Matìyò 24:3 - The New Testament in the Babanki language

³ Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

Matìyò 24:3 Referans Kwoze

Shwèʼ 1:7

Yesò bwènsə̀ gàʼ à vəwenə la, “A ko diʼ kəshi kəŋkə̀ ə ghə̀ŋ kɨ kətsi kì ko zhʉ yi a Tìʼ ghom tə ghʉ̀ nə̀ kədyòʼ kə wen kə.

Matìyò 24:37

Wàyn Wìʼ lu sə mvì, nyʉ̀ mfʉ̀ ando və mfʉ̀ a tʉʼʉ Nuwà.

Matìyò 13:49

Kə lu ndiʼ tò a lì a kənsèsə̀ kə mbi. Ntsɨ̀ŋsə ngə̀ŋ Nyìngòŋ sə lu vì ə tetə̀ shìsə̀ viʼi və byɨvə fa ntìntìn viʼi kənyʉ̀ kə tɨməkə,

Ŋwàʼlə̀ Luk 21:7

Vəwenə bèm à wen la,“Ndìʼsə̀, nyʉ̀ a venə lu lyɨ̀ kəshi ze? Kə lu sə zìtə̀ əchò kəchʉtə kyi kə ndiʼ ghò?”

Matìyò 21:1

Ando Yesò wenə̀ ndzɨ̀mtə̀sə bàm wen njèʼè dyʉ̀ boʼsə a Jelusalèm, ə̀ dyʉ̀ a ntə̀ʼ Bephag a ghə̀ ndiʼì a shə wenə pfèn olìf tsenghə. Ghə̀ mù tɨm ndzɨ̀mtə̀sə bàm wen səbò

Matìyò 24:39

Vəwenə ənè a lì kènla vəwenə kɨ kənyʉ̀ kì a kə diʼ ne fʉ̀ əzaʼa fa kətsi yì a kənkuŋ kə nkì vì ə̀ zhwi vəwenə no vətsèm. A lu ndiʼ a tʉʼ a Wàyn Wìʼ vì, nyʉ̀ be nlyɨ̀ kəshi tò ndə̀ŋndəŋ.

Matìyò 24:27

Wàyn Wìʼ lu vì tò a ndayn ando ghʉ nə̀ mwànə̀ ghə̀ bàŋə a kàŋ no tsèm.”

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 17:19

Ndzɨ̀mtə̀sə bàm Yesò sə mù nyòʼtə vì bèm à wen la, “Byìʼì ghò a kə nto ghoʼo yès ə yès shisə kəzhwì kə byɨkə a kèn kə a?”

Matìyò 24:43

A tu ndiʼ la tì ngə̀ŋ kɨ zhʉ a tsòŋ diʼi vì a wen a ngə̀ŋ, mu ghə̀ ko zì ghə̀ mbʉnə̀, ghə̀ a ŋwʉʼʉ ə mbvʉ̀tə̀ kò ghə̀ à ghʉsə la və kwaʼ ngə̀ŋ wen.

Matìyò 15:12

Ndzɨ̀mtə̀sə bàm wen sə nè gàʼ a wen la, “Wù yì gàʼ a lì viʼi Falàsi sə fwisə tin.”

Matìyò 13:36

Andìʼ a zhʉ a Yesò wenə̀ ndzɨ̀mtə̀sə bàm wen ə̀ moʼtə li nòyn viʼi ə̀ bwènə̀ kwen a ngə̀ŋ, vəwenə gàʼ à wen la ghə̀ shə̀ʼtə̀ kənyʉ̀ a ngàyn ə̀ kəfʉ̀ʼ yì ziʼi.

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 24:30

Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə.