Matìyò 21:23 - The New Testament in the Babanki language

²³ Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Matìyò 21:23 Referans Kwoze

Shwèʼ 4:7

Və lyɨ̀ Bità wenə̀ Joyn ə̀ vì tìsə vəwenə a shɨ viʼi mù bèm à vəwenə la, “Ghə̀ŋ tə lyɨ̀ kədyòʼ fa fe ənè la wìʼ ghèn lu njèʼè a? Ghə̀ŋ tə chʉʼʉ wen a zhiʼ ndò?”

Ŋwàʼlə̀ Luk 19:47

Yesò zìtə̀ mù sə zhʉsə ziʼi a ngə̀ŋ Nyìngòŋ tò mətsi tsèm. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ bènə̀ vəchəʼ və loʼ mù sə kəŋ jì əzhwi wen,

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Shwèʼ 7:27

Wìʼ yì a ghə̀ nyàblə̀ nə̀ wutsen lì bòŋsə̀ tèntə Mosìs, ə bèm à wen la, ‘A ghʉ̀ ndò nghʉ wù la wù nsoʼo yès a?

Matìyò 21:24

Yesò bwènsə̀ gàʼ à vəwenə la, “Nkàyntə̀ mò be a bèm kənyʉ̀ kə mùʼ à ghə̀ŋ, ghə̀ŋ sətsèn bwènsə̀, mà mu à shə̀ʼtə̀ wìʼ yì a ghə̀ŋ a ghə̀ ku kədyòʼ la mà nè nyʉ̀ venə tsu.

Matìyò 24:1

Yesò fʉ̀ fa ngə̀ŋ ntsentə Nyìngòŋ sə ndyʉ̀, ndzɨ̀mtə̀sə bàm wen sə boʼsə vì nə̀ wen, ə̀ gàʼ a wen la, gaʼa kò ghə̀ yen li jì a və bwomə kəbəŋ kə Nyìngòŋ fa tsu lo.?

Ŋwàʼlə̀ Luk 20:1

Tʉʼ nlayn kətsi kətsenkə, Yesò sə ziʼi viʼi a ngə̀ŋ Nyìngòŋ, shəʼtə̀ ntɨm jùŋ à vəwenə. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ, bènə̀ vəchəʼ vì

Matìyò 20:4

Ghə̀ gàʼ à vəwenə la, Ghə̀ŋ fʉ dyʉ̀ nshwèʼè à mò a sɨm ndi ne sə mpfwo mà lòʼ ghə̀ŋ no nə̀ ghò yì a ghə̀ kwʉʼʉ̀.