Ŋwàʼlə̀ Jud 1:4 - The New Testament in the Babanki language

⁴ Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Ŋwàʼlə̀ Jud 1:4 Referans Kwoze

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

2 Bità 2:10

Nyìngòŋ ə baʼtə̀ ngəʼ viʼi vətsenvə nəkwoŋ, a yi viʼi vyi a və tensə kədyòʼ kə Nyìngòŋ, ə sə nè to nyʉ̀ kəməŋ vi a njòsə wèn ə̀ vəwenə sə kòŋ. Ndìʼsə̀sə ə dzɨŋ na sensə ə ko fwaynə tebè kəfo, ko və zhʉtə tebè kənyʉ̀ fa wìʼ. Vəwenə ko gumlə tebè ətsɨŋsə Nyìngòŋ akàŋ, boŋsə telə səwensə telə.

1 Joyn 2:22

Wù ndzɨ̀ŋ ə lè dìʼ ndo, ə cho wìʼ yì a ghə̀ tensə̀ la Yesò ko diʼ Klistò a? Wìʼ aghèn dìʼ wù kəbàyn ə Klistò. Ghə̀ mo Tìʼ be tyenə Wàyn wen.

1 Bità 2:16

Ghə̀ŋ ə tsi to nə̀ viʼi vyi a və tsi to fa vəwenə a ngeŋ, ko və diʼ kəkòs a wìʼ. Alì, kə ghə̀ŋ lyɨ nakènkə chò fa yi a bàm ə nlyomtə mbyɨ a ghə̀ŋ ntsìnə̀sə. Ghə̀ŋ ə boŋsə tsi to nə̀ viʼi vyi a və shyèʼ a Nyìngòŋ.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.

2 Timotì 3:6

Viʼi vətsenvə ə diʼ a ntìntìn nə̀ vəwenə, jèʼè kwenə a aloʼ ə̀ viʼi, lobtə ki vyi a və ne li nchosə nyʉ̀ ə byɨvə ə sə kiʼ tətyɨm tə bwaʼa tə. Vəwenə ne li, ki a venə ə sə tsi tò a vəwenə a tyì soʼ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

2 Bità 3:7

To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.

Ŋwàʼlə̀ Jud 1:15

diʼ ə soʼ to viʼi və tsèm ə diʼi ə laynsə nyʉ̀ ə byɨvə ə viʼi vyi a vəwenə nè, nə̀ a gaʼa əbyɨghə yì a viʼi ŋwʉ̀ʼ gàʼà kùmə̀ wen.”

1 Bità 4:18

Və sətsen ə ndiʼ mu və nyòʼò li a Ŋwàʼlə̀ Nyìngòŋ la: “Kə to a viʼi və juŋəvə ə bwòŋ, kə lu ndiʼ no ale a viʼi və byɨvə vyi a və ko kɨ Nyìngòŋ a?”

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Shwèʼ 15:24

Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Matìyò 13:25

Tʉʼ lə jɨ kətsi kətsenkə viʼi beynkə no vətsèm, wù kəbàyn ə wen tsen nyoʼtə dyʉ̀ wè kəfʉ̀ʼ tsu, mù lù.

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

1 Timotì 5:8

A sətsen te ndò nyɨŋ la ghə̀ ko tùʼmə̀ nə̀ viʼi ngwaʼ ngə̀ŋ wen, ma tuʼtə gàʼa viʼi ti ngə̀ŋ wen, kə ne diʼi la ghə̀ tensə li ənyʉ̀ vyi a wù ə byɨmə ə diʼ nè mu ghə̀ byɨfə chò no tebe wìʼ yi a ghə̀ ko təmə ə ndiʼ wù ə byɨmə no fa mpfen.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

2 Bità 2:7

Ghə̀ ə sə byɨbsə təloʼ a tentə ə bwoŋsə Lòt. Lòt ndiʼ wù kənyʉ̀ kətɨməkə, ghə̀ nki ə ntsìnə̀sə kəfwaʼlə shisə a viʼi lòʼ a venə ə̀ tsi, kənyʉ̀ a kì ku ngəʼ a wen no nànto.

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”