Bib sou entènèt

Matìyò 4:24 - The New Testament in the Babanki language

²⁴ Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Gade chapit la Kopi

tounen moute ⬆

Matìyò 4:24
41 Referans Kwoze

Matìyò 17:15

ə̀ gàʼ la, “Bobo kusə nshinsə à wàyn wùlɨm ghom ghèn. Ghə̀ nkwaʼa nə̀ kəmbvʉ̀ kə. Kə zhuŋsə̀ wen no nànto nè ghə̀ fəŋə nghoʼo məzhʉ̀ a zhìʼ ko à mù.

Matìyò 8:6

“Bobo, wu shyèʼ mò nyəŋ a ngə̀ŋ mu ghə̀ kwaʼkə li kèn la ghə̀ kiʼi ji ə jèʼè, be zhʉ zaf no nànto.”

Ŋwàʼlə̀ Luk 5:15

Ali soʼgho byìʼì Yesò zaʼa no shi tsèm nòyn viʼi vì əzhʉtə ando ghə̀ dìʼsə be vì la ghə̀ chʉʼ təkwaʼa tə vəwenə.

Ŋwàʼlə̀ Luk 2:2

A ndiʼi mbi zhʉ a və nyòʼò təzhiʼ ando Kulinoy ndiʼi kətʉ a shə sylia a loʼo Luma.

Matìyò 17:18

Ghə̀ vì nə̀ wen, Yesò kàyntə̀ nyʉ̀ à kəzhwì kə byɨkə akì kə fʉ̀ fa wèn wàyn ayì ghə̀ to tò a zhʉ ayì.

Matìyò 15:22

Wùwì Kanà tsen a ghə̀ ntsi boʼsə tsu vi à Yesò mù sə zɨmə dì gàʼà la,“Kusə nshinsə à mò a Bobo, wàyn fòyn Devìt! Wàyn ghom wùwì yenə ngəʼ no nànto byìʼàndo ghə̀ kiʼi kəzhwì kəbyɨkə.”

Matìyò 12:22

Viʼi vətsenvə mù vì nə̀ wìʼ à Yesò mu kəzhwì kə byɨkə ne li kò ghə̀ lù ə nyenə shi kènla ghə̀ gàʼà. Yesò chʉʼ wìʼ ayì ghə̀ sə̀ bwènsə̀ yenə shi be gàʼà.

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Shwèʼ 15:23

Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà.

Ŋwàʼlə̀ Mak 2:3

A sə laʼtə viʼi vətsenvə vəkàʼ byèʼè wù kənkwàʼkə̀ sə vì nə̀ wen a əghàm.

Ŋwàʼlə̀ Mak 1:32

A nè sə ndiʼ a kəlyɨŋ kə zhʉ mpfwòmə, viʼi vì nə̀ viʼi və kwaʼkəvə vəwenə no vətsèm bènə̀ vi a və nkiʼi zhwì byɨvə,

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Shwèʼ 15:41

Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.

Ŋwàʼlə̀ Luk 4:14

Yesò bwènə̀ pfwo dyʉ̀ a Galìlì,bu jèʼè tò kədyòʼ kəzhwì kəŋwoʼkə. Soʼgho byìʼì wen jèʼè a loʼ ayi no tsèm.

Ŋwàʼlə̀ Mak 1:28

Əzìtə̀ fa zhʉ ayì, soʼgho byìʼì ziʼi wen ayi sàykə dyʉ̀ no a shì tsèm a Galìlì.

Matìyò 14:1

Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè,

Joyn 10:21

Alì vətsevə gàʼa la, “ghenə ko diʼ tebè gàʼà a wìʼ a ghə̀ kiʼi kəzhwì kə kəbyɨkə. Kəzhwì kə kəbyɨkə zizi ko kə lu nè viʼi və fyifkəvə ə nyenə shi.”

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

Matìyò 9:26

Soʼgho kənyʉ̀ a kyi ə waŋ tò əshi ə tsèm ashə əloʼ na yì.

Matìyò 8:28

A ndiʼ ando vəwenə ndyàŋ lò ə dyʉ̀ zaʼa shə loʼ tsenghə a və ndzàŋ nə̀ Gàdàlin, ə bùmtə̀ wenə viʼi vətsenvə, vəbò mu və fʉ fa mbvɨməsə. Viʼi a venə nkiʼ zhwì byɨvə, mu və ne li vəwenə sə chofə no ŋàŋ be lyomsə viʼi. Nè alì viʼi mù sə tyenə əchò fa ji ayì.

Matìyò 8:33

Viʼi a və ntsɨ̀ŋə̀ və nkʉnyàm a vyi nyɨŋkə ə dyʉ̀ a tyì ntə̀ʼ shə̀ʼtə̀ kənyʉ̀ kì a kə chò no kə tsèm bènə̀ kənyʉ̀ a kə yì chò à viʼi zhwì byɨvə vyi.

Ŋwàʼlə̀ Mak 2:4

Vəwenə vì kò jì lu ndiʼ, vəwenə kuʼ a kətʉ kə ngə̀ŋ ə̀ tsuʼ kəbʉ̀ʼ a kətʉ kə kəshi a Yesò ndìʼ tsu. Ə̀ shiʼsə wù kənkwàʼkə̀ ayì fa tsu ə̀ nyòŋsə̀ a shɨ Yesò.

Ŋwàʼlə̀ Mak 2:9

A bwaʼmə̀ kə kò; əgàʼ à wù kənkwàʼkə̀ ghèn a? La, ‘Və maʼà li nyʉ̀ byɨvə’ wù mu əgàʼ à wen la, ‘Lù lyɨ̀ əghàm wu ə njèʼè lò’?

Ŋwàʼlə̀ Luk 4:38

Yesò fʉ̀ fa ngə̀ŋ ntsèntə̀ ayì ə dyʉ̀ kwen a ngə̀ŋ Simon. A ndiʼ alì chì simon wùwì nkwaʼa nə̀ fiba to, vəwenə sensə Yesò la ghə̀ gyàmtə̀ wen.

Ŋwàʼlə̀ Luk 5:24

Ma diʼi a ghə̀ŋ luwen la Wàyn wìʼ kiʼi adyòʼ a kwi nse ə lyesə ku mbyɨsə viʼi.” Ghə̀ mù gàʼ a wù ə kənkwaʼkə yi la, “Mà gàʼ a wù la wù lu ə lyɨ̀ kəbùŋ kyə̀ ə pfwo.”

Shwèʼ 8:7

Andìʼ a lì, viʼi vəghoʼo və tsu kiʼi zhwì byɨvə. Filib dzɨ̀m ə̀ shìsə̀ zhwì byɨvə a vyi, no tə kəkò kə sə fʉ̀ dì no a gɨ to. Viʼi kənkwaʼkə bènə̀ vənlaʼfwen bè tokə.

Ŋwàʼlə̀ Luk 7:17

Soʼgho a ghèn byìʼì Yesò saykə̀ dyʉ̀ a loʼ Judiyà no tsèm bè nə̀ no a təloʼ tə tsèm a mbyì ayì.

Shwèʼ 28:9

Andìʼ ando kənyʉ̀ akènkə mfʉ, viʼi və kwaʼkəvə no vətsèm fa loʼ ayì sə vì, Bol be chʉʼʉ vəwenə.

Swiv nou:

Lyen patwone

Piblisite

Piblisite