Ŋwàʼlə̀ Luk 11:41 - The New Testament in the Babanki language

⁴¹ Ghə̀ŋ nə̀ mbòŋsə ku fo a ghə̀ŋ kiʼi à viʼi kəfem ndi no məghò ne ndiʼ layn a ghə̀ŋ.

Ŋwàʼlə̀ Luk 11:41 Referans Kwoze

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

Taytùs 1:15

Əfò tsèm ə laynə à viʼi a tətyɨm tə vəwenə tə laynə, alì ko kəfo kə laynə à viʼi a tətyɨm tə vəwenə tə ko laynə kènla vəwenə byɨmə à Klistò byìʼàndo tətyɨm tə vəwenə, nə̀ təkwòʼtə̀ tə vəwenə tə sə diʼ mu tə byɨf li.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Shwèʼ 10:15

Gɨ̀ ayì bè gìsə̀ gàʼ à wen la, “Ma sətsèn ghʉ̀ la kəfo kə laynə wù ko diʼi gàʼ la soʼ loʼ ghə̀ŋ ko byɨmə.”

Ŋwàʼlə̀ Luk 16:9

“Mà mù sə gàʼ à ghə̀ŋ la, ghə̀ŋ ne nè njùŋ nə̀ ko ghenə a ghə̀ ko lu faŋ ndi ghə̀ lù mè, ghə̀ŋ sə pfwo a loʼ faŋghə̀, və shisə ghə̀ŋ nə̀ avu à bò.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

2 Kolìntyàns 8:12

byìʼì ando ghə̀ŋ sə nku kəfo, ghə̀ŋ ə nsaŋlə̀ ə ku ki kə a ghə̀ŋ kiʼi, Nyìngòŋ a shì kəku a kì, mu ghə̀ŋ sətsèn faŋ ke kiʼi kəfo, ko Nyìngòŋ a nki kəfo fa ghə̀ŋ.

Ŋwàʼlə̀ Luk 19:8

Zàkyòs lù tɨmə ə gàʼ à Bobo la, “Zhʉtə a, Bobo, mà a gə̀ fo no tsèm a ma kiʼi a kə̀ ntìntìn ə ku viʼi kəmfem. A be sə tsèn ndiʼ la ma nshi li kəfo kə wìʼ kəmùʼ a kədyòʼ mà bwènsə̀ ku kàʼ à wen.”

Ŋwàʼlə̀ Luk 18:22

Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Matìyò 5:42

Wìʼ loyn kəfo fà wù, wù ku, kò ghə̀ choʼo tè choʼo wù ku tò ku.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

Shwèʼ 11:29

Ndzɨ̀mtə̀sə bàm Bobo shì a sə ndiʼ tsu mù ghʉ̀ la no ndò diʼ ntɨmə gyàmtə̀ à viʼi vəbyɨməvə vi a və diʼ a Judiyà.

Matìyò 26:11

Viʼi kənfem lu ndiʼ tò diʼi à ghə̀ŋ a ntìntìn alì mà ko diʼ ne faŋ vəghəŋ.

Shwèʼ 24:17

“Andìʼ fà bàmə ngwʉ̀ʼsə no səghoʼo a mà ntsi li a kəbəŋ a mà mbwènə̀ vì a Jelusalèm nə̀ ko a və ntɨmə̀ la mà vi kù à viʼi vwomə, be kù à kəku à Nyìngòŋ.

Ŋwàʼlə̀ Mak 7:19

Kə diʼ alə̀ byìʼàndo ghə̀ zhɨ kəfo kò kə lu ndyʉ̀ à wen a tyɨm. Ghə̀ zhɨ kə dyʉ̀ à wen a bèm, fa tsu kə chò fʉ̀ tò fʉ fà wen a wèn.” (Yesò ngàʼà a lì ədìʼ la no kəfo kəzhɨkə kə kò kə laynə a məzhɨ.)