Matìyò 7:14 - The New Testament in the Babanki language

¹⁴ Alì, əchʉ̀ ə mbàyn yi a ghə̀ dyʉ̀ akəshi kəbwòŋ ə faʼsə no alə̀, ji yi a ghə̀ dyʉ̀ tsu ə tyetə no alə̀, viʼi və ghoʼvə ko yenə.

Matìyò 7:14 Referans Kwoze

Matìyò 22:14

Yesò sə mwètə̀ ə̀ gàʼ la və dzàŋə̀ viʼi no vəghoʼo alì diʼi tetə tò viʼi və tyetə və.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Ŋwàʼlə̀ Mak 8:34

Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo,

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Matìyò 20:16

Yesò mù sə mwètə̀ ə̀ gàʼ la, “Nghoʼo viʼi a və diʼì a mbì luwèn lu ndiʼi bàm, ə̀ viʼi a və diʼì a bàm luwèn lu ndiʼ mbì.”

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Lumans 9:32

Vəwenə ə gho ə ghaʼ byìʼì ando vəwenə ko tə ə kiʼi əbyɨmə a Nyìngòŋ, boŋsə kwoʼtə la vəwenə zizi və ndiʼ ti a nkàyn ashɨ Nyìngòŋ byìʼì shwèʼ. A lə kənyʉ̀ ki a vəwenə tə kòyntə a kwi ngùʼ yi a viʼi nə̀ kòyntə tsu;

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Matìyò 7:13

“Ghə̀ŋ ə kwenə akəshi əfòyn ə Nyìngòŋ jì ə chʉ ngə̀ŋ ə faʼsə ghə̀, byìʼì ando ə chʉ ə ghoʼo ə kwenə tò akəshi kəbyɨkə. Ji yi a ghə̀ dyʉ̀ akəshi kəbyɨkə ə diʼ ə ghoʼ tò alə̀, chò no a nkàyn.

Matìyò 7:15

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.