Matìyò 24:14 - The New Testament in the Babanki language

¹⁴ Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Matìyò 24:14 Referans Kwoze

Kəmwetə 14:6

Fà yì a bàm, mà bè yèn ətsɨ̀ŋ ngə̀ŋ ə̀ Nyìngòŋ tsen ghə̀ tàynə̀ chò no fa kàŋ kiʼ ətɨm ə jùŋ a ghə̀ ə diʼì tò nəmwèʼè no mətsi ntsèm əshə̀ʼtə̀ à viʼi vyi a və diʼì a nse. Ghə̀ dìʼ əshə̀ʼtə̀ ntɨm ayì à viʼi təloʼ tətsèm nə̀ à ngwàʼsə sə̀tsèm, nə̀ à viʼi təgàʼ tətsèm bènə̀ à no ndò a ghə̀ tsi a nse.

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Matìyò 10:7

Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

Kòlòsyàns 1:6

Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.

Matìyò 24:6

Ghə̀ŋ lu zhʉ ando və temə ghoŋ a mboʼsə be nzhʉ nyʉ̀ byìʼì təghoŋ a kəghaf. Ghə̀ŋ zhʉ a lì kə tətyɨm təŋtə a lɨ̀mə̀ byìʼàndo nyʉ̀ avenə dìʼi lyɨ̀ kəshi mibu mbi lù sə mè.

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Shwèʼ 17:6

Vəwenə kwen tsu kò vəwenə lù yèn Bol wenə̀ Silàs mù ghàʼ Jasòn wenə̀ viʼi vəbyɨməvə vətsenvə ə̀ gùf ə̀ vì nə̀ vəwenə a shɨ viʼi nsoʼ, zɨmə̀ gàʼà la, “Viʼi venə diʼ mu vəwenə nəʼə li tò mbì tsèm, luwèn vəwenə vì li nzaʼa a vəghəŋ a ntə̀ʼ,

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Shwèʼ 20:25

Ghə̀ŋ kɨ li la mà tə njèʼè fà ghə̀ŋ a ntìntìn shə̀ʼtə̀ kənyʉ̀ byìʼì kəshi kə fòn Nyìngòŋ. Ma sə gàʼà à ghə̀ŋ luwèn la ghə̀ŋ ko lu be yen mo no mpfen.

Matìyò 24:3

Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Ŋwàʼlə̀ Luk 4:5

Deblə̀ lyɨ̀ wen fa tsu ə kuʼ nə̀ wen a kəshi kəŋaŋtəkə, lyɨ̀ tò kətemə kə zhʉ ə diʼ təloʼ tə mbi a wen no tətsèm,

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Shwèʼ 11:28

ghə̀ tsen diʼ a vəwenə a ntìntìn, a zhiʼ wen ndìʼ Agabus. Kəzhwì kə ŋwòʼəkə tensə wen, ghə̀ gàʼ a ntsèntə̀ ando jɨ̀ŋ byɨ ne ku təloʼ tətsèm. Jɨŋ ayì lù ku a tʉʼ a andiʼ Klodùs diʼ foyn ə ghoʼo.

Matìyò 18:19

Ma be sə gàʼà kwʉ̀ʼsə̀ à ghə̀ŋ la, “No a zhʉ̀ kò a ghə̀ŋ diʼì a nse a shèn ghə̀ŋ və bò, njɨ̀mə̀ bèmə̀ no ghò a chʉ̀ mùʼ, Tìʼ ghom a kàŋ ne nè à ghə̀ŋ.

Ŋwàʼlə̀ Luk 2:1

A bè ndiʼ a tʉʼ ayì mu fòyn Augustus kuli soʼ la və nyoʼ təzhiʼ tə viʼi no vətsèm a tə̀loʼ tə̀tsèm a ti nə̀ Lum.

Ŋwàʼlə̀ Mak 13:10

Və diʼi shə̀ʼtə̀ ntɨm ə jùŋə ayì à viʼi təloʼ tətsèm mibu kənsèsə̀ kə vi.

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

Shwèʼ 19:27

Ngəʼ lì dìʼ luwèn la viʼi a zìtə̀ ngàʼà nyʉ̀ byɨvə byìʼì shwèʼè vəghəŋ kèn la vəwenə be a nlyɨ̀ ngə̀ŋ jɨ̀m Altemis la àdìʼ kəfo kətsenkə. Na kènkə a nè kò a ndìʼ la Nyìngòŋ aghèn be a nkiʼ ghoʼsə, andiʼ tò wen a viʼi Asìyà nə̀ viʼi mbyi no vətsèm nghoʼsə̀.”

Hibùlù 1:6

A ndiʼ to ando Nyìngòŋ ə nkəŋ ə tɨm Wàyn wen yi a ghə̀ ŋaŋtə chò no ndò a mbyi, ghə̀ gàʼ la, “Ntsɨŋsə Nyìngòŋ no sə tsèm diʼ nkuʼsə wen.”

Hibùlù 2:5

Nyìngòŋ ə ko ə ghʉ̀ la à lu ə nsoʼo ntsɨŋsə wen soʼo mbyi ə fi yì a ghə̀ diʼ lu vì, à yi yì a yès ə gaʼa kumə wen.