Matìyò 26:18 - The New Testament in the Babanki language

¹⁸ Ghə̀ bwènsə̀ à vəwenə la, “Ghə̀ŋ kwen dyʉ̀ a tì ntə̀ʼ à wutsen ə̀ gàʼ à wen la, ‘Ndìʼsə̀ gàʼ la zhʉ yi kwʉʼʉ li, ə wenə ndzɨ̀mtə̀sə bàm yì sə a zhɨ kətsi kə məzaʼsə̀ kèn à wù a ngə̀ŋ.’”

Matìyò 26:18 Referans Kwoze

Joyn 7:6

Yesò ə mu gàʼ a vəwenə la, “Əzhʉ ghomə ko təmə kwʉ̀ʼ. A diʼ a ghə̀ŋ, mu ghə̀ŋ zizi ghə̀ŋ dyʉ̀ a Jelusalèm no zhʉ ə kò.

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 7:30

Ghə̀ gaʼa ali, və sə kəŋ ə ghaʼ wen, ali wìʼ ko ə mwomsə byìʼàndo zhʉ yi a Nyìngòŋ ə nghʉ la və lu ghaʼa wen ə ko təmə kwʉʼ.

Joyn 7:8

Ghə̀ŋ dyʉ̀ a kəshi kə kəzhɨ na ken, Ma ko dyʉ̀ luwen byìʼàndo zhʉ ghomə ko təmə kwʉ̀ʼ.”

Joyn 12:23

Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ.

Ŋwàʼlə̀ Luk 22:53

A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Joyn 11:28

Matà gàʼ ali ə bwenə dyʉ̀ nyoʼtə dzàŋ lèmə̀ wen Mèli ə gàʼ a wen la, “Ndìʼsə̀ vi li sə bèmə wù.”

Ŋwàʼlə̀ Mak 5:35

Ando Yesò mbu gàʼà, viʼi ntɨm vətsenvə lù fa ngə̀ŋ kətʉ kə ngə̀ŋ ntsèntə̀ kì vì ə̀ gàʼ à wen la, “Wàyn wù yì pfʉ li, kə be a ku ngəʼ à ndìʼsə̀.”

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Matìyò 23:10

Kə ghə̀ŋ nkəŋə la və dzàŋ wìʼ fà ghə̀ŋ la kətʉ byìʼàndo kətʉ kə diʼ tò kə mùʼ à diʼ mo Klistò.

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 21:3

Ghə̀ŋ sətsèn nzàsə̀ wìʼ bèm kənyʉ̀ à ghə̀ŋ, ghə̀ŋ gàʼa la, Bobo kiʼ kənyʉ̀ ənè nə̀ səwensə diʼ be a bwènsə̀ tɨm tò luwèn.”

Joyn 20:16

Yesò ə be toŋtə to wen azhiʼ la, “Mèli!” Mèli ə shɨtə ki Yesò azhʉ̀ na yi ə zɨ̀mə gàʼ a gaʼa ə Hibùlù la, “Làbonì!” Mu ghə̀ tòŋtə wen la, “Ndìʼsə̀.”

Matìyò 26:49

Judàs ne vì no a zhʉ kò ə̀ dyʉ̀ tò fəchìʼ à Yesò gàʼà la, “Mà toŋtə̀ a ndìʼsə̀.” No a zhʉ kò ə̀ bwamtə wen tò bwamtə.

Matìyò 26:19

Ndzɨ̀mtə̀sə bàm Yesò shìsə nè ando ghə̀ ngàʼà, kwen dyʉ̀ a tì ntə̀ʼ ə̀ shɨ̀tə̀ fozhɨvə məzaʼsə̀ vi tsu.