Ŋwàʼlə̀ Luk 1:35 - The New Testament in the Babanki language

³⁵ Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 1:35 Referans Kwoze

Matìyò 1:18

Və bwi Yesò Klistò a ji ghèn. Lì wen Mèli ndìʼ mu və tisəli nyʉ̀ lam wen wenə Josèf mimbu vəwenə sə lam mu kəzhwì kəŋwoʼkə neli Mèli sə̀ gùfə̀.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 1:34

Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Matìyò 1:20

Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

Ŋwàʼlə̀ Luk 1:27

ədyʉ̀ yen wàyn wùwì ngòyn tsen a ghə̀ nko ntəmə kɨ wùlɨm a ghə̀ ndiʼ mu və tisəli nyʉ̀ lam ə wen wenə wulɨm ə tsen a və ndzàŋ nə̀ Josèf a ghə̀ ndiʼ wù ngwaʼa ngə̀ŋ fòyn Devìt.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Ŋwàʼlə̀ Luk 1:34

Mèli mù bèm a ntsɨ̀ŋ ngə̀ŋ Nyìngòŋ yì la “Kənyʉ̀ a kènkə la zì kə lyɨ kəshi ale kèn la ma kɨli wulɨm a?”

Ŋwàʼlə̀ Luk 1:36

Yen a, wù ngwaʼa ngə̀ŋ wu Elizabet be boŋ tɨmə nə̀ bèmə a dwin. A sə̀ diʼi vəsàŋ ntʉfə luwèn ali mu və ngàʼà la ghə̀ diʼ dem.