Matìyò 6:2 - The New Testament in the Babanki language

² “Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Matìyò 6:2 Referans Kwoze

Matìyò 6:5

“Ghə̀ŋ nə̀ sə jɨ̀m, kə ghə̀ŋ ə wamə ne a diʼ viʼi vətsenəvə. Vəwenə ə kòŋ ə nlù ə tɨmə a aloʼ ntsèntə̀sə jɨ̀mə̀, bè jèʼè jɨ̀mə̀ a mbyɨ̀sə jì sə, kəŋ la viʼi ə̀ nchò yen vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Joyn 5:41

“Ma ko kəŋ la viʼi ntemə təpfem a mò.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Ŋwàʼlə̀ Luk 20:46

“Ghə̀ŋ ntùʼmə̀ ghə̀ŋ və ndìʼsə̀ sə təsoʼ sensə. Vəwenə kòŋə njèʼè və dàlə və ghoʼkəvə, fʉ̀ dyʉ̀ a fàf ghoʼkə və ndi viʼi nyɨ vì toŋtə̀ vəwenə, dyʉ̀ aloʼ ntsèntə̀, Nyìngòŋ vəwenə kuʼ ŋwʉʼmə tò ambì, vəwenə be dyʉ̀ a shi kəzhɨ, vəwenə kòŋ əkuʼu ŋwʉʼʉ tò shi ŋaŋtə və.

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

Gàlesìyà 2:10

Vəwenə ə be gàʼ ə kwʉ̀ʼsə to la kə yès ne lyesə ə ngyàmtə̀ viʼi kəfem, a diʼ to kənyʉ̀ ki a ma kòŋ no nànto ə nè.

Shwèʼ 10:4

Ghə̀ ki dyʉ̀sə̀ nə̀ ntsɨ̀ŋ ngə̀ŋ Nyìngòŋ ayì nə̀ faynə ə̀ bèm la, “A dìʼ gho a Bobo?” Ntsɨ̀ŋ ngə̀ŋ Nyìngòŋ ayì bwènsə̀ la, “Nyìngòŋ zhʉ li jɨ̀m wu be yen gyàmtə̀ yi a wu ku à viʼi kəmfem.

1 Timotì 6:18

Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

Lumans 12:8

Wìʼ ə nkɨ ə tyɨftə viʼi, ghə̀ ə̀ tyɨftə to tyɨftə; wìʼ nkɨ ə ku fo ə gyàmtə̀ viʼi, ghə̀ nku, kə ghə̀ a nghə̀ʼ. Wìʼ a ghə̀ tisə viʼi diʼ ə ne shyèʼ to nə̀ ətyɨm ə wenə no tsèm, yi a ghə̀ tuʼmə nə̀ viʼi ə nshyèʼ to nə̀ saŋlə.

Shwèʼ 24:17

“Andìʼ fà bàmə ngwʉ̀ʼsə no səghoʼo a mà ntsi li a kəbəŋ a mà mbwènə̀ vì a Jelusalèm nə̀ ko a və ntɨmə̀ la mà vi kù à viʼi vwomə, be kù à kəku à Nyìngòŋ.

Shwèʼ 10:31

ə̀ gàʼ à mò la, ‘Kòneliyòs, Nyìngòŋ zhʉ li jɨ̀mə̀ wu be nyen gyàmtə̀ yi a wù ku à viʼi kəmfem lì.

Shwèʼ 10:2

Ghə̀ ndìʼ wu jùŋ, gumlə̀ Nyìngòŋ wenə̀ ngwàʼa ngə̀ŋ wen no tsèm nə̀ viʼi a və nshwèʼè à wen. Kòneliyòs nku gyàmtə̀ à viʼi kəmfem, be jɨ̀mə̀ à Nyìngòŋ no məzhʉ tsèm.

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Joyn 13:29

Ghə̀ ngaʼa ali, ndzɨ̀mtə̀sə bàm ə wensə sə tsensə kwoʼtə la ghə̀ gaʼa la Judàs zen əfo vyi a chʉʼ a layn, və zhɨ̀ a kətsi kə kəzhɨ, bwen ali mu ghə̀ əgàʼa la ghə̀ ku əko a viʼi kəfem byìʼàndo a ghʉ̀ wen ghʉ̀ kəbò kə ko.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Ŋwàʼlə̀ Luk 6:42

Ghʉsə no bè alì, wù la zì wù gàʼ ale à lèmə wù la, ‘Kye mà shisə fəfonə̀ fifə fa wù ashɨ a lèmə̀ ghom,’ ko ndiʼ la wù yen mpfì fəkoʼ yì a ghə̀ diʼ à wù ashɨ a? Wìʼ ghèn, wu kənlobtə! Shisə fəkòʼ fì a fə diʼì a wù ashɨ lì, ghə̀ layn ndi wù kɨ yen fəfonə̀ fifə a fə diʼì ashɨ lèmə wù.

Ŋwàʼlə̀ Mak 12:39

nè dyʉ̀ a aloʼ ntsèntə̀sə vəwenə kwen ŋwʉʼʉ tò a mbì, nè dyʉ̀ a shi kəzhɨ və sə kòŋə̀ əkuʼ ŋwʉʼʉ tò a shi ŋaŋtəvə.

Filimùyn 1:7

Lèmə̀ ghom, ə koŋə yì a wù kiʼi a viʼi Nyìngòŋ nə̀ ji yi a wù nè vəwenə saŋlə fa tsù ə nè li ma sə saŋlə no nànto, tyɨm ə ghomə be sə totə.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.

Shwèʼ 11:29

Ndzɨ̀mtə̀sə bàm Bobo shì a sə ndiʼ tsu mù ghʉ̀ la no ndò diʼ ntɨmə gyàmtə̀ à viʼi vəbyɨməvə vi a və diʼ a Judiyà.

Ŋwàʼlə̀ Luk 13:15

Bobo bwènsə̀ gàʼ la, “Ghə̀ŋ viʼi kə wamə venə! Wìʼ diʼ à ghə̀ŋ a ntìntìn a ghə̀ lù a kətsi kəzhʉ̀tə kə, ghə̀ ghʉsə ke zas nyàm wen fa mbàyn ə dyʉ̀ nə̀ wen ku mu à wen a?

Ŋwàʼlə̀ Luk 12:56

Ghə̀ŋ viʼi kəwam! Ghə̀ŋ kɨ fʉ̀ tɨmə ə ki kəbəŋ, ə shə̀ʼtə̀ kənyʉ̀ a kə a lyɨ̀ kəshi, kə be lyɨ̀ kəshi tò ali. Byìʼì ghò a ghə̀ŋ yenə nyʉ̀ a Nyìngòŋ nè luwen kò ghə̀ŋ lu nkɨ a?

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Ŋwàʼlə̀ Luk 11:43

“Ngəʼ ghoʼo diʼ à ghə̀ŋ, viʼi Falàsi, byìʼàndo ghə̀ŋ kòŋ dyʉ̀ a loʼ ntsentə, Nyìngòŋ ə kuʼ ŋwʉʼmə tò ambì, bè fʉ̀ a woŋ ə kòŋ la viʼi nyɨŋ vì toŋtə̀ ghə̀ŋ.

Ŋwàʼlə̀ Luk 11:41

Ghə̀ŋ nə̀ mbòŋsə ku fo a ghə̀ŋ kiʼi à viʼi kəfem ndi no məghò ne ndiʼ layn a ghə̀ŋ.

Ŋwàʼlə̀ Luk 6:24

Alì ngəʼ ghoʼo diʼ à ghə̀ŋ viʼi və ghoʼkə və byìʼàndo ghə̀ŋ kiʼi li njùŋ ghə̀ŋ.

Ŋwàʼlə̀ Mak 7:6

Yesò ghàm vəwenə gàʼà la, “Viʼi kəmbɨ̀lə̀ venə. Nshə̀ʼtə̀ Azayà nshə̀ʼtə̀ ntɨm Nyìngòŋ kùmə̀ ghə̀ŋ tò nəmwèʼè la, ‘Viʼi venə gumlə̀ mò to nə̀ chʉ alì ko vəwenə nlu lyɨ̀ mò a kəfo à vəwenə a tətyɨm.

Matìyò 24:51

ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”

Matìyò 23:6

Vəwenə dyʉ̀ a kəshi kə kəzhɨ vəwenə sə kòŋ əkuʼ ŋwʉʼʉ tò a shì ŋaŋtəvə, dyʉ̀ a aloʼ ntsèntə̀sə və kuʼu ŋwʉʼtə tò a mbì.

Matìyò 22:18

Yesò kɨ mənàŋ mì a vəwenə nkwiʼi mù gàʼ à vəwenə la, “Ghə̀ŋ viʼi kəmbɨ̀lə̀ venə! ghə̀ŋ zhʉtə̀ chʉ̀ ghomə byìʼì ghò?

Matìyò 16:3

A sətsèn tʉʼʉ layn shi nghwʉ̀ʼʉ̀, ghə̀ŋ gàʼa la ghʉ a vì layn. Ghə̀ŋ kɨ ki kəbəŋ, ghə̀ŋ shə̀ʼtə kənyʉ̀ a kə a fʉ̀, alì ko andiʼ la ghə̀ŋ zì ghə̀ŋ kɨ la chwitə a və fʉ̀ luwèn ə shə̀ʼtə̀ la ghò lo.

Matìyò 15:7

Ghə̀ŋ viʼi kəmbɨ̀lə̀ venə Nshə̀ʼtə̀ Azayà ngàʼa tò nəmwèʼè ando ghə̀ nshə̀ʼtə̀ ntɨm Nyìngòŋ byìʼì ghə̀ŋ la,

Matìyò 7:5

Wìʼ ghèn a ghə̀ wamə wamə ne ənyʉ̀ alə̀! Shisə kəmpfì fə fəkòʼ fì a kə diʼ a wu əshɨ li, ghə̀ layn ə ndi wù kɨ ə yen fəfolə̀ fifə a fə diʼ əshɨ ə lèmə̀ wu.

Matìyò 5:18

Mà gàʼ à ghə̀ŋ nəmwèʼè la kaŋ wenə nsè lu sə mè kenla wìʼ a tsəʼsə tè fənyʉ̀tə̀ fa tyì soʼ ayì. Ghə̀ ko lù chò əzaʼa fa tʉʼ a nyʉ̀ a venə no tsèm lu kwʉ̀ʼ.

Matìyò 6:3

Wù lyi kəfo ə̀ ku a wìʼ a ghə̀ ko kiʼ, wu ku a jì no te wù jèʼè ə wù ə ko a kɨ.

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

1 Kolìntyàns 13:3

Ma sətsen ku no tèbe ghò a ma kiʼi, be ku no əwen ghomə la və nyuʼ ali faŋke nkiʼi əkòŋ, ko mà na kwʉ̀ʼʉ̀ no to kəfo no fa mpfen.