Matìyò 2:4 - The New Testament in the Babanki language

⁴ Ghə̀ dzàŋtə̀ tʉtʉ vəpfèm və ngə̀ŋ Nyìngòŋ və ghoʼkə və bènə̀ ndìʼsə̀sə təsoʼ ə bèm à vəwenə la və tə ndiʼ ne bwi Klistò yi fe lo.

Matìyò 2:4 Referans Kwoze

Shwèʼ 23:9

Təzɨmə tə sə gàʼà dyʉ̀ tò nə̀ mbì. Ndìʼsə̀ sə təsoʼ sətsensə a andìʼ viʼi nòyn Və Falàsi mù lù tɨ̀mə sə taŋmə̀ no nə̀ kədyòʼ kə gàʼà la, “Yès ko yèn kənyʉ̀ kə byɨkə kì à wìʼ ghèn ne. A zì a ndiʼ mu à gàʼ kəzhwì kò ntsɨ̀ŋ ngə̀ŋ Nyìngòŋ tsen à wen!.”

Shwèʼ 6:12

Vəwenə gàʼ a lì no a zhʉ̀ kò bòsə viʼi nə̀ vəchəʼ bènə̀ ndìʼsə̀sə təsoʼ, Vəwenə vì ghàʼ Stifèn ə̀ dyʉ̀ nə̀ wen a shɨ viʼi soʼò nsoʼ.

Matìyò 21:23

Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Matìyò 7:29

byìʼì ando ghə̀ ə ko ziʼi to ando ndìʼsə̀ sə əsoʼ ə vəwenə. Ghə̀ ə nziʼi to nə̀ wìʼ a ghə̀ nkiʼ adyòʼ.

Shwèʼ 4:5

Tʉʼ layn, tʉtʉ Vəjew nə̀ ndìʼsə̀sə təsoʼ bènə̀ vəchəʼ tsèntə a Jelusalèm,

Joyn 18:3

Judàs mu lyɨ ə nòyn vəsugyèʼ benə viʼi vətsenvə a və nshyèʼè a ngə̀ŋ Nyìngòŋ, mu à tɨm tʉtʉ vəpfèm və̀ ngə̀ŋ Nyìngòŋ nə̀ viʼi Falàsi. Vəwenə ə vi ali, kiʼi əfo ghòŋ nə̀ nkàʼtə̀ nə̀ vəlamə.

Joyn 8:3

Ndìʼsə̀sə tə əsoʼ nə̀ viʼi Falàsi vətsevə kwen ə vì nə̀ wùwì mu və ghaʼa wen, ghə̀ tsi wenə ə wùlɨm ə tsen. Vəwenə vì ə tom wùwì ayi ashɨ ə viʼi,

Joyn 7:32

Viʼi Falàsi ə zhʉ li to ando viʼi ə nyoʼtə gàʼa nyʉ̀ a venə kumə Yesò. Ali vəwenə nə̀ tʉtʉ vəpfèm və ngə̀ŋ Nyìngòŋ mù tɨm vesugyèʼè la və dyʉ̀ ghaʼa wen.

Joyn 3:10

Yesò ə bèm a wen la, “A ko wù diʼ no ndìʼsə̀ ə ghoʼo alòʼ ə Islel, ko wù lu nkɨ tebè nyʉ̀ venə a le lo?”

Ŋwàʼlə̀ Luk 23:10

Tʉtʉ vəpfèm və Nyìngòŋ bènə̀ ndìʼsə̀sə təsoʼ Nyìngòŋ a və nti a kəshi ayì sə̀ sə̀mtə̀ zuʼu nyʉ̀ a wèn Yesò.

Ŋwàʼlə̀ Luk 20:19

Ndìʼsə̀ sə təsoʼ bènə̀ tʉtʉ vəpfèm və ngə̀ŋ Nyìngòŋ kɨ la ghə̀ yi mò ngàyn yì byìʼì vəwenə mù sə kəŋ ji əghaʼ wen tò a zhʉ ayì ali vəwenə ə fàyn nə̀ ashɨ viʼi.

Ŋwàʼlə̀ Mak 8:31

Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.”

Matìyò 27:1

Tʉʼ lan tò a boʼòngə̀ŋ Tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ no vətsèm shɨ̀tə̀ jì əzhwi Yesò,

Matìyò 26:47

Yesò mbu gàʼà, Judàs a ndiʼì wìʼ muʼ fa ntìntìn ndzɨ̀mtə̀sə bàm wen shì njʉ̀sə̀ səbò kuʼu vì wenə̀ nòyn ə viʼi no ghoʼo. Vəwenə nkiʼ nyisə nə̀ mbàŋsə. A ntɨ̀m tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ tɨ̀m vəwenə.

Matìyò 26:3

Tò a zhʉ ayì tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ ghaʼ ntsèntə̀ vəwenə a kəbəŋ ə̀ kətʉ kə tʉtʉ vəpfèm və ngə̀ŋ Nyìngòŋ a və ndzàŋə̀ wen nə̀ Kayifàs,

Matìyò 21:15

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ sə̀ fwisə̀ tin ando vəwenə nyèn nyʉ̀ kanəvə vi a ghə̀ nè bè zhʉ̀ ando vunə nzɨmə gàʼà tsu la, “Ghoʼsə diʼ à wàyn fòyn Devìt.”

Matìyò 13:52

Ghə̀ mù gàʼ à vəwenə la, “Ndìʼsə̀sə təsoʼ shì a sə ziʼì li ə̀ kɨ kənyʉ̀ kì a Sòʼ Fòyn Nyìngòŋ diʼ wenə ghə̀, dìʼ mu və se li tò nə̀ tì ngə̀ŋ yì a ghə̀ kiʼi ghoʼ wen à wen a kəntuʼ sə shìsə fo fivə nə̀ muvə fa tsu shyèʼè nə̀ wenəvə no tsèm.”

Matìyò 2:3

A ndiʼ ando Helòd nzhʉ kənyʉ̀ a kènkə, kə sə̀ ku ngəʼ à wen be ku ngəʼ à viʼi Jelusalèm no vətsèm.

Matìyò 2:5

Vəwenə gàʼ à wen la, “Və tə ndiʼ ne bwi wen a ntə̀ʼ Bètelehèm a loʼ Judiyà”. Nshə̀ʼtə̀ ghoʼo nyòʼ li la,