Matìyò 4:19 - The New Testament in the Babanki language

¹⁹ Yesò gàʼ à vəwenə la,“Ghə̀ŋ vi ə dzɨ̀mtə̀ mò, mà ziʼi ghə̀ŋ, ghə̀ŋ mbòŋsə̀ kutə̀ viʼi.”

Matìyò 4:19 Referans Kwoze

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Ŋwàʼlə̀ Luk 9:59

Yesò nè bè gàʼ à wùtsen la, “Dzɨ̀mtə mo.” Alì wìʼ ayì gàʼ à wen la, “Bobo, ghʉsə mà pfwo ə bvɨ̀mə̀ tìʼ ghom mimbu vì ə dzɨ̀mtə̀ wù.”

Joyn 21:22

Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Joyn 1:43

A sə diʼ a kənkùmtə̀ kə kətsi, Yesò ə lù ə sə dyʉ̀ a Galìlì ə yen Filib ə gàʼ a wen la ghə̀ dzɨ̀mtə̀ wen.

Ŋwàʼlə̀ Luk 5:27

A bàm nyʉ̀ venə, Yesò bè sə ndyʉ̀ ə yen wù, tinə kənsè, zhiʼ wen diʼ Levì, ghə̀ ŋwʉʼ a tò yi a və tinə kənsè tsu, gàʼ a wen la, “Dzɨ̀mtə̀ mo.”

Ŋwàʼlə̀ Mak 2:14

Ghə̀ nè lù sə njèʼè dyʉ̀ yèn Levì wàyn Alphùyùs a andiʼì wù tinə̀ kənsè ghə̀ ŋwʉʼ a tò yì a və ntinə kənsè tsu, ə̀ gàʼ à wen la, “Dzɨ̀mtə̀ mo” No a zhʉ̀ ko, ghə̀ lù sə dyʉ̀ fà wen a bàm.

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Matìyò 9:9

Yesò lù fa tsu sə dyʉ̀ yen wìʼ, a zhiʼi wen ndìʼ Matìyò, ghə̀ ŋwʉʼ atò yì a və tinə kənsè tsu Yesò gàʼ à wen la, “Dzɨ̀mtə̀ mo.” No a zhʉ kò, ghə̀ lù sə dzɨ̀mtə̀ dyʉ̀ fa wen a bàm.

Matìyò 8:22

Yesò gàʼ à wen la, “Vì tò vì ə ghʉsə viʼi və pfʉkə və, vəwenə mbvɨ̀mə̀ viʼi və pfʉkə və.”

2 Kolìntyàns 12:16

Ghə̀ŋ yen li tò no nəmwèʼè la ma ko tə mbèmə kəfo fa ghə̀ŋ, ali ghə̀ŋ vətsevə be gàʼà la ma tə ə lobtə ghə̀ŋ ə zhò ndzɨŋ a ghə̀ŋ.

Matìyò 4:18

Yesò sə jèʼè fa mbyɨ̀ mu Galìlì a kətsi kətsen kə ə yen vəlemə vətsen və bò, à diʼ Simùn yì a və be dzàŋ nə̀ Bità wenə Andɨ̀lò, vəwenə mòʼò dyʉ̀ nə̀ məlàm mə vəwenə mù kutə̀ shʉsə à mù diʼ shwèʼ vəwenə.

Matìyò 4:20

No a zhʉ̀ kò, vəwenə ghʉsə məlàm mə vəwenə tsu ə dzɨ̀mtə̀ Yesò.