Matìyò 3:7 - The New Testament in the Babanki language

⁷ Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Matìyò 3:7 Referans Kwoze

Matìyò 12:34

Ghə̀ŋ zhusə byɨsə sènsə, kənyʉ̀ kə jùŋkə ko zì kə fʉ̀ fà ghə̀ŋ a chʉ̀ byìʼàndo ghə̀ŋ dìʼ viʼi və byɨvə. Gɨ̀ chʉ̀ dìʼ alə̀ gàʼà tò kənyʉ̀ a kə fʉ̀ fa tyɨm mu ghə̀ lwin li nə̀ nki nyʉ̀ a vyi.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

Lumans 1:18

Nyìngòŋ ə diʼi li tin ə fwi ə wen a viʼi vyi a və tsi a nse ashə̀, ko və kɨ wen, ne dyʉ̀ to nə̀ mbyɨ, mbyɨ na ghèn ə tamə la kə viʼi ə nkɨ kənyʉ̀ ki a kə diʼi nəmwèʼè kumə Nyìngòŋ.

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Lumans 5:9

Luwen ando mənlyuŋ mə wen nè li vəghəŋ sə diʼ ti a nkàyn ashɨ Nyìngòŋ, kə le diʼi la ghə̀ lu bwòŋsə vəghəŋ fa ngəʼ yi a Nyìngòŋ ə tə ndiʼ lù ku a vəghəŋ.

Matìyò 22:23

Tò a kətsi ayì Vəsadùsis vətsenvə lù vì à Yesò, adiʼ viʼi vyi a və ko mbyɨmə la wìʼ zì ghə̀ lu fa pfʉ, bèm à wen la,

Matìyò 16:6

nè dyàŋ zaʼa tsu, Yesò gàʼ à vəwenə la, “Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.

Joyn 9:40

Viʼi Falàsi vətsenvə a və ndiʼ tsu ə bèm a wen la, “Wù gaʼa, kə diʼ la yès be fyɨfkə mu?”

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Shwèʼ 26:5

be kɨ mò no fà kəghaf mu vəwenə zì və shə̀ʼtə̀ ə̀ mwètə̀ no nkàyn a zhʉ a vəwenə koŋə, la mà dìʼ wu Falàsi mu mà nlu li sə ghoʼsə̀ Nyìngòŋ no tè a ji kò a Və Falàsi nghoʼsə̀ Nyìngòŋ fa tsu.

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

Shwèʼ 15:5

Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Joyn 1:24

A ndiʼ ali mu a ntɨm viʼi Falàsi ətɨm viʼi a venə a Joyn.

Ŋwàʼlə̀ Luk 18:11

Wù Falàsi yì mù dyʉ̀ tɨmə wen nyɨŋ ə mù sə jɨ̀mə, gàʼà la, ‘Mà ku kəzòŋ kə̀ a Nyìngòŋ byiʼ ando ma ko diʼ a nə̀ viʼi vətsen vyi a və zàŋsə shi fo viʼi tò kədyàŋ, kò diʼ a nə̀ viʼi vyi a və kwàʼtə̀ təsoʼ, ko dzɨ̀mtə̀ kyi viʼi. Ma ko diʼ a nə̀ wù tinə̀ kənsè ghèn.

Ŋwàʼlə̀ Luk 16:14

Viʼi Falàsi vətsen və zhʉ alì mù sə chəʼə Yesò byiʼ ando vəwenə nkòŋə̀ ko.

Ŋwàʼlə̀ Luk 7:30

Alì, viʼi Falàsi bènə̀ ndìʼsə̀ sə təsoʼ ntyen əkɨ kwòʼtə̀ yi a Nyìngòŋ nkiʼi kùmə̀ vəwenə tò ndə̀ŋndəŋ ando vəwenə nlù tyen əshi mu fa Joyn.

Ŋwàʼlə̀ Mak 12:18

Vəsadùsis vətsenvə vì à Yesò, andiʼ viʼi vyi a və nko byɨmə la wìʼ lu bwènsə̀ lù fa pfʉ ə̀ bèm à wen la,

Ŋwàʼlə̀ Mak 12:13

Vəwenə mù nè tɨm Və Falàsi vətsenvə nə̀ viʼi bàm Helòd la və dyʉ̀ ə̀ mwòmsə̀ wen. Ghə̀ nè gàʼ shwè və ghàʼa wen.

Ŋwàʼlə̀ Mak 8:15

Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”

Matìyò 22:34

Andìʼ ando viʼi Falàsi nzhʉ̀ la Yesò chiʼi li təchʉ̀ tə Vəsadùsis vəwenə tsèntə̀.

Matìyò 22:15

Və Falàsi vətsenvə lù dyʉ̀ zhùŋtə̀ sə baʼtə̀ jì ndi nè la Yesò gàʼ shwè və ghaʼ wen,

Matìyò 12:24

Viʼi Falàsi zhʉ kənyʉ̀ akì mù sə gàʼà la, “A ku fòyn zhwì byɨvə a dìʼì Belzibùl ku kədyòʼ à wen la ghə̀ ndzɨ̀mə̀ shìsə̀ zhwi byɨvə avenə.”

Matìyò 5:20

Ma mù sə gàʼà à ghə̀ŋ la ntsìnə̀ shəŋsə sətsèn dìʼ ke nti a nkàyn ando Nyìngòŋ kəŋə chò sə ndìʼsə̀sə təsoʼ bènə̀ sə viʼi Falàsi, kò ghə̀ŋ lù kwèn a soʼo fòyn Nyìngòŋ.”

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

Matìyò 15:12

Ndzɨ̀mtə̀sə bàm wen sə nè gàʼ a wen la, “Wù yì gàʼ a lì viʼi Falàsi sə fwisə tin.”

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.