Matìyò 7:13 - The New Testament in the Babanki language

¹³ “Ghə̀ŋ ə kwenə akəshi əfòyn ə Nyìngòŋ jì ə chʉ ngə̀ŋ ə faʼsə ghə̀, byìʼì ando ə chʉ ə ghoʼo ə kwenə tò akəshi kəbyɨkə. Ji yi a ghə̀ dyʉ̀ akəshi kəbyɨkə ə diʼ ə ghoʼ tò alə̀, chò no a nkàyn.

Matìyò 7:13 Referans Kwoze

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 10:9

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Gàlesìyà 5:24

Viʼi Yesò Klistò diʼ mu vəwenə bayntə li njòsə əwèn nə̀ vəwenə boʼsə nə̀ nyʉ̀ vyi a və fwomə la və nə̀ nè a kəntò.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə.

2 Kolìntyàns 6:17

A le kənyʉ̀ ki a Bobo ə gàʼa la: “Ghə̀ŋ fʉ̀ vi fa a ntìntìn ə viʼi və byɨvə ə nti nəkwoŋ. Kə ghə̀ŋ kumə kəfo kì a kə ko diʼ kəfo kə ŋwoʼkə, ndi mà shisə ghə̀ŋ,

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.

Filìbàyns 3:19

Nyìngòŋ ə ne byɨsə vəwenə byìʼàndo Nyìngòŋ ə̀ vəwenə dìʼ njòsə wèn ə̀ vəwenə kəŋ. Vəwenə bòŋsə̀ kuʼsə̀ wen byìʼì ənyʉ̀ ə kətʉ kə diʼikə be kwòʼtə̀ tò byìʼì ə̀fo mbyi venə.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Kəmwetə 20:3

Ghə̀ kwiʼ a lì ə̀ mòʼ shìʼsə nə̀ wen a nkwòŋ yì ə̀ shɨ̀tə̀ shwìn əchʉ yì à wen kətʉ ndi kə ghə̀ be à lobtə viʼi əzaʼa fa zhʉ a ngʉ̀ʼsə sènsə nkam ə me li. Əzhʉ aghenə ne cho ə və zàytə wen to fəshitə̀ fə zhʉ alə̀.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Lumans 9:22

Kə lə diʼ ndə̀ŋndəŋ ando Nyìngòŋ ə nè. Ghə̀ kòŋ li ə diʼ la ghə̀ fwisə tin ə be kòŋ ə diʼ kədyòʼ kì a ghə̀ kiʼi a viʼi. A lə kənyʉ̀ ki a ghə̀ wensə to wensə ko ghə̀ lù kù ngəʼ a viʼi vi a ghə̀ ə fwisə tin a vəwenə, vəwenə kwʉ̀ʼʉ̀ to la ghə̀ byɨbsə vəwenə.

Ŋwàʼlə̀ Luk 14:33

Kə le diʼ tò ndə̀ŋndəŋ ando no ndò à ghə̀ŋ ntìntìn faŋ ke moʼtə no məghò yì a ghə̀ kiʼi, kò ghə̀ ndiʼ ndzɨ̀mtə̀ bàm ghom.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Ŋwàʼlə̀ Luk 9:33

Viʼi a vyi sə nlù, Bità mù gàʼ à Yesò la, “Tìʼ, kə bòŋli ando vəghəŋ vətsèm diʼ a shə̀. Yès a bwom təto tə taʼ, ghə̀ mùʼ à wù, ghə̀ mùʼ à Mosìs nə̀ tsen ghə̀ à Elijà.” Ghə̀ ngàʼà alì, kò ghə̀ nlutə sù kɨ kənyʉ̀ a ghə̀ ngàʼà.

Matìyò 7:14

Alì, əchʉ̀ ə mbàyn yi a ghə̀ dyʉ̀ akəshi kəbwòŋ ə faʼsə no alə̀, ji yi a ghə̀ dyʉ̀ tsu ə tyetə no alə̀, viʼi və ghoʼvə ko yenə.