Matìyò 9:3 - The New Testament in the Babanki language

³ Ndìʼsə̀sə təsoʼ sə tsensə zhʉ alì mù sə gàʼà tò a vəwenə a tətyɨm la, “Wìʼ ghèn telə̀ Nyìngòŋ.”

Matìyò 9:3 Referans Kwoze

Matìyò 26:65

Kətʉ akì ghaʼ bàs ndisə wen tò fa wen a ngə̀ŋ gàʼà la,“Ghə̀ telə li Nyìngòŋ! Vəghəŋ be kəŋə əzhʉ fa chʉ̀ ndò? Gaʼa kò ghə̀ŋ zhʉ li nyʉ̀ byɨvə kùmə̀ Nyìngòŋ a ghə̀ gaʼà fà wen a chʉ̀.

Ŋwàʼlə̀ Luk 5:21

Ndìʼsə̀ sə təsoʼ nə̀ və Falàsi zìtə̀ sə bèmə̀ à vəwenə ntyìntyìn la, “Ghèn diʼ ndo a ghə̀ telə̀ Nyìngòŋ alə̀ a? A lə zì a lyesə ku ndo mbyɨsə wìʼ, chò tò Nyìngòŋ a?”

Ŋwàʼlə̀ Mak 14:64

Ghə̀ŋ zhʉ li ando ghə̀ gàʼà nyʉ̀ byɨvə kùmə̀ Nyìngòŋ. Ghə̀ŋ kòŋ la və ne ale nə̀ wen a? Vəwenə gàʼ tò vətsèm la, “Ghə̀ diʼi pfʉ.”

Ŋwàʼlə̀ Mak 7:21

Kwòʼtə̀ byɨghə fʉ̀ tò fà wìʼ a tyɨm a ghə̀ nè la ghə̀ nè ngʉ̀ʼ byɨvə, nè la ghə̀ ndzɨ̀mtə̀ ki, tsoŋə, zhwilə̀ viʼi,

Matìyò 7:29

byìʼì ando ghə̀ ə ko ziʼi to ando ndìʼsə̀ sə əsoʼ ə vəwenə. Ghə̀ ə nziʼi to nə̀ wìʼ a ghə̀ nkiʼ adyòʼ.

Ŋwàʼlə̀ Mak 3:28

“Mà gàʼà à ghə̀ŋ nəmwèʼè la àdìʼ tè mbyɨ kò a viʼi nè mu Nyìngòŋ zì ghə̀ maʼa bè màʼà no tè mbàʼ ko a vəwenə te wen tsu,

Ŋwàʼlə̀ Mak 3:29

alì mu no ndo sətsèn tè kəzhwì kə ŋwoʼəkə kò və lə̀ bè lyèsə̀ ku wen. Mu kə lì dìʼì la mbyɨ wen faŋ li à wen a kətʉ tò ghan mùʼ.”