Matìyò 9:6 - The New Testament in the Babanki language

⁶ Ma diʼi à ghə̀ŋ luwen la Wàyn Wìʼ kiʼi adyòʼ a kwi nse ə lyesə ku mbyɨsə viʼi.” Ghə̀ gàʼ alì mù gàʼ à wù kənkwaʼkə yì la, “lu lyɨ ghàm ə wu mpfwo.”

Matìyò 9:6 Referans Kwoze

Matìyò 9:5

A bwaʼmə kəkò, əgàʼ la, ‘Və lyesəli nku mbyɨ shəsə’ mu, əgàʼ la, ‘Lu jeʼ a?’

2 Kolìntyàns 2:10

Ghə̀ŋ yi lyesə ku wìʼ a kənyʉ̀ a ghə̀ byɨbsə, kə ne ndiʼ la ma be ə lyesə nku wen. Ma lyesə kù wìʼ azhʉ̀ a kənyʉ̀ kə diʼ ə və lyesə, a ndi mu mà lyesə, ne ghə̀ŋ a jùŋ, to ndə̀ŋndəŋ ando Yesò ə kəŋ.

Kòlòsyàns 3:13

Ghə̀ŋ kiʼ ətyɨm ə zhʉ̀təghə a ghə̀ŋ təwenə, ghə̀ŋ mbe lyesə ku no zhʉ̀ ko a wìʼ kiʼi ngəʼ wenə lèmə̀ wen. Ghə̀ŋ lyesə ku təwen tyəŋtə to ndə̀ŋndəŋ ando Bobo lyesə li kù ghə̀ŋ.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

Shwèʼ 9:34

Bità gàʼ à wen la, “Enyàs, Yesò Klistò nè li la wù to tò luwèn. Lu shɨ̀tə̀ əkwen wù.” No a zhʉ̀ kò Enyàs lù.

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Joyn 17:2

byìʼì ando wù kù li kədyòʼ a wen a kətʉ̀ viʼi vətsèm ndiʼ ghə̀ nè, viʼi a wù kù a wen kiʼi ntsìnə̀ yi a ghə̀ ko lu mè.

Joyn 10:28

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Ŋwàʼlə̀ Luk 5:21

Ndìʼsə̀ sə təsoʼ nə̀ və Falàsi zìtə̀ sə bèmə̀ à vəwenə ntyìntyìn la, “Ghèn diʼ ndo a ghə̀ telə̀ Nyìngòŋ alə̀ a? A lə zì a lyesə ku ndo mbyɨsə wìʼ, chò tò Nyìngòŋ a?”

Ŋwàʼlə̀ Mak 2:10

Mà a dìʼ à ghə̀ŋ luwèn la wàyn wìʼ kiʼi kədyòʼ a nse a shèn ə maʼa nyʉ̀ byɨvə viʼi.”

Ŋwàʼlə̀ Mak 2:7

“Byìʼì ghò a wìʼ ghèn gàʼà alə̀ a? Ghə̀ telə̀ Nyìngòŋ. A lè zì à maʼa ndo nyʉ̀ byɨvə ə̀ wìʼ ə chò tò Nyìngòŋ a.”

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Matìyò 9:7

Wìʼ ayì lu sə jèʼè pfwo.

Joyn 5:8

Yesò ə gàʼ a wen la, “lu lyɨ̀ ghamə wù, ə jèʼ.”

Joyn 5:27

Nyìngòŋ diʼ mu ghə̀ ku li kədyòʼ a wàyn wen la ghə̀ nsoʼo byìʼàndo ghə̀ diʼ Wàyn Wìʼ.