Matìyò 4:23 - The New Testament in the Babanki language

²³ Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Matìyò 4:23 Referans Kwoze

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

Ŋwàʼlə̀ Mak 1:39

Ghə̀ gàʼ a lì sə jèʼè no shi tsèm a Galìlì, kwenə a aloʼ ntsèntə̀sə vəwenə gàʼà kənyʉ̀ kə Nyìngòŋ tsu, be dzɨ̀mə̀ shìsə̀ zhwì byɨvə fà viʼi a təwèn.

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Ŋwàʼlə̀ Luk 7:22

Yesò bwènsə̀ gàʼ à vəwenə la, “Ghə̀ŋ dyʉ̀ ə shə̀ʼtə̀ nyʉ̀ vyì à Joyn a ghə̀ŋ yenli fa ghə̀ŋ ngeŋ be nzhʉ fa viʼi vətsenvə: Nfyɨf sə bwensə̀ yenə shi, viʼi kəkwàʼkə sə jèʼè, viʼi kənsòtə̀ nto, mpfʉ̀sə tʉ sə zhʉ nyʉ̀, viʼi və pfʉkəvə nlù fa pfʉ, və be shə̀ʼtə̀ ntəmə jùŋ a viʼi vyi a və ko təmə byɨmə.

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 13:54

bwènə̀ pfwo a ntə̀ʼ yì a ghə̀ nkwi tsu sə zhʉsə ziʼi viʼi aloʼ ntsèntə̀sə vəwenə, vəwenə sə diʼ nə̀ kaynə ə̀ sə̀ bèmə̀ la, “Wìʼ ghèn lyɨ̀ nki tof ghenə bè nə̀ kədyòʼ kènkə fa fe?.

Ŋwàʼlə̀ Mak 1:21

Vəwenə nè dyʉ̀ zaʼa a ntə̀ʼ Kàbanùm, a nsə ndiʼ a kətsi kə zhʉtəkə, ghə̀ dyʉ̀ kwèn a ngə̀ŋ ntsèntə̀ sə ziʼi viʼi tsu.

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Ŋwàʼlə̀ Luk 8:1

Fa bàm a tsu Yesò sə jèʼè shə̀ʼtə̀ ntɨm jùŋ byìʼì soʼ fòyn Nyìngòŋ a ntə̀ʼ sə ghoʼkə sə nə̀ sə tyetəsə. A ndiʼ alì ndzɨ̀mtə̀sə bàm wen shì njʉ̀sə̀ bò diʼ wenə vəwenə,

Ŋwàʼlə̀ Mak 6:2

Tʉʼ layn a kətsi kə zhʉtəkə vəwenə, ghə̀ dyʉ̀ ə̀ kwèn a ngə̀ŋ ntsèntə̀ ə̀ zìtə̀ sə ziʼi tsu. Viʼi zhʉtə ziʼi wen no vəghoʼo sə diʼ nə̀ kanə bèmə̀ la, “Wìʼ ghèn tə zhʉ nyʉ̀ venə fa fe? A lè kù ndo ə nku nki tof ghenə à wen a? Ghə̀ nè nyʉ̀ kanəvə venə ale?

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Matìyò 12:9

Yesò nè gàʼ mwètə̀ a lì ə̀ lù fa kəshi ayì ə̀ dyʉ̀ kwèn a ngə̀ŋ ntsèntə̀ vəwenə tsen,

Joyn 18:20

Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.

Ŋwàʼlə̀ Luk 13:10

A ndiʼ a kətsi kəzhʉtə kə kətsen kə Yesò kwen a ngə̀ŋ ntsentə sə dìʼsə viʼi tsu.

Ŋwàʼlə̀ Luk 9:11

Nòyn viʼi a vyi nè kɨ̀ kəshi a ghə̀ diʼi tsu, vəwenə dzɨ̀mtə̀ dyʉ̀ nə̀ wen tsu. Yesò shisə vəwenə no a nkàyn sə gàʼ à vəwenə kùmə̀ soʼ fòyn Nyìngòŋ be chʉʼʉ viʼi a və nkəŋ la ghə̀ chʉʼ vəwenə.

Ŋwàʼlə̀ Luk 5:17

A sə ndiʼ kətsi kətsenkə tò mətsi ayì, Yesò sə nziʼi a kəshi, viʼi Falàsi nə̀ ndìʼsə̀sə təsoʼ sə ŋwʉʼ tsu, mu vəwenə fʉ̀ no fa ntə̀ʼsə tsèm a Galìlì nə̀ Judiyà bènə̀ Jelusalèm. A ndiʼ ali, kədyòʼ kə Bobo kə diʼ à wen ə ghə̀ chʉʼ təkwaʼa.

Ŋwàʼlə̀ Mak 6:6

Yesò yen la vəwenə ko kiʼ byɨmə, sə diʼ no nə̀ kanə ghoʼo ghə̀. Ghə̀ mù lù sə jèʼè ziʼì dyʉ̀ nə̀ viʼi a ntə̀ʼsə sətsensə a sə mboʼsə̀ tsu.

Ŋwàʼlə̀ Mak 3:10

byìʼàndo andìʼ a lì mu ghə̀ chʉʼ li viʼi no vəghoʼo. No ndo a ghə̀ nkwaʼa mù sə fosə̀ vì tò vi ndi əkùmsə̀ wen.

Ŋwàʼlə̀ Mak 1:14

A ndìʼ ando və nwè Joyn a mfɨŋ, Yesò bwènə̀ kuʼ dyʉ̀ a Galìlì sə shə̀ʼtə̀ ntɨm jùŋ Nyìngòŋ tsu,

Shwèʼ 20:25

Ghə̀ŋ kɨ li la mà tə njèʼè fà ghə̀ŋ a ntìntìn shə̀ʼtə̀ kənyʉ̀ byìʼì kəshi kə fòn Nyìngòŋ. Ma sə gàʼà à ghə̀ŋ luwèn la ghə̀ŋ ko lu be yen mo no mpfen.

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.

Joyn 6:59

Yesò ə ngàʼa ali, ando ghə̀ nziʼi viʼi a ngə̀ŋ ntsèntə̀ ə viʼi Jus a Kàbanùm.

Ŋwàʼlə̀ Luk 10:9

Ghə̀ŋ kwen a ntə̀ʼ ayì ə chʉʼ viʼi və kwaʼkə və a və diʼì tsu ə shə̀ʼtə̀ à vəwenə la soʼ fòyn Nyìngòŋ boʼsə li vəwenə.

Ŋwàʼlə̀ Luk 6:17

Yesò bwènə̀ shiʼi fa pfen ayì wenə vəwenə tɨmə a kəshi kə mbwaʼ boʼsə nə̀ nòyn ghoʼo ghə̀ ndzɨ̀mtə̀sə bàm wen bènə̀ tənòyn tə viʼi a tə nlu fa tə shə tə Judiyà tə tsèm, nə̀ fa Jelusalèm. Viʼi vətsevə ndiʼ tsu mu və vi fa Tayà nə̀ Sidòn, ə shiʼi boʼsə a mbyɨ amù mə ghoʼo mə.

Matìyò 14:14

Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Joyn 7:1

A sə ndiʼ fa abàm nyʉ̀ venə, Yesò mu sə jèʼe kaʼkə to fa Galìlì, ko ghə̀ be kòŋ ə dyʉ̀ a Jùdiyà byìʼàndo viʼi Jus ndiʼ tsu, kəŋə ə zhwi wen.

Ŋwàʼlə̀ Luk 20:1

Tʉʼ nlayn kətsi kətsenkə, Yesò sə ziʼi viʼi a ngə̀ŋ Nyìngòŋ, shəʼtə̀ ntɨm jùŋ à vəwenə. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ, bènə̀ vəchəʼ vì

Ŋwàʼlə̀ Luk 4:14

Yesò bwènə̀ pfwo dyʉ̀ a Galìlì,bu jèʼè tò kədyòʼ kəzhwì kəŋwoʼkə. Soʼgho byìʼì wen jèʼè a loʼ ayi no tsèm.

Ŋwàʼlə̀ Luk 6:6

A bè sə ndiʼ a kətsi kəzhʉtə kətsenkə, Yesò dyʉ̀ kwen a ngə̀ŋ ntsèntə̀ mù sə ziʼi, wìʼ tsen dìʼ tsu mu kəvu kə kwoŋ toghə wen kə pfʉ̀li.

Ŋwàʼlə̀ Luk 7:21

Vəwenə nsə vì alì, Yesò chʉʼʉ viʼi a zhʉ ayì no və ghoʼo fa tənkì tə təkwaʼa tìtə a vəwenə nkwaʼa nə̀ təwentə be dzɨ̀mə̀ zhwì byɨvə, be nè la nfyɨf ghoʼvə bwènsə̀ yen shi.

Ŋwàʼlə̀ Luk 9:60

Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Ŋwàʼlə̀ Luk 16:16

“Və nlù sə jèʼè a tyì soʼ Mosìs bè jèʼè à tyi ziʼi nshə̀ʼtə̀sə ghoʼkə sə əkuʼ zaʼa a tʉʼ Joyn wù ku àmù. Əzìtə̀ fa tʉʼ ayì, və mù sə shə̀ʼtə̀ ntɨm jùŋə kùmə̀ soʼ fòyn Nyìngòŋ, no məndo sə soynə tò soynə əkwen a kəshi kə fòyn na kèn.

Shwèʼ 28:31

be shə̀ʼtə̀ nyʉ̀ byìʼì soʼ fòn Nyìngòŋ, ziʼì byìʼì Bobo Yesò Klistò. Ghə̀ ngàʼà nə̀ tyɨm toghə kò a ndiʼ la kəfo kətsenkə tàʼsə̀ wen.