Matìyò 26:32 - The New Testament in the Babanki language

³² A ne ndiʼ a zhʉ a və lusə̀ mo fa pfʉ mà dyʉ̀ a Galìlì à ghə̀ŋ a mbì.”

Matìyò 26:32 Referans Kwoze

Matìyò 28:10

Yesò mù gàʼà vəwenə la, “Kə ghə̀ŋ be fwàyn. Ghə̀ŋ dyʉ̀ gàʼà vəlèmə̀ vwomə la vəwenə dyʉ̀ a Galìlì a vəwenə a yen mo tsu.”

Matìyò 28:16

Ndzɨ̀mtə̀sə bàm Yesò shì njʉ̀mùʼ zhʉ ntɨm wen ə dyʉ̀ zaʼa à Galìlì kùʼ a kwi pfen tsen a kəshi a ghə̀ ngàʼà vəwenə dyʉ̀ tsu.

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Ŋwàʼlə̀ Mak 16:7

Ghə̀ŋ dyʉ̀ ə̀ shə̀ʼtə̀ a Bità bènə̀ ndzɨ̀mtə̀sə bàm wen sətsen shì la ghə̀ shiʼì li ndyʉ̀ a Galìlì a ghə̀ŋ a mbì ando ghə̀ tə gàʼà ghə̀ŋ.”

Ŋwàʼlə̀ Mak 14:28

alì à ne ndiʼ a zhʉ a və lusə̀ mò fa pfʉ, mà dyʉ̀ a Galìlì à ghə̀ŋ a mbì.”

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

1 Kolìntyàns 15:6

Ghə̀ ndiʼi li wèn ə wen a ndzɨ̀mtə̀sə wensə sə chò əghɨ ə tayn to ghayn ə mùʼ, viʼi fa vəwenə a ntìntìn bo diʼ ə zàʼa fa layn, və tsenəvə diʼ mù və pfʉkə li.

Matìyò 26:33

Bità gàʼ la, “Və ne sə nyɨŋ wù no vətsèm kò ma lə̀ nyɨŋə fa tsu.”