Matìyò 6:10 - The New Testament in the Babanki language

¹⁰ ne və yen əfòyn ə wu, ne mbyì ghèn ə̀ jèʼè to ndo wù kəŋ to ndə̀ŋndəŋ ando wù ne li a kaŋ.

Matìyò 6:10 Referans Kwoze

Hibùlù 10:36

Ghə̀ŋ diʼ ə nto a ghə̀ŋ əbyɨmə ndiʼ ghə̀ŋ nè kənyʉ̀ kì a Nyìngòŋ ə kəŋ la ghə̀ŋ nè, ghə̀ lu ku kəfo kì a ghə̀ ghʉ̀ la ghə̀ lu ə ku a ghə̀ŋ.

Joyn 4:34

Yesò ə gàʼ vəwenə la, “ə fozhɨvə ə mò ə diʼ tò la ma ə ne shwèʼè yì a Nyìngòŋ a ghə̀ tɨmə mo ə kòŋ, ə ne ə mwètə̀ shwèʼè a ghenə.

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

1 Tèsàlonyà 5:18

A nə̀ fʉ̀ no tèbe ghò, ghə̀ŋ ə ku to kəzòŋ a Nyìngòŋ. A le nyʉ̀ vyi a Nyìngòŋ ə kəŋ la ghə̀ŋ ə nè byìʼì ando ghə̀ŋ və Yesò Klistò diʼ to muʼ.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Efisyàns 6:6

Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Matìyò 7:21

“A ko diʼ viʼi və tsèm a və a laʼtə tò alə̀ dzàŋ mo la ‘Bobo, Bobo,’ a və lə kwen akəshi yi a Nyìngòŋ ə soʼo əfòyn ə wen tsu a kaŋ. A lə kwenə tò vyi a və dzàŋ ali bè ne to ando kwòʼtə ə Tìʼ ghom a kaŋ ə kəŋ.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Ŋwàʼlə̀ Luk 22:42

“Tìʼ, a zhʉ a wu kòŋə wu shi ndoŋ ngəʼ ghèn fa mò, alì ne tò kyikə a wu kòŋə ka ne kyikə a ma kòŋə̀.”

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Kəmwetə 19:6

Mà bè zhʉ ando kəfo kə kù tò sə à kù ə gɨsə nòyn ə viʼi, kù to nə̀ təfwan tə a mù, ko to sə à bwankə̀ əghʉ ghoʼghə gàʼà la, “Vəghəŋ ghoʼsə Nyìngòŋ vəghəŋ! Ghə̀ dìʼ Bobo Nyìngòŋ a ghə̀ ə kìʼ àdyoʼ ətsèm soʼo vəghəŋ.

1 Tèsàlonyà 4:3

Nyìngòŋ ə kəŋ la ghə̀ŋ ntsi ntsìnə̀ yì a ghə̀ kəŋ, ghə̀ le kəŋ la, kə wìʼ fa ghə̀ŋ nə̀ tsi nə̀ wì wìʼ kò wenə lɨmə wìʼ no faphen,

Shwèʼ 21:14

Yès yen mè la yès zì kò yès ə lə̀ kwitə kwòʼtə̀ wen mù ghʉsə ə̀ gàʼ la, “A nè nchò tè ghò nə̀ wù, kə nchò ando Bobo kəŋə.”

Shwèʼ 13:22

Nyìngòŋ shiʼsə Saul ə̀ ghʉ̀ Devìt la ghə̀ nsoʼo vəwenə, mù gàʼ nyʉ̀ venə byìʼì wen la, ‘Mà yen li la Devìt, ə wàyn Jesì dìʼ nki wìʼ a ma kòŋə̀. Ghə̀ nè no nyʉ̀ tsèm a mà kəŋə la ghə̀ nè.’

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Kəmwetə 12:10

Fà yì a bàm, mà zhʉ gɨ̀ ə to ghə̀ gàʼ ə̀ vì fa kàŋ la, “Ə̀bwòŋ nə̀ kədyòʼ nə̀ ə̀soʼ ə fòyn ə Nyìngòŋ ə̀ vəghəŋ bènə̀ àdyoʼ Klistò ə vi li luwèn byìʼàndo və moʼ li ə̀ shiʼsə̀ wen yì a ghə̀ tə nti a shɨ ə̀ Nyìngòŋ vəghəŋ ghàmə̀ vəlèmə̀ və vəghəŋ nə̀nchwì nə̀ nəntʉʼʉ lì.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

Hibùlù 10:7

A lə kənyʉ̀ kì a ma ə ngàʼa a wù la, ‘Mà ghèn ashə a Nyìngòŋ. Mà vi a nse ə ne kənyʉ̀ ki a wù kəŋ la mà nè to ndə̀ŋndəŋ ando və nyoʼo kumə mò a wù ŋwàʼlə̀.’”

Ŋwàʼlə̀ Luk 19:38

La, “Mbwaʼmə à fòyn yi a ghə̀ vì a zhìʼ Bobo. Mbwaʼmə ndiʼ a kàŋ. Nyìngòŋ nkiʼ kuʼsə ghoʼghə a kəshi yì a kə ŋaŋtə̀li nkwʉʼ!”

Ŋwàʼlə̀ Mak 3:35

No ndò a ghə̀ ne kənyʉ̀ kì a Nyìngòŋ kəŋə dìʼ lèmə̀ ghom, wùwì nə̀ wulɨm à bè dìʼ lì ghom.”

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Ŋwàʼlə̀ Mak 11:10

Mbwaʼmə fòn diʼ a fòyn ə Devìt yì a ghə̀ vì! Hosanà dìʼ à Nyìngòŋ yì a ghə̀ diʼì a kəshi kə ŋaŋtəkə!

Kəmwetə 11:15

Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

Ŋwàʼlə̀ Luk 19:11

Ando viʼi mbu zhʉtə gaʼa Yesò a ghenə̀, ghə̀ be mò ngàyn tsen à vəwenə byiʼ ando ghə̀ sə boʼsə dyʉ̀ a Jelusalèm, vəwenə kwòʼtə̀ la Nyìngòŋ zìtə̀ soʼo fòyn wen tò a zhʉ a ghèn.

Shwèʼ 22:14

Ghə̀ gàʼ à mò la, ‘Nyìngòŋ yì a vətìʼ və vəghəŋ nlù sə gumlə̀ lì, ə tsuʼ li wù la wù kɨ kənyʉ̀ a ghə̀ kəŋə la wù nè be yen ə̀ kɨ wù kənyʉ̀ kə tɨmə kə yì a ghə̀ shwèʼè à wen, bè zhʉ̀ ando ghə̀ gàʼà à wù fà wen a ngə̀ŋ,