Bib sou entènèt

Matìyò 5:10 - The New Testament in the Babanki language

¹⁰ Mbwaʼmə dìʼ a viʼi vyi a və tsuʼu aghʉ vəwenə byiʼàndo vəwenə nè ando Nyìngòŋ kəŋə byiʼàndo soʼo fòyn Nyìngòŋ lu diʼ à vəwenə.

Gade chapit la Kopi

tounen moute ⬆

Matìyò 5:10
30 Referans Kwoze

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Matìyò 5:3

“Mbwaʼmə diʼ à viʼi vyi a və zhəʼtə̀ tò a wenə Nyìngòŋ byiʼàndo soʼo fòyn Nyìngòŋ lu ndiʼ à vəwenə.

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

2 Timotì 3:11

Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Ŋwàʼlə̀ Mak 10:30

a ghə̀ ne fàŋ ke kiʼi məbəŋ, nə̀ vəlèmə̀ və wen, nə̀ vəlèmə̀ və wen ki, nə̀ və mpfi, nə̀ vunə, nə̀ təsɨm tə wen a ghàyn ghɨ no tè be a mbi layn, alì və bè tsuʼ aghʉ wen. Kətsi lə vì a ghə̀ a kiʼi bwòŋ a ghə̀ ko lə mè.

Ŋwàʼlə̀ Luk 6:20

Ghə̀ tsoʼsə ashɨ wen ə ki ndzɨ̀mtə̀sə bàm wen ə gàʼ à vəwenə la: “Mbwaʼmə diʼ a ghə̀ŋ viʼi a və ko təmə byɨmə byìʼàndo soʼ foyn Nyìngòŋ kiʼ ghə̀ŋ.

Matìyò 10:23

Və tsuʼ kəwʉ ə kəŋ a ntə̀ʼ, ghə̀ŋ nyɨŋ ə dyʉ̀ tò a ntə̀ʼ ə kədyàŋ. Ma gaʼa a ghə̀ŋ nəmwèʼè la ghə̀ŋ ko nè mwetə ə shwèʼè ghə̀ŋ a ntə̀ʼsə Islel sə tsèm kenla Wàyn Wìʼ ə bwənə li vi.

1 Joyn 3:12

Vəghəŋ ə ko diʼ ə ndiʼ tò nə̀ Keyn. Ghə̀ ndìʼ wù Deblə̀ ə̀ zhwì lèmə̀ wen. Ghə̀ nzhwi wen byìʼì ghò? Ghə̀ nzhwi wen byìʼàndo ghə̀ nè nyʉ̀ byɨvə alì lèmə̀ wen diʼ wù kənyʉ̀ kətɨməkə.

Shwèʼ 8:1

Və nsə nyàblə̀ nə̀ Stifèn a lì, Saul ndiʼ tsu gàʼà tò la və zhwi wen. A bè sə ndiʼ tò a kətsi akì, viʼi vəbyɨməvə vi a və ndìʼ a Jelusalèm zɨ̀tə̀ sə yenə ngəʼ no nànto. Ando və nku ngəʼ à vəwenə a lì, vəwenə nyɨŋkə no vətsèm ə̀ dyʉ̀ a təshyə tə loʼ Judiyà bènə̀ Samalìyà, à faŋ tò viʼi ntɨm Yesò tsu.

Shwèʼ 5:40

mù dzàŋ viʼi ntɨm ə̀ Yesò vi la vəwenə bwensə kwèn a ngə̀ŋ. Vəwenə gàʼ və ghòm vəwenə bè kàn la kə vəwenə be gàʼ kənyʉ̀ a zhiʼ Yesò, mù gàʼ la vəwenə ndyʉ̀.

Matìyò 19:14

Yesò mù gàʼ à ndzɨ̀mtə̀sə bàm wen la, “Ghə̀ŋ ghʉsə vunə vi və vi à mò, kə ghə̀ŋ be à tàm vəwenə byìʼàndo soʼo Fòyn Nyìngòŋ diʼ à viʼi vyi a və diʼi to nə̀ vəwenə.”

Ŋwàʼlə̀ Mak 10:14

Yesò nè yèn kənyʉ̀ akì a vəwenə nè lì ə̀ fwisə tin ə̀ gàʼ à vəwenə la, “Ghə̀ŋ ghʉsə vunə vəwenə vi à mò. Kə ghə̀ŋ be tàm vəwenə byìʼe fòyn ə Nyìngòŋ kiʼ viʼi a nə̀ vəwenə.

Ŋwàʼlə̀ Luk 22:29

Ando tìʼ ghom nkuli soʼ fòyn a mò, a diʼ ndə̀ŋndəŋ jì a ma ku soʼ ayi a ghə̀ŋ,

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.

Swiv nou:

Lyen patwone

Piblisite

Piblisite