Matìyò 5:18 - The New Testament in the Babanki language

¹⁸ Mà gàʼ à ghə̀ŋ nəmwèʼè la kaŋ wenə nsè lu sə mè kenla wìʼ a tsəʼsə tè fənyʉ̀tə̀ fa tyì soʼ ayì. Ghə̀ ko lù chò əzaʼa fa tʉʼ a nyʉ̀ a venə no tsèm lu kwʉ̀ʼ.

Matìyò 5:18 Referans Kwoze

Ŋwàʼlə̀ Luk 16:17

Kə bwaʼmə kaŋ wenə nse cho alì kò la fəshinə fa soʼ Mosìs lu lè.

1 Bità 1:25

ali kənyʉ̀ kə Nyìngòŋ kə diʼ mù kə faŋ li to nəmwèʼè.” Na ken kə diʼ ntɨm ə jùŋ yì a və nshə̀ʼtə̀ a ghə̀ŋ.

Ŋwàʼlə̀ Mak 13:30

Mà gàʼà à ghə̀ŋ nəmwèʼè la, viʼi mbyi venə zì kò və lù pfʉ̀kə mè kèn la nyʉ̀ avenə lyɨ li kəshi no tsèm.

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 13:17

Mà gàʼà à ghə̀ŋ nəmwèʼè la nshə̀ʼtə̀sə sə ghoʼkəsə bènə̀ viʼi nyʉ̀ tɨməvə diʼ no vəghoʼo a və nlu li sə kòŋ əyen nyʉ̀ vyi a ghə̀ŋ yenə be kòŋ əzhʉ nyʉ̀ vyi a ghə̀ŋ zhʉ alì kò vəwenə lù yen ko zhʉ.”

Matìyò 10:23

Və tsuʼ kəwʉ ə kəŋ a ntə̀ʼ, ghə̀ŋ nyɨŋ ə dyʉ̀ tò a ntə̀ʼ ə kədyàŋ. Ma gaʼa a ghə̀ŋ nəmwèʼè la ghə̀ŋ ko nè mwetə ə shwèʼè ghə̀ŋ a ntə̀ʼsə Islel sə tsèm kenla Wàyn Wìʼ ə bwənə li vi.

Matìyò 6:2

“Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Matìyò 5:26

Mà gàʼà ghə̀ŋ nəmwèʼè la kə sə tsèn chò alì wù à fàŋ tò a ngə̀ŋ mfɨŋ a yi əzaʼa fa tʉʼ a wù a lòʼ ko wìʼ a yì no tsèm.”

Joyn 21:18

Ma gàʼà a wù to no nəmwèʼè la, a ndiʼ to ando wù bo diʼ wàyndyə, wù lafə, dyʉ̀ no tèbe fè ando wù kòŋ. Alì, wù na dwin, wu naʼsə̀ akwoŋ à wu, wìʼ ə labsə wù ə lyɨ̀ dyʉ̀ nə̀ wù akəshi, ko andiʼ la wu kòŋ.”

Joyn 16:23

“Kətsi na kì ə na kwʉ̀ʼ, a ghə̀ŋ faŋ kò ghə̀ lə be bèm kənyʉ̀ a mò. Ma gaʼa a ghə̀ŋ to no nəmwèʼè la, Tìʼ ə na ku no tèbe ghò yi a ghə̀ŋ bèmə chò fa mo a əzhiʼ.

Joyn 16:20

Ma gaʼa a ghə̀ŋ to no nəmwèʼè la, ghə̀ŋ ə̀ dì no nànto, mbi saŋlə sàŋlə. Ghə̀ŋ nè sə kusə shinsə, ali ə kusə ə shinsə a yi kaʼkə a saŋlə.

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Joyn 13:38

Yesò ə bèm la, “wù le zi wu ə pfʉ̀ byìʼì mò a? Ma gaʼa a wù no nəmwèʼè la ə nkəʼ ne sə toŋ layn, mu wù mo li mò aghayn a tàʼ.”

Joyn 13:16

Ma gaʼa a ghə̀ŋ no nəmwèʼè la wù ə shwèʼè ko tɨmə chò tiʼi shyèʼ wen, wù ə ntɨm ko ntemə chò wìʼ yi a ghə̀ tɨmə wen.

Joyn 12:24

Ma gaʼa a ghə̀ŋ to no nəmwèʼè la, və sətsen faŋ ke mòʼ ashɨ ə ngwaʼ a nse, a ghə̀ faŋ to a ngwaʼ. Alì, mu və mòʼ, a ghə̀ pfʉ̀ ə mu kumə ashi asaŋ nò ghoʼo.

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 10:1

Yesò ə mò li ngàyn ə tsen ə gàʼ la, “Ma gaʼa a ghə̀ŋ no nəmwèʼè la, wìʼ sətsen vi ə wʉ̀sə əchʉ mbàyn ke kwen fa tsu ə dyʉ̀ kuʼ kwen fa akəshi kə kədyàŋ, mu ghə̀ diʼ tsòŋ.

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Joyn 8:51

Ma gaʼa a ghə̀ŋ tò no nəmwèʼè la, no ndò yi a ghə̀ zhʉ ziʼi ə ghomə ə ghʉ, mu ghə̀ lu tsi faŋ.”

Joyn 8:34

Yesò ə gàʼ a vəwenə la, “Ma gaʼa a ghə̀ŋ to no nəmwèʼè la, no ndò yì a ghə̀ ne mbyɨ diʼ kəkòs a mbyɨ.

Joyn 6:53

Yesò ə mu gàʼ a vəwenə la, “Ma gàʼà a ghə̀ŋ to no nəmwèʼè la, ghə̀ŋ sətsen faŋ ke zhɨ əwen ə Wàyn Wìʼ be ə nyʉ̀ mənlyuŋ mə wen, mu ghə̀ŋ ko ne kiʼi ə ntsìnə̀.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 6:32

Yesò ə gàʼ a vəwenə la, “Ma gaʼa a ghə̀ŋ tò no nəmwèʼè la, a ko nku Mosìs əku fozhɨvə vyi a və lù kaŋ a ghə̀ŋ. A boŋsə ku Tìʼ ghom ə ku nkàyntə̀ ə fozhɨvə vyi a və lù fa kàŋ.

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Joyn 3:11

Ma gaʼa a wù no nəmwèʼè la, yès ə gàʼ nyʉ̀ kɨ, mu yès yen li, ali ko ghə̀ŋ byɨmə ə gàʼà ə yesə,

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Joyn 1:51

Ghə̀ gàʼ ali ə be gàʼ kwʉ̀ʼsə la, “Ma gaʼa a ghə̀ŋ to no nəmwèʼè la, Ghə̀ŋ lu yen to ando əkaŋ ə boʼmə̀, ətsɨŋsə ngə̀ŋ Nyìngòŋ sə chwòmə̀ kuʼ be shiʼi, jèʼè to a ntɨm ə Wàyn Wìʼ”

Ŋwàʼlə̀ Luk 23:43

Yesò bwènsə̀ gàʼ a wen la “Nəmwèʼè, nəmwèʼè, ma shə̀ʼtə̀ à wù la wù a ndiʼ yowù layn a kəshi kəbwòŋ Nyìngòŋ.”

Ŋwàʼlə̀ Luk 18:29

Yesò bwènsə̀ gàʼ à vəwenə la, “Ma gàʼà ghə̀ŋ nəmwèʼè la, no wìʼ ko diʼ a ghə̀ sətsèn moʼtə kəbəŋ kə wen, kò wì wen, kò lèmə̀ wen, kò tìʼ wen nə̀ lì wen, kò vunə wen byìʼì kənyʉ̀ kə fòyn Nyìngòŋ,

Ŋwàʼlə̀ Luk 18:17

Mà gàʼ à ghə̀ŋ nəmwèʼè la, No ndò a ghə̀ fàŋ shisə soʼ fòyn Nyìngòŋ tò nə̀ wàyn bwaʼ, kò ghə̀ lù kwèn a kəshi kə fòyn a kèn.”

Ŋwàʼlə̀ Luk 13:35

Luwen Nyìngòŋ kyəməli ntə̀ʼ ghə̀ŋ. Ma gàʼ à ghə̀ŋ la ghə̀ŋ ko be lu yen mò, bwen la kətsi ne vì a ghə̀ŋ ne gàʼ la, ‘Nyìngòŋ bwaʼsə wen yi a ghə̀ vi a zhìʼ Bobo.’”

Ŋwàʼlə̀ Luk 12:37

Ti shyèʼ sətsen bwənə pfwo kwetə viʼi shyèʼ wen bu sàŋlə sə diʼ à vəwenə. Ma gàʼ a ghə̀ŋ la no nkàyntə̀ wen à nè la vəwenə ŋwʉʼ a kəshi kə kəzhɨ, ghə̀ shɨtə wenə wen ə chòsə̀ fozhɨvə à vəwenə.

Ŋwàʼlə̀ Luk 11:51

ə zìtə̀ fa Abèl əkuʼ zaʼa à Zakaliya a və nlù zhwi vəwenə əlù fa kəshi kə ŋwòʼəkə əzaʼa kəbaŋ kə kəku a ngə̀ŋ Nyìngòŋ. Ma gàʼ à ghə̀ŋ nəmwèʼè la kəlyɨŋ kènkə lə shə̀ʼtə̀ chʉ vəwenə byìʼì viʼi a venə no vətsèm.

Ŋwàʼlə̀ Mak 14:30

Yesò bwènsə̀ à wen la, “Nkə̀ʼ ne sə toŋ aghayn à bò nəntʉʼʉ lan mu wù mo li tyen aghaŋ à taʼ.”

Ŋwàʼlə̀ Mak 14:25

Mà gàʼà à ghə̀ŋ nəmwèʼè la, mà ko lu be nyʉ məlyʉ̀ʼ mèn əzaʼa fa kətsi kì a mà lu nyʉ a kəshi kə fòn Nyìngòŋ.”

Ŋwàʼlə̀ Mak 14:18

Vəwenə nè ŋwʉʼʉ a məzhɨ, Yesò gàʼà vəwenə la, “Mà gàʼà à ghə̀ŋ nəmwèʼè la, wìʼ muʼ dìʼ à ghə̀ŋ a ntìntìn a ghə̀ ne baʼlə mo, yo wen ə zhɨ tò a muʼu.”

Ŋwàʼlə̀ Mak 14:9

Mà gàʼà à ghə̀ŋ nəmwèʼè la no tè fe a tì mbi a və lu nshyə̀ʼtə̀ ntɨm jùŋ ghèn, və lu mboŋə shə̀ʼtə̀ kənyʉ̀ kèn a wùwì ghèn ne lə̀ ndiʼ viʼi nkwòʼtə̀ wen.”

Ŋwàʼlə̀ Mak 12:43

Yesò dzàŋtə̀ ndzɨ̀mtə̀sə bàm wen ə̀ gàʼ à vəwenə la, “Mà gàʼà à ghə̀ŋ nəmwèʼè la,wùwì mpfʉ femə ghèn ku li kəku kə chò no kə viʼi vətsèm,

Ŋwàʼlə̀ Mak 11:23

mu mà gàʼà à ghə̀ŋ nəmwèʼè la, à gàʼ tè ndò fà ghə̀ŋ a ntìntìn à pfèn ghoʼo ghèn la tuʼmə ə̀ dyʉ̀ tsòʼ à mù mə nghoʼomə̀. Sə ngàʼà a lì kò ghə̀ lu nkwòʼtə̀ kwoʼtə alì kiʼ byɨmə la kənyʉ̀ akì a ghə̀ gàʼà lì a lyɨ kəshi mu və a ne ə kə lyɨ kəshi ando ghə̀ gaʼà.

Ŋwàʼlə̀ Mak 10:29

Yesò gàʼ à vəwenə la, “Mà gàʼà à ghə̀ŋ nəmwèʼè la wìʼ ko diʼ a ghə̀ moʼtə̀ kəbəŋ kə wen, ko vəlèmə̀ vəwen ko vəlèmə̀ və wen ki, ko lì wen, ko tìʼ wen, ko təsɨm təwen, ko vunə wen, byìʼì mò bènə̀ ntɨm ə jùŋ,

Ŋwàʼlə̀ Mak 10:15

Mà gàʼà à ghə̀ŋ nəmwèʼè la, no ndò a ghə̀ fàŋ ke byɨmə fòyn Nyìngòŋ a nə̀ wàyn bwaʼ, kò ghə̀ lə̀ kwèn a fòyn Nyìngòŋ ayì.”

Ŋwàʼlə̀ Mak 9:41

Mà gàʼà à ghə̀ŋ nəmwèʼè la no ndò a ghə̀ ku ndoŋ à mù à ghə̀ŋ la ghə̀ŋ nyʉ byìʼàndo ghə̀ŋ dzɨ̀mtə̀ mò zì kò ghə̀ lù faŋ ke kiʼi moʼtə wen.”

Ŋwàʼlə̀ Mak 9:1

Yesò bè gàʼ à viʼi a vyi la, “Mà gàʼà à ghə̀ŋ nəmwèʼè la, viʼi vətsenvə ti a shə̀ luwèn a vəwenə ko lu pfʉ no a mpfen əzaʼa fa tʉʼ a vəwenə a yen ando Nyìngòŋ soʼo foynə wen nə̀ kədyoʼkə.”

Ŋwàʼlə̀ Mak 8:12

Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Ŋwàʼlə̀ Mak 3:28

“Mà gàʼà à ghə̀ŋ nəmwèʼè la àdìʼ tè mbyɨ kò a viʼi nè mu Nyìngòŋ zì ghə̀ maʼa bè màʼà no tè mbàʼ ko a vəwenə te wen tsu,

Matìyò 25:45

Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò.

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 25:12

Lɨm wùwì yì bwènsə̀ gàʼ la, Mà gàʼà à ghə̀ŋ nəmwèʼè la, mà ko kɨ̀ ghə̀ŋ.

Matìyò 24:47

Mà gàʼà a ghə̀ŋ nəmwèʼè la, kə yì diʼ a lì tì shyèʼ ayì à ghʉ wen la ghə̀ ntùʼmə̀ nə̀ fo wen no tsèm.

Matìyò 24:2

Ghə̀ gàʼ à vəwenə la,“Ghə̀ŋ yenə kəbəŋ kènkə alə̀, mà gàʼà a ghə̀ŋ nəmwèʼè la zhʉ boʼsə vì, a və ne bèytə̀ aloʼ aghenə, kènla no ngùʼ muʼ ne faŋ a kətʉ ghətsen.”

Matìyò 23:36

Mà gàʼà à ghə̀ŋ nəmwèʼè la ngəʼ yì a ghə̀ lu vì byìʼì nyʉ̀ byɨvə avenə no tsèm lu shiʼi tò a kətʉ viʼi kəlyɨŋ venə.”

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Matìyò 21:21

Yesò bwènsə̀ gàʼ à vəwenə la, “Mà gàʼà à ghə̀ŋ nəmwèʼè la, ghə̀ŋ sətsèn nkiʼ byɨmə, kye momə̀ mwòmsə mu ghə̀ŋ zì ghə̀ŋ ne kənyʉ̀ kèn a ma ə ne à fəkòʼ fènfə lə̀, bè gàʼ no tè à pfèn ghoʼo ghèn la, Tsuʼmə dyʉ̀ tsòʼ à mù mə nghoʼomə̀, ghə̀ be à nè tò a lì.

Matìyò 19:28

Yesò gàʼ à vəwenə la, “Mà gàʼà à ghə̀ŋ nəmwèʼè la a lu ndiʼ a mbi fi, a zhʉ a Wàyn Wìʼ ŋwʉʼʉ li à wen a kəfwoyn nə̀ ghoʼo wen, a dìʼ a zhʉ ayì a ghə̀ŋ vi njʉ̀sə̀ bò a ŋwʉʼʉ a fwoyn njʉ̀sə̀ bò ə nsoʼo ngwàʼsə loʼ Islel shì njʉ̀sə̀ bò.

Matìyò 19:23

Yesò mù gàʼ à ndzɨ̀mtə̀sə bàm wen la, “Mà gàʼà à ghə̀ŋ nəmwèʼè la kə lu nto no nànto wu ghoʼo kwen a soʼ Fòyn Nyìngòŋ.

Matìyò 18:18

Mà mù sə gàʼà à ghə̀ŋ nəmwèʼè la, “No ghò a ghə̀ŋ byɨmə a nse mu Nyìngòŋ a byɨmə a kàŋ. Ghə̀ŋ be tensə no ghò a nse mu Nyìngòŋ be a tensə a kàŋ.”

Matìyò 18:3

mù gàʼ la “Mà gàʼà à ghə̀ŋ nəmwèʼè la ghə̀ŋ sətsèn fàŋ ke kwitə ə ndiʼ to nə̀ vunə və bwaʼvə mu ghə̀ŋ ko lə kwen a soʼ Fòyn Nyìngòŋ.

Matìyò 11:11

Mà gàʼà ghə̀ŋ nəmwèʼè la wìʼ ko təmə diʼ a nse a ghə̀ chò Joyn wù ku à Amù, alì wìʼ yì a ghə̀ diʼ bàm a soʼo Fòyn Nyìngòŋ ə chò wen.

Matìyò 10:42

Ma gaʼa a ghə̀ŋ nəmwèʼè la a ku no ndo ku te ndoŋ amù mə zhʉmə a wìʼ ə mùʼ a ntìntìn nə̀ vunə və tyətəvə venə byìʼì ando wàyn ə tyetə a yi ə diʼ ndzɨ̀mtə̀ bàm nə̀ mo, ghə̀ lə kiʼ əmòʼtə ə wen.”

Matìyò 10:15

Ma gaʼa a ghə̀ŋ nəmwèʼè la à lu ə ndiʼ a kətsi kə nsoʼ ə̀ Nyìngòŋ, ə ngəʼ ndiʼ a viʼi ntə̀ʼ a vyì chò to ando ghə̀ ndiʼ a viʼi Sodòm nə̀ viʼi Gòmolyà.

Matìyò 8:10

Yesò zhʉ kənyʉ̀ kèn ə sə diʼ nə̀ kaynə ə gàʼ à viʼi vyì a və jèʼè fa wen bàm lì la, “Ma gàʼ à ghə̀ŋ nəmwèʼè la, mà ko tɨmə yen wìʼ, a ghə̀ kiʼi nkì byɨmə ghənə, a loʼo Islel.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Ŋwàʼlə̀ Luk 4:24

Ghə̀ mù gàʼ la “Ma gàʼà nəmwèʼè à ghə̀ŋ la və kò lə nshisə nshə̀ʼtə̀ Nyìngòŋ a kəshi a ghə̀ fʉ̀ fa tsu.