Ŋwàʼlə̀ Jud 1:1 - The New Testament in the Babanki language

¹ A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Ŋwàʼlə̀ Jud 1:1 Referans Kwoze

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

Joyn 14:22

Ghə̀ gaʼa ali, Judàs, a nkò diʼ ghətsen yi a və toŋtə la Iskalìyòt li ə bèm la, “Wù a diʼ ji shəsə a yes ale a Bobo a viʼi mbyi be a faŋ ke yen a?”

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Joyn 17:15

Ma ko jɨ̀mə̀ tebè la wù shisə vəwenə fa mbyi. Ma jɨ̀mə̀ la wù tuʼmə ə lyòmtə vəwenə fa Deblə̀.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Lumans 8:30

Ghə̀ dzàŋ li viʼi vi a ghə̀ sə diʼ mù ghə̀ tsuʼ li a wèn ə viʼi ə be ghʉ̀ viʼi na venə a ghə̀ dzàŋ a viʼi kənyʉ̀ kətɨməkə. Ghə̀ ə ghʉ̀ ali ə be boŋ gətə ku əbayn ə ghoʼo ghə̀ ə wen a vəwenə.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

2 Timotì 4:18

Mà kɨ la Bobo a mbwòŋsə̀ mò no fa nyʉ̀ byɨvə no tsèm ə bè lyɨ̀ mò ə mà shɨ̀tə̀ jèʼ kwen akəshi kə fòyn ə̀ wen a kaŋ. Viʼi ə nkuʼsə wen no məzhʉ ntsèm. Amèyn.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

Lumans 9:24

Vəghəŋ diʼ alə̀, diʼ vəghəŋ vi a ghə̀ ə dzàŋ shisə fa ntìntìn ə viʼi Jus ə be dzàŋ shisə fa ntìntìn ə viʼi ətɨm.

Shwèʼ 27:23

Mà gàʼà alə̀ byìʼàndo à tə ndiʼ nəntʉʼʉ lan, ntsɨ̀ŋ ngə̀ŋ Nyìngòŋ yì a ghə̀ kiʼì mo a be diʼ wen a mà kuʼsə̀ vì à mò,

Ŋwàʼlə̀ Luk 6:16

nə̀ Judàs wàyn Jems wenə Judàs Iskalìyòt yì a ghə̀ nlu baʼlə Yesò.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 1:13

Vəwenə nè kwèn a Jelusalèm ə kwen ə̀ kuʼu dyʉ̀ a tì lùmə ngə̀ŋ kàŋ yì a vəwenə ntsi tsu. A ndiʼ Bità, nè Joyn nə̀ Jems nə̀ Andɨ̀lò, a diʼ Filib nə̀ Tomòs, à diʼ Bàtòlòmiyà nə̀ Matìyò nə̀ Jems wàyn Alphùyùs, nə̀ Simon ə wù kənsɨ̀mtə̀, à be diʼ Judàs wàyn Jems.

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Joyn 17:17

Kənyʉ̀ kyəkə gaʼa to nəmwèʼè. Lyɨ vəwenə, vəwenə ndiʼ to a wù, chò fa wù kənyʉ̀ yì a kə diʼi nəmwèʼè.

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 6:39

Wìʼ yi a ghə̀ tɨmə mo ko kəŋ la no wìʼ ə mùʼ a ghə̀ ku li a mò le. Ghə̀ kəŋ la mà lu bwensə lùsə vəwenə fa pfʉ a kətsi kə bàm.

Ŋwàʼlə̀ Mak 3:18

A mbe ndìʼ Andɨ̀lò nə̀ Filib nə̀ Bàtòlòmiyà, nə̀ Matìyò, nə̀ Tomòs, nə̀ Jems wàyn Alphùyùs, nə̀ Tadiyòs, nə̀ Simon a və ndzàŋə̀ wen nə̀ Zilyòt,

Matìyò 10:3

a bè dìʼ Filib nə̀ Bàtòlòmiyà; nə̀ Tòmos nə̀ Matìyò a ghə̀ ə̀ tinə kənsè; a diʼ Jems ə wyè Alphùyùs nə̀ Tàdyes;

Matìyò 13:55

Gaʼa kò ghə̀ diʼ tò no wàyn wìʼ yì a ghə̀ komə fo lə̀? Gaʼa kò zhiʼ lì wen diʼ Mèli, vəlèmə̀ və wen və lʉmə diʼ Jems, nə̀ Josèf nə̀ Simon bènə̀ Judàs?

Ŋwàʼlə̀ Mak 6:3

Gàʼa kò ghə̀ diʼ tò no wàyn wìʼ yì a ghə̀ komə fo lə̀. A adìʼ wàyn Mèli lə̀. Gaʼa kò vəlèmə̀ və wen diʼ Jems nə̀ Josèf nə̀ Judàs bènə̀ Simon. Gaʼa kò vəlèmə̀ və wen vunə ki tsi tò no a vəghəŋ a ntìntìn.” Vəwenə gàʼ a lì, mù zìtə̀ sə bàynə̀ wen.

Lumans 1:6

Və boŋ li dzàŋ ghə̀ŋ la ghə̀ŋ fʉ̀ vi ndiʼ viʼi Yesò Klistò.

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

Ŋwàʼlə̀ Jud 1:21

Ghə̀ŋ ə ntsi ntsìnə̀ ghə̀ŋ, kɨ nəmwèʼè la Nyìngòŋ ə koŋə ghə̀ŋ to ando ghə̀ŋ kəʼtə ə kiʼi ntsìnə̀ yì a ghə̀ ko lu mè to ando Bobo vəghəŋ Yesò Klistò lu ku a ghə̀ŋ byìʼì kusə nshinsə ə wen.