Matìyò 5:5 - The New Testament in the Babanki language

⁵ Mbwaʼmə dìʼ a viʼi vyi a və bwaʼmə byiʼàndo vəwenə lu kiʼi fo vyi a Nyìngòŋ ghʉ li.

Matìyò 5:5 Referans Kwoze

Jems 3:13

A dìʼ ndo à ghə̀ŋ a ntìntìn a ghə̀ tofə be zhɨ kɨ nyʉ̀ a? A zhʉ a ghə̀ diʼì, ghə̀ diʼi dìʼ ənyʉ̀ a ghə̀ nè nə̀ gumlə̀ byìʼì tof.

Gàlesìyà 5:23

Gumlə, kɨ ə ghaʼ təwen. Əsoʼ ə tsenə ghə̀ ə ko tensə tebè no kənyʉ̀ kə mùʼ fa ntìntìn nyʉ̀ a ghèn.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

1 Bità 3:15

Ghə̀ŋ ə boŋsə gumlə Yesò to nə̀ Bobo a ghə̀ŋ a tətyɨm. Ghə̀ŋ ne nyʉ̀ʼ, bvɨtə ə bwensə no ndò azhʉ̀ a ghə̀ bèmə kənyʉ̀ kumə əbyɨmə yì a ghə̀ŋ kiʼi a Yesò. Ghə̀ŋ sə nè alə̀ ghə̀ŋ ə bwaʼmə, be gumlə.

Taytùs 3:2

Gàʼa à vəwenə la kə vəwenə à ngàʼà nyʉ̀ byɨvə byìʼì viʼi, la vəwenə mbòŋsə̀ tsi ntsìnə̀ ə bwaʼmə à viʼi vətsèm, ku ndoŋ wenə̀ viʼi vətsèm be tsi ntsìnə̀ shiʼsə̀ wèn.

1 Bità 3:4

Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

Lumans 4:13

Nyìngòŋ ə wʉ̀ a Ablaham wenə ngwaʼ ə ngə̀ŋ ə wen la ghə̀ lu ku mbi a vəwenə, a kodiʼ byìʼì ando vəwenə ə zhʉtə Əsoʼ. A ndiʼ byìʼì ando ghə̀ byɨmə Nyìngòŋ, ghə̀ lyɨ̀ wen a wù kənyʉ̀ kətɨməkə.

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”