Matìyò 9:13 - The New Testament in the Babanki language

¹³ Ghə̀ŋ dyʉ̀ kəŋ kɨ̀ kənyʉ̀ kənkə a Nyìngòŋ gàʼ à wenə ŋwàʼlə̀ la, ‘Mà kusə shɨnsə a viʼi, kə ghə̀ŋ nə̀ shə̀ tò nyamsə a mo.’ Ma ko tə vi ə tisə viʼi vyì a və sə ti akayn, mà tə vi ə tisə viʼi və byɨvə.”

Matìyò 9:13 Referans Kwoze

Ŋwàʼlə̀ Mak 2:17

Yesò zhʉ kənyʉ̀ a vəwenə mbèmə̀ mù bèm à vəwenə la, “A lu mbi ngə̀ŋ ndò ghə̀ bè sə kəŋə kəfʉ a? A nə̀ nkəŋə tò viʼi vəkwaʼkəvə. Mà ko tə vì ə tisə viʼi kənyʉ̀ kə tɨməkə. Mà tə vì ə tisə viʼi nè nyʉ̀ byɨvə.”

Ŋwàʼlə̀ Luk 19:10

Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Ŋwàʼlə̀ Luk 5:32

Mà ko vi ə tisə viʼi a və sə̀ kiʼi ntsìnə̀ tɨmə, mà vì byiʼ viʼi nè nyʉ̀ byɨvə ənè la vəwenə kwitə tətyɨm tə vəwenə.”

Matìyò 12:7

Ghə̀ŋ tu kɨ kənyʉ̀ a kəshi kə ŋwàʼlə̀ Nyìngòŋ kènkə gàʼà la, Mà kòŋ la ghə̀ŋ nkusə nshinsə à viʼi chò nyamsə a ghə̀ŋ shələ̀ à mò. Mu ghə̀ŋ ko gàʼà la viʼi ne li kənyʉ̀ kə byɨkə ko ndiʼ la vəwenə ne li.

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Matìyò 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə.

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Matìyò 21:42

Yesò bwènsə̀ gàʼ à vəwenə la, Ŋwàʼlə̀ Nyìngòŋ ə gàʼ à la, Ngùʼ yì a viʼi shwèʼ tə màʼà lì kaʼsə li sə diʼ ngùʼ bʉ ngə̀ŋ. A dìʼ shwèʼè Bobo alə̀, à diʼ kənyʉ̀ kə mesəkə à vəghəŋ?

Matìyò 12:3

Yesò bèm à vəwenə la, “Ghə̀ŋ ko təmə̀ dzàŋ əzhʉ kənyʉ̀ kì a fòyn Devìt ə ne ando jɨ̀ŋ nzafə wen wenə viʼi wenə?

Ŋwàʼlə̀ Mak 12:26

Kùmə̀ məlù fa pfʉ, ghə̀ŋ be ko ntɨmə̀ dzàŋ kəshi kə ŋwàʼlə̀ Nyìngòŋ kì a Mosìs nlù nyòʼ byìʼì zhiʼ a ghə̀ mbolə̀ a toʼ? Nyìngòŋ ngàʼa à Mosìs a kəshi ayì la, ‘Nyìngòŋ Ablaham diʼ Nyìngòŋ Izìk be diʼ Nyìngòŋ Jàkob.’

Joyn 10:34

Yesò ə mu bèm a vəwenə la, “A kò və nyòʼ a ghə̀ŋ Əsoʼ la, Nyìngòŋ ə ngàʼa la, ‘Ghə̀ŋ diʼ Vənyìngòŋ’?

Matìyò 19:4

Yesò bwènsə̀ gàʼ à vəwenə la, “Ghə̀ŋ be ko dzàŋ ə zhʉ kənyʉ̀ a ŋwàʼlə̀ Nyìngòŋ gàʼà? Ghə̀ gàʼà la, andìʼ a kənzìtə̀ kə mbi Nyìngòŋ shɨ̀tə̀ wùlɨm bènə̀ wùwì,

Matìyò 12:5

Ghə̀ŋ ko dzàŋ əzhʉ ando soʼ Mosìs bè gàʼà la no kətsi kəzhʉtəkə kə kò a kə mvì, vəpfèm və ngə̀ŋ Nyìngòŋ sə shyèʼè kwaʼa soʼ yi a ghə̀ kùmə̀ kətsi akì, alì kò kə ndiʼ la vəwenə ne li kənyʉ̀ kə byɨkə kətsenkə.

Ŋwàʼlə̀ Luk 10:26

Yesò bwènsə̀ bèm a wen la,“Və nyòʼ la ghò a ŋwàʼlə̀ soʼ Mosìs a? Wù dzàŋ ə zhʉ la ghò fa tsu a?”

Ŋwàʼlə̀ Mak 12:33

mu wù sətsèn nkòŋə̀ Bobo Nyìngòŋ wù nə̀ tyɨm wu no tsèm, nə̀ kwòʼtə̀ wu no tsèm nə̀ kədyòʼ kə̀ no kətsèm be kòŋə̀ lèmə̀ wù tò ndə̀ŋndəŋ ando wù kòŋə̀ wenə wu mu na kènkə ne bòŋ əchò kəku a və nyùʼù à Nyìngòŋ bènə̀ kəku a və mòʼò a Nyìngòŋ.”

Ŋwàʼlə̀ Luk 5:31

Yesò bwènsə̀ gàʼ a vəwenə la, “Viʼi a və to ko kəŋ wù chʉʼʉ viʼi ali a kəŋ to viʼi və kwaʼa kə və.