Matìyò 23:7 - The New Testament in the Babanki language

⁷ A lə̀ ndiʼ a zhʉ a vəwenə dyʉ̀ a shi mənsàm vəwenə sə kəŋə la viʼi nyɨŋə vì toŋtə vəwenə nə̀ gumləghə be kəŋə la viʼi ndzàŋə̀ vəwenə nə̀ ndìʼsə̀sə.

Matìyò 23:7 Referans Kwoze

Joyn 1:38

Yesò ə kaʼsə ki, ə yen vəwenə to ando və vi fa a wen abàm ə bèm a vəwenə la, “Ghə̀ŋ kəŋ ghoʼ?” Vəwenə bèm la, “Wù tsi fe a Labày?” Labày na ghèn diʼi gàʼ lòʼ la “Ndìʼsə̀”.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 20:16

Yesò ə be toŋtə to wen azhiʼ la, “Mèli!” Mèli ə shɨtə ki Yesò azhʉ̀ na yi ə zɨ̀mə gàʼ a gaʼa ə Hibùlù la, “Làbonì!” Mu ghə̀ tòŋtə wen la, “Ndìʼsə̀.”

Joyn 6:25

Viʼi na vyi mù ə yen Yesò ə bèm a wen la, “Ndìʼsə̀, wù vì a shèn a zhʉ ko?”

Joyn 3:26

Ndzɨ̀mtə̀sə bàm ə Joyn na shìsə ne dyʉ̀ ə yen ə wen, ə gàʼ a wen la, “Ndìʼsə̀, wù kwòʼtə wìʼ yi a ve wen tə ndiʼ a dzen a mu mə Jodàn, a wù ngaʼa byìʼì wen li a? Ghə̀ sə ku mu a viʼi luwen, ali viʼi vətsèm sə dzɨ̀mtə̀ tò wen luwen.”

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Ŋwàʼlə̀ Mak 10:51

Yesò bèm à wen la, “Wù kəŋ la mà ne ghò à wù a?” Ghə̀ gàʼ la, “Ndìʼsə̀, ne ma mbwènsə̀ yenə shi.”

Ŋwàʼlə̀ Mak 9:5

Bità mù gàʼ à Yesò la, “kə boŋə li a ndìʼsə̀ ando vəghəŋ dìʼ a shèn. Yès a bwom təto tətaʼ wù nkiʼ mùʼ, Mosìs kiʼ mùʼ, Elijà be kiʼ tsenghə.”

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 11:16

“Ma lè zì mà shəʼmə viʼi mbyi layn ghèn no nə̀ ghò? Vəwenə diʼ tò nə̀ vunə a və demə a shi woŋ, vətsenəvə ŋwʉʼ dzàŋə̀ gàʼà à vəwenə la,

Matìyò 26:25

Tè Judàs yì a ghə̀ ndiʼi ne baʼlə wen bè gàʼ la, “Ndìʼsə̀, à dìʼ mo mu?” Yesò bwènsə̀ la, “Kə diʼ ando wu gaʼà.”

Matìyò 26:49

Judàs ne vì no a zhʉ kò ə̀ dyʉ̀ tò fəchìʼ à Yesò gàʼà la, “Mà toŋtə̀ a ndìʼsə̀.” No a zhʉ kò ə̀ bwamtə wen tò bwamtə.

Ŋwàʼlə̀ Mak 11:21

Bità bwènsə̀ kwòʼtə̀ kənyʉ̀ kì a kə tə chò ə̀ gàʼ à Yesò la, “Yen a ndìʼsə̀, fəkòʼ fì a wù tə ghʉ kòn a wèn fəwenfə lì zɨm li!”

Ŋwàʼlə̀ Mak 12:38

Yesò nè sə nziʼì dyʉ̀ nə̀ vəwenə ə̀ gàʼ la, “Ghə̀ŋ ntùʼmə̀ wenə̀ ndìʼsə̀sə təsoʼ sensə. Vəwenə nkòŋə̀ njèʼè nə̀ vədàlə və ghoʼkəvə a fàf jisə ndi viʼi nyɨŋə vì toŋtə̀ vəwenə,

Ŋwàʼlə̀ Mak 14:45

Judàs vì ə̀ nàʼ dyʉ̀ tò à Yesò no a zhʉ̀ kò toŋtə wen la “Tìʼ” ə̀ mù bwàmtə wen tò bwàmtə.

Ŋwàʼlə̀ Luk 11:43

“Ngəʼ ghoʼo diʼ à ghə̀ŋ, viʼi Falàsi, byìʼàndo ghə̀ŋ kòŋ dyʉ̀ a loʼ ntsentə, Nyìngòŋ ə kuʼ ŋwʉʼmə tò ambì, bè fʉ̀ a woŋ ə kòŋ la viʼi nyɨŋ vì toŋtə̀ ghə̀ŋ.

Joyn 4:31

A ndiʼ a zhʉ na ghèn, ndzɨ̀mtə̀sə bàm ə Yesò sə sensə wen gàʼ la, “Ndìʼsə̀, zhɨ li kəfo lò.”

Joyn 9:2

Ndzɨ̀mtə̀sə bàm ə wensə toŋtə wen ə bèm a wen la, “Ndìʼsə̀, à nè mbyɨ ndò la wìʼ ghèn fyɨf to fa bwi a, ghə̀ tiʼi wen wenə lì wen mu no to ghə̀ wen lo?”

Joyn 11:8

Ndzɨ̀mtə̀sə bàm wensə toŋtə wen ə gàʼ la, “Ndìʼsə̀, à tə ndiʼ to fəkuʼ alə̀ viʼi Jus sə kəŋ ə tèmlə wù nə̀ nguʼsə, wù sə be kəŋ ə dyʉ̀ ə nè gho tsu a?”