ayì, nshə̀ʼtə̀sə səghoʼkəsə sətsensə lù fa Jelusalèm ə̀ shiʼi a Antìyòk,

Kəmwetə 16:6

Viʼi ə nzhwilə̀ li viʼi vyə̀ zhwilə nshə̀ʼtə̀sə sə̀ ghoʼkəsə, Wu ə̀ nku mənlyuŋ luwèn la vəwenə nyʉ. Vəwenə kiʼì tò kəfo a vəwenə yi ndiʼ ə kiʼi.”

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”