Matìyò 2:13 - The New Testament in the Babanki language

¹³ A ndiʼ ando viʼi və tofə və nbwenə li vì ntsɨ̀ŋ Bobo vì à Josèf a jòm ə gàʼà wen la,“Lu ə lyɨ̀ wàyn ghèn wenə lì wen fa shə̀ ə nyɨ̀ŋ dyʉ̀ a Ijìb byiʼàndo Helòd kəŋə wàyn a ghèn əzhwi. Ghə̀ŋ dyʉ̀ ghə̀ŋ fàŋ tò tsu əzaʼa fa a zhʉ a ma a gàʼ la ghə̀ŋ bwènə̀ ə vì.”

Matìyò 2:13 Referans Kwoze

Shwèʼ 12:11

Tò a zhʉ ayì, tof ə Bità bwènə̀ vì, ghə̀ yen la kənyʉ̀ kì a kə yì chò yi li à yì ndiʼ nəmwèʼè. Ghə̀ mù gàʼ la, “Mà kɨ li nəmwèʼè luwèn la Bobo tɨm li ntsɨ̀ŋ ngə̀ŋ wen la ghə̀ vi ə̀ bwòŋsə̀ mò fa avu Helòd bè bwòŋsə̀ mò fa nyʉ̀ vyi a Vəjew tə nkwòʼtə̀ ənè nə̀ mò.”

Shwèʼ 10:7

Ntsɨ̀ŋ ngə̀ŋ Nyìngòŋ ayì nè gàʼ mwètə̀ ə̀ lù. Kòneliyòs dzàŋtə̀ viʼi shwèʼ wen vəbò, ə boʼsə nə̀ sugyèʼ tsen, mùʼ a ghə̀ mbe fànə̀ Nyìngòŋ,

Shwèʼ 5:19

A nè sə ndiʼ tò nəntʉʼʉ ayì ntsɨ̀ŋ ngə̀ŋ Bobo vì bòʼ chʉ ngə̀ŋ mfɨŋ ayì ə̀ lyɨ̀ vəwenə ə̀ fʉ̀ nə̀ vəwenə ə̀ gàʼ à vəwenə la,

Matìyò 2:12

Vəwenə nè fʉ a məpfwo, pfwo fa jì kədyàŋ ando Nyìngòŋ ntyɨftəli wen a jòm la kə vəwenə be a bwènə̀ dyʉ̀ a Helòd.

Matìyò 1:20

Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Matìyò 2:16

Helòd nè yen la viʼi və tofə və vyi lobtə̀li yì, kənyʉ̀ a kèn kə zaf wen no nə̀ ŋàŋ. Ghə̀ chòsə̀ soʼ la və zhwilə vunə lyʉmə a Bètelehèm nə̀ vunə a və sə̀ diʼ ngwʉ̀ʼsə bò byìʼì zhʉ a viʼi və tofəvə vyì nshə̀ʼtə̀ la fədzɨ̀ŋ fìfə nfʉ tsu.

Kəmwetə 12:14

Alì və ku təvò tə bolə ghoʼo à wen ndi ghə̀ tayn ə̀ nyɨ̀ŋ fà zhù ayì ə̀ dyʉ̀ a nse zɨm a kəshi yì və ndiʼ tuʼmə nə̀ wen tsu a ngʉ̀ʼsə sə̀ taʼ nə̀ kəbwəʼkə.

Shwèʼ 16:36

Wìʼ ayì shə̀ʼtə̀ à Bol wenə̀ Silàs la və tɨm li ntɨm gàʼà la yì ghʉsə vəwenə, vəwenə ndyʉ̀. Ghə̀ gàʼ a lì mù gàʼ la, “Ghə̀ŋ fʉ lì mpfwo tò nə̀ mbwaʼmə̀.”

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 7:19

Fòyn a ghèn lobtə viʼi vəghəŋ, nyàblə̀ nə̀ vətìʼ və vəghəŋ və mbì no ŋàŋ nè la vəwenə nshìsə̀ vunə və bwaʼvə vəwenə ghʉ a kəbəŋ ndi və mpfʉkə̀.

Matìyò 10:23

Və tsuʼ kəwʉ ə kəŋ a ntə̀ʼ, ghə̀ŋ nyɨŋ ə dyʉ̀ tò a ntə̀ʼ ə kədyàŋ. Ma gaʼa a ghə̀ŋ nəmwèʼè la ghə̀ŋ ko nè mwetə ə shwèʼè ghə̀ŋ a ntə̀ʼsə Islel sə tsèm kenla Wàyn Wìʼ ə bwənə li vi.

Kəmwetə 12:6

Wùwì ayì nyɨŋ ə̀ dyʉ̀ a nse zɨm a kəshi a Nyìngòŋ ə̀ nshɨ̀tə̀ ə̀ ghʉ la və ntùʼmə̀ nə̀ wen tsu a mətsi nkam nə̀ təghɨ tə̀ bò nə̀ məwum ə̀ ntʉfə.

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Matìyò 2:22

A ndiʼ ando Josèf nzhʉ la à sə soʼo Akelùs a kəshi tìʼ wen a Judiyà, ghə̀ sə̀ fàynə̀ no ŋàŋ əŋwʉʼə tsu. Ntsɨŋ Nyìngòŋ be vì ə tyɨftə wen a jòm la ghə̀ nyɨŋ ə dyʉ̀ a shə loʼ Galìlì.

Matìyò 2:14

No a zhʉ̀ kò Josèf lù ə lyɨ̀ wàyn wenə lì wen fa tsu vəwenə nyɨ̀ŋ dyʉ̀ a Ijìb tò nəntʉʼʉ ayì,

Shwèʼ 12:7

A sətsèn, ntsɨ̀ŋ ngə̀ŋ Bobo fʉ̀ a tì ngə̀ŋ ayì, ngə̀ŋ ayì bayn. Ntsɨ̀ŋ ayì nə̀ʼsə̀ Bità ə̀ gàʼ la, “Zàŋsə̀ lù.” Ando ghə̀ ngaʼa a lì, mfɨŋsə shìsə fəŋkə fà wen a akwoŋ.