Matìyò 6:12 - The New Testament in the Babanki language

¹² Lyesə ku ənyʉ̀ ə byɨvə ə yès, tò ndə̀ŋndəŋ ando yès ə lyèsə̀ ku no ndò yì a ghə̀ ne mbyɨ a yès.

Matìyò 6:12 Referans Kwoze

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Ŋwàʼlə̀ Mak 11:25

Wù nè tɨ̀mə no a zhʉ̀ kò sə njɨ̀mə̀ nkiʼ kənyʉ̀ wenə̀ wìʼ, wu maʼa kənyʉ̀ akì ndi tìʼ wù yì a ghə̀ diʼ a kàŋ be lyèsə̀ ku mbyɨsə shyə̀sə.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Kòlòsyàns 3:13

Ghə̀ŋ kiʼ ətyɨm ə zhʉ̀təghə a ghə̀ŋ təwenə, ghə̀ŋ mbe lyesə ku no zhʉ̀ ko a wìʼ kiʼi ngəʼ wenə lèmə̀ wen. Ghə̀ŋ lyesə ku təwen tyəŋtə to ndə̀ŋndəŋ ando Bobo lyesə li kù ghə̀ŋ.

Ŋwàʼlə̀ Luk 11:4

Lyèsə̀ ku nyʉ̀ byɨvə yès ando yès lyèsə̀ ku no məndo yì a ghə̀ ne mbyɨ à yès. Kə a ghʉsə la mwòmsə vì à yès.’”

Ŋwàʼlə̀ Luk 6:37

“Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

Shwèʼ 13:38

Ghə̀ŋ nkɨ lì nəmwèʼè a vəlèmə̀ vwomə la, Nyìngòŋ lyesə li nyʉ̀ byɨvə ghə̀ŋ byìʼì kənyʉ̀ kì a Yesò ghèn nlù nè, a diʼì kənyʉ̀ kì a ma gàʼà à ghə̀ŋ luwèn.

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Ŋwàʼlə̀ Luk 13:4

Ghə̀ŋ be kwòʼtə̀ kənyʉ̀ kì a kə nlù fʉ̀ nə̀ viʼi Silom vyi njʉ̀sə̀ fwomə. Ngə̀ŋ nguʼsə yi a vəwenə nlù sə bwomə, ghə̀ dyef kuʼ no alə̀, nlù fəŋ ə zhwilə vəwenə no vətsèm. Ghə̀ŋ kwòʼtə̀ la vəwenə nlù nè mbyɨsə sə chò sə viʼi no vətsèm a və ndiʼi a Jelusalèm mu?