Ŋwàʼlə̀ Luk 10:9 - The New Testament in the Babanki language

⁹ Ghə̀ŋ kwen a ntə̀ʼ ayì ə chʉʼ viʼi və kwaʼkə və a və diʼì tsu ə shə̀ʼtə̀ à vəwenə la soʼ fòyn Nyìngòŋ boʼsə li vəwenə.

Ŋwàʼlə̀ Luk 10:9 Referans Kwoze

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Ŋwàʼlə̀ Luk 10:11

‘Tè kəbyìʼ kə ntə̀ʼ ghə̀ŋ a kə kuʼ à yès aghʉ yès zhès fà yès aghʉ ədìʼ kəchwitə la ngəʼ faŋli à ghə̀ŋ. Alì ghə̀ŋ kɨ la soʼ fòyn Nyìngòŋ boʼsə li à ghə̀ŋ.’

Shwèʼ 28:31

be shə̀ʼtə̀ nyʉ̀ byìʼì soʼ fòn Nyìngòŋ, ziʼì byìʼì Bobo Yesò Klistò. Ghə̀ ngàʼà nə̀ tyɨm toghə kò a ndiʼ la kəfo kətsenkə tàʼsə̀ wen.

Ŋwàʼlə̀ Luk 9:2

tɨm vəwenə la və fʉ̀ dyʉ̀ ə shə̀ʼtə̀ nyʉ̀ kùmə̀ soʼ fòyn Nyìngòŋ bè chʉʼ viʼi və kwaʼa kə və.

Shwèʼ 28:28

Bol sə ə̀ mèsə̀ dyʉ̀ ə̀ gàʼ la, “Ghə̀ŋ ə lì dìʼi kɨ la ntɨm jùŋ byìʼì bwòŋ a Nyìngòŋ kìʼ à viʼi dìʼ mu və tɨm li à viʼi tɨm, vəwenə diʼ zhʉ!”

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Ŋwàʼlə̀ Mak 6:13

Vəwenə ndzɨ̀mə̀ shìsə̀ zhwì byɨvə fà viʼi a təwèn no vəghoʼo be zuʼu viʼi vəkwaʼkəvə no vəghoʼo chʉʼʉ vəwenə.

Ŋwàʼlə̀ Mak 4:30

Yesò bè bèm la, “Və lè zì və shəʼmə soʼ fòn Nyìngòŋ no nə̀ ghò lo? Və lè zì və be mò no ngàyn ko ndi dìʼ ji a soʼ fòn Nyìngòŋ diʼ fa tsu a?

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Ŋwàʼlə̀ Luk 10:10

Alì ghə̀ŋ sətsèn kwen a ntə̀ʼ, və faŋ ke shisə ghə̀ŋ, ghə̀ŋ fʉ̀ dyʉ̀ a nfòsə jisə ə gàʼ à viʼi a vyì la,