Matìyò 9:22 - The New Testament in the Babanki language

²² Yesò ə kaʼsə ə yen wen ə mù gàʼ la, “Kə wu faynə a wàyn ə ghom. Byɨmə ə wu ne li wù to.” A diʼ toʼ zhʉ yi a wùwì a yi ə to tsu.

Matìyò 9:22 Referans Kwoze

Ŋwàʼlə̀ Luk 7:50

Yesò mù gàʼ à wùwì ayì la, “Byɨmə wù bwaʼsəli wù. Pfwo tò nə̀ mbwaʼmə.”

Matìyò 15:28

Yesò mù gàʼ à wen la, “Wù dìʼ wùwì a byɨmə wu to, Nyìngòŋ a nè kənyʉ̀ a wù kəŋ.” Yesò gàʼ a lì wàyn wen yì to tò a zhʉ ayì.

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Ŋwàʼlə̀ Luk 18:42

Yesò mù gàʼa wen la, “N-yenə shi əbyɨmə wu ne li wu nto.”

Ŋwàʼlə̀ Luk 17:19

A ndo ghə̀ ngaʼà ali mù gaʼa wù Sàmalitàn ayì la, “Lu dyʉ̀ à wù kəshi. Əbyɨmə wu nè li wu nto.”

Ŋwàʼlə̀ Luk 8:48

Yesò mù gàʼ à wen la, “Wàyn ghom, byɨmə wu nèli, wù nto. Pfwo tò nə̀ mbwaʼmə.”

Ŋwàʼlə̀ Mak 10:52

Yesò gàʼ à wen la, “Bwènə̀ mpfwo wù. Byɨmə wu ne li wù nto.” No a zhʉ̀ kò, ghə̀ bwènsə̀ sə̀ yenə shi ə̀ lù sə̀ dzɨ̀mtə̀ dyʉ̀ nə̀ wen.

Ŋwàʼlə̀ Mak 5:34

Yesò gàʼ à wen la, “Wàyn ghom, byɨmə wu ne li wù nto. Pfwo tò nə̀ mbwaʼmə̀. To fà wù a kwaʼa.”

Matìyò 9:29

Yesò ə kùm ashi ə vəwenə ə gàʼa la, “Nyìngòŋ ə nè, ə ghə̀ŋ bwənsə ə yenə, toʼ ndə̀ŋndəŋ ando ghə̀ŋ byɨmə li.”

Shwèʼ 16:18

Ghə̀ faŋ sə gàʼà tò alə̀ no mətsi nshə̀ʼ alə̀ tin Bol zìtə̀ əfwi. Bol gàʼ à kəzhwì kə byɨkə akì la, “Ma kàynə à wù a kədyòʼ Yesò Klistò la wù cho fʉ̀ fà wen a wèn.” Kəzhwì kə byɨkə akì fʉ̀ fà wen wèn tò a zhʉ ayì.

Joyn 4:53

Tìʼ wàyn a ghèn ə kɨ la kətaʼ na kì kə tə bwaʼmə to zhʉ̀ yi a Yesò tə gàʼ a wen li la, “Wàyn wù ə tò li” no zhʉ̀ko wenə ngwaʼ ə ngə̀ŋ ə wen ə byɨmə to vətsèm.

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.

Shwèʼ 14:9

Wìʼ aghèn ŋwʉʼʉ sə zhʉtə̀ ando Bol ngàʼà à viʼi. Bol ki wen tò fəchìʼ ə̀ yèn la ghə̀ kìʼ byɨmə mu ghə̀ zì ghə̀ nè ghə̀ to,

Matìyò 17:18

Ghə̀ vì nə̀ wen, Yesò kàyntə̀ nyʉ̀ à kəzhwì kə byɨkə akì kə fʉ̀ fa wèn wàyn ayì ghə̀ to tò a zhʉ ayì.

Matìyò 8:13

Yesò gàʼ alì mù gàʼ à kətʉ kə vəsugyèʼ kì la, “Pfwo dyʉ̀. Və ne nè no ghò yì a wù byɨmə la mà zì mà nè à wù.” Tò a zhʉ ayì və chʉʼ, wù shyèʼ wen a yì.